January 16, 2021, Saturday

१ सय २२ चिनियाँ किन पक्राउ परे ?

काठमाडौं । नेपाल प्रहरी राजनीतिक शक्तिको छायाँ परेको भनेर आलोचना भइरहँदा प्रहरीले बिना कारण र अभियोग एक सय २२ जना चिनियाँ नागरिक गिरफ्तार गरेर छिमेकी देश चीनको अनावश्यक चाकडी र भक्तिभाव देखाएको भन्दै आलोचना हुन थालेको छ । चीन सरकारले दोषी ठहर गरेका हुन वा ठहर नगरेका हुन, विदेशी नागरिकलाई अपराध गरेको प्रमाण नभइ नेपाल प्रहरीले गिरफ्तार गर्न मिल्दैन ।

नेपालले कुनै पनि देशको नागरिक शरण परेकालाई मरण गर्न मिल्दैन । तर, आशंकाको भरमा कुनै देशको इसारामा नेपाल छिरेका चिनियाँ नागरिकलाई गिरफ्तार गरी विभिन्न बृत्त र महानगरिय प्रहरी परिषरमा राख्ने गरिएको छ ।

नेपाल र चीनबीच सुपुर्दगी सन्धी नभएको अवस्थामा कुनै अभियोग नलगाइ बिदेशी नागरिकलाई नेपाल प्रहरीले नियन्त्रणमा लिएको घटनाबाट युरोपियन युनियन, संयुक्त राज्य अमेरिका र छिमेकी मुलुक भारतले पनि नजिकबाट नियाली रहेको छ । नेपालले चीनको स्वसाशित क्षेत्र तिब्बतबाट नेपाल छिरेको तिब्बतियन नागरिकलाई शरण दिइरहेको छ ।

नेपालका बिभिन्न भागमा तिब्बतबाट भागेर शरणार्थी शिविरमा हजारौं तिब्बती बसिररहेका छन् ।
चीन वा तिब्बतबाट आएका मानिसलाई शरणार्थी शिविरबाट निकाल्दै चीन अपराध गरेको भन्दै फिर्ता पठाउन थाल्न सक्ने आशंका कुटनीतिक क्षेत्रबाट गर्न थालिएको छ ।

प्रहरीको यस्तो क्रियाकलापले चीन र अन्य देशबाट नेपालको भ्रमण वर्षमा आउन तर्सने भएका छन् । विना कारण आशंकाको भरमा चिनियाँ नागरिकलाई प्रहरीले प्रक्राउ गर्न थालेपछि यो घटनालाई बुढी मरी भन्दा पनि काल पल्कियो भन्ने चिन्ता सर्बत्र गर्न थालिएको छ ।

चीनले नेपाली नागरिक र नेपाली भूमिसँग तिब्बती नागरिकहरुको आवात जावत र सम्वन्धलाई निको मानेको छैन् । त्यस्तै, हङकङमा भएको आन्दोलनमा समेत नेपालीमूलका नागरिकको गतिविधि बढेपछि चीन सरकारले नेपालमाथि निगरानी बढाएको हो ।

चीनले कतिपय चिनियाँ नागरिकलाई चिनियाँ सरकारको निर्देशनमा ठमेलदेखि झापासम्म विभिन्न पेशा र व्यवसायको नाममा सुराकी गर्न खटाउने गरेको छ । नेपालमा विभिन्न विकास निर्माणको कामको ठेक्का लिने र बर्षैंसम्म काम सम्पन्न नगर्ने रणनीति अँगालेको देखिन्छ ।

प्रधानमन्त्री केपी शर्मा ओलीको गृह जिल्ला झापाको दमक, गौरादह र कमल गाउँपालिका क्षेत्रलाई समेटेर निर्माण गरिने भनिएको क्लिन इण्डष्ट्रि पार्कमा यतिवेला चिनियाँ गतिविधि बढ्न थालेको छ । बिस्तृत अध्ययन प्रतिवेदन बिना नै रतुवा खोलाको पूर्व र पश्चिम दिशामा वाँध वाँधी दुई, दुई वटा तीन सय मिटर लामा पुलहरु निर्माण गरिरहेको छ ।

भौतिक पूर्वाधार निर्माण खासै नभए पनि चिनियाँ नागरिकहरु विभिन्न उद्योग संचालन गर्न अध्ययन गर्ने भन्दै दमक, बिर्तामोड र काकरभित्तासम्म गतिविधि गरिरहेका छन् ।

सम्बन्धित समाचार

प्रधानमन्त्रीको कदम राजनीतिक पूर्वाग्रहबाट प्रेरितः नेता सिंह
प्रधानमन्त्रीको कदम राजनीतिक पूर्वाग्रहबाट प्रेरितः नेता सिंह
  • २०७६ पुष २१, ०७: १३: ५२

नयाँ विकल्प काठमाडाैं- नेपाली कांग्रेसले प्रतिनिधिसभा विघटनको विरोधमा मुुलुकका ७५३ वटै पालिकामा आज विरोध ¥याली र सभा गरेको छ ।...

सर्वोच्चको फैसला कांग्रेसलाई मान्य हुन्छः डा कोइराला
सर्वोच्चको फैसला कांग्रेसलाई मान्य हुन्छः डा कोइराला
  • २०७६ पुष २१, ०७: १३: ५२

नयाँ विकल्प विराटनगर-नेपाली कांग्रेसका केन्द्रीय सदस्य डा शेखर कोइरालाले संसद् विघटनसम्बन्धमा सर्वोच्च अदालतले दिने निर्णय आफ्नो पार्टीलाई स्वीकार्य हुने बताएका...

चितवनकै पहिलो आकाशे पुलको उद्घाटन
चितवनकै पहिलो आकाशे पुलको उद्घाटन
  • २०७६ पुष २१, ०७: १३: ५२

नयाँ विकल्प भरतपुर-पूर्वी चितवनको रत्ननगरमा जिल्लामै पहिलो आकाशे पुलको उद्घाटन गरिएको छ । वाग्मती प्रदेश सरकार र रत्ननगर नगरपालिकाले पूर्व–पश्चिम...

भर्खरै

TOP