June 23, 2021, Wednesday

राष्ट्रपतिको सक्रियाताप्रति नेकपामै विवाद

काठमाडौं । संवैधानिक राष्ट्रप्रमुखको हैसियत भएकी राष्ट्रपति विद्यादेवी भण्डारीको पछिल्लो गतिविधि, क्रियाकलाप र सक्रियाताले धेरैलाई शंका उब्जाएको छ । उनको सक्रियातले उनलाई संवैधानिक राष्ट्रपति भन्दा पनि कार्यकारी राष्ट्रपतिको झल्को दिने गरेको छ ।

तत्कालिन नेकपा एमालेको तर्फबाट सामानुपातिक सांसदको हैसियतले प्रतिनिधिसभाको उपसभामुख भएको डा.शीवमायाँ तुम्वाहाम्फेलाई पार्टीले पदबाट राजिनामा दिन भनेर गरेको निर्देशन समेत राष्ट्रपति विद्यादेवी भण्डारीको आड र भरोसमा नटेरेपछि राष्ट्रपतिको प्रभाव पार्टीमा कति रहेछ भन्ने देखिएको हो ।

यहाँसम्मकी उनले आफ्नै कोटाबाट राष्ट्रिय सभा सदस्यमा डा. विमला राई पौडेललाई सांसद बनाउने काम गरेकी थिइन भने प्रदेश नं १ मा तत्कालिन एमालेका सचिव समेत रहेका भिम आचार्यलाई बाईपास गरेर शेरधन राईलाई मुख्यमन्त्री बनाइएको थियो । राई राष्ट्रपति भण्डारीका विश्वास पात्र हुन् ।

तत्कालिन प्रधानमन्त्री शेरबहादुर देउवाले राष्ट्रिय सभामा मन्त्रिपरिषद्को सिफारिसमा राष्ट्रपतिले नियुक्त गर्नु पर्ने तीन सांसदलाई सपथ नखुवाएर संविधानको उल्लंघन गरेको भन्दै विवादमा पर्दै आएकी थिइन् । उनले प्रधानमन्त्री केपी ओली भएपछि उनको सिफारिस बमोजित तीन सांसद नियुक्त गरेकी थिइन् ।

एउटा मन्त्रिपरिषद्ले गरेको निर्णयलाई लत्याउने र अर्को मन्त्रीपरिषद्ले गरेको निर्णयलाई २४ घण्टा नपुग्दै कार्यान्वयन गर्ने शैलीले राष्ट्रपतिलाई त्यसैबेला आलोचनामा होमेको थियो ।

सत्तारुढ नेकपाका अध्यक्षद्धय केपी शर्मा ओली र पुष्पकमल दाहाल प्रचण्डको जिम्मेवारी वाँडफाँट गर्दा समेत राष्ट्रपति विद्यादेवी भण्डारी साँक्षी बसेको चर्चा चलेको थियो । उनकै रोहबरमा दाहाल नेकपाको कार्यकारी अध्यक्ष भएको स्रोतको दाबी छ ।

शुक्रबार मात्र राष्ट्रपति भण्डारीले मुख्य मन्त्री, मन्त्रीहरू र सत्तारुढ नेकपाको स्थायी कमिटीमा रहेका नेताहरूलाई भेटेर गफ दिएकी थिइन् । नेकपाको स्थायी कमिटी बैठक चलिरहेको बेला राष्ट्रपति भण्डारीले मन्त्री र नेताहरूलाई निवासमा बोलाएर राजनीतिक र आर्थिक विषयमा छलफल गरेकी थिइन् ।

ओली नेतृत्वको सरकारका मन्त्रीहरू प्रदीप ज्ञवाली, घनश्याम भुसाल, वर्षमान पुन, शक्ति बस्नेत र युवराज खतिवडालाई राष्ट्रपति भण्डारीले नेकपाको स्थायी कमिटी बैठक चलिरहेको बेला शितल निवास बोलाएको स्रोतको दाबी छ । बैठकमा राष्ट्रपतिका प्रिय पात्र नेकपाको स्थायी समिति सदस्य प्रदेश ५ का मुख्यमन्त्री शंकर पोखरेललाई पनि निवासमा बोलाएकी थिइन् ।

राजनीतिक दल विशेष नेतालाई राष्ट्रपति निवास शितल निवासमा बोलाएर राष्ट्रपति विद्यादेवी भण्डारीले बिबादस्पद र हस्तक्षेप गरेको नेकपा स्थायी समितिका सदस्य भिम रावलले पार्टी भित्रै कुरा उठाएका थिए ।

राष्ट्रपति भण्डारीले नेकपाका स्थायी समिति सदस्यरू देव गुरुङ, सुरेन्द्र पाण्डे, जनार्दन शर्मा, देवेन्द्र पौडेल, प्रधानमन्त्री केपी शर्मा ओलीका राजनीतिक सल्लाहकारसमेत रहेका विष्णु रिमाललसहितका नेताहरूलाई बोलाएर मुलुकको आर्थिक र समसायिक विषयमा छलफल गरेको बताइएको छ ।

स्थायी समितिको बैठक छोडेर पार्टीका नेताहरु एकपछि अर्को गर्दै सहभागी नेताहरु वाहिरिएपछि बैठको अध्यक्षता गरिरहेका पुष्पकमल दाहाल पनि छक्क परेका थिए । उनीहिरु सबै राष्ट्रपति भण्डारीलाई भेट्न गएका थिए । कतिपय नेताहरु ढिलोगरी बैठकमा पुगेपछि नेताहरुले कारण सोधेका थिजए । पछि थाहा भयो कि राष्ट्रपतिले नेकपाका नेताहरुलाई बोलाएकी रहिछन् ।

बैठकमा ढिलो आउने स्थायी समितिका सदस्यहरूलाई अध्यक्ष दाहालले किन ढिलो आएको भनेर प्रश्न सोधेपछि उनीहरु राष्ट्रपति भेट्न गएको बैठकको अध्यक्षता गर्ने अध्यक्षले थाहा पाएका थिए ।

भेटमा राष्ट्रपतिले राजनीतिक कुरा नगरेपनि बौद्धिक नेता भनेर बोलाएको र आफ्नो कार्यकाल ३ वर्षमात्रै बाँकी रहेको स्मरण गराउँदै मुलुकको समसामयिक गतिविधिबारे चासोपछि सहभागीमध्ये ४ जनाले धारणा राखेका थिए राष्ट्रपति कार्यालयमा नेकपाका नेता र मन्त्रीहरुले २ घण्टासम्म छलफल गरेका थिए ।

यसअघि राष्ट्रपतिले कुनै एउटै दलका नेतालाई सामूहिक रुपमा भेटेको यो पहिलो घटना हो । राष्ट्रपतिले राजनीतिक दलका नेतालाई भेट्दा सामूहिक वा सर्वदलिय प्रतिनिधित्व गरिएको बैठकमा सहभागी हुने गरेकी थिइन् ।

सम्बन्धित समाचार

अख्तियारद्वारा आन्तरिक राजश्वका तत्कालिन महानिर्देशक शर्मासहित तीनबिरुद्ध एक अर्ब भ्रष्टाचारको दाबी
अख्तियारद्वारा आन्तरिक राजश्वका तत्कालिन महानिर्देशक शर्मासहित तीनबिरुद्ध एक अर्ब भ्रष्टाचारको दाबी
  • २०७६ पुष ७, ०७: ५३: २८

नयाँ बिकल्प, काठमाडौं । अख्तियार दुरुपयोग अनुसन्धान आयोगले आन्तरिक राजश्व विभागका तत्कालीन महानिर्देशक चुडामणि शर्मासहित तीन जनाविरुद्ध विशेष अदालत काठमाडौंमा...

कोरोनाका कारण मुलुकभर थप ८१ जनाको मृत्यु
कोरोनाका कारण मुलुकभर थप ८१ जनाको मृत्यु
  • २०७६ पुष ७, ०७: ५३: २८

नयाँ बिकल्प, काठमाडौं । नेपालमा पछिल्लो २४ घण्टामा कोरोना भाइरसको संक्रमणबाट थप ५२ जना र छुटेको २९ जना गरी कूल...

सुदूरपश्चिम प्रदेशसभा बैठक कांग्रेसद्वारा अबरूद्ध
सुदूरपश्चिम प्रदेशसभा बैठक कांग्रेसद्वारा अबरूद्ध
  • २०७६ पुष ७, ०७: ५३: २८

नयाँ बिकल्प, धनगढी । सुदूरपश्चिम प्रदेश सभाको बुधबारको बैठक प्रमुख प्रतिपक्ष दल नेपाली कांग्रेसले अबरोध गरेको छ। प्रदेशसभाको अर्को बैठक...

भर्खरै

TOP