June 24, 2021, Thursday

राजपाभित्र उम्मेदवार बनाउँदा आर्थिक लाभ लिएको गुनासो

काठमाडौं । सत्तारुढ समाजवादी पार्टीलाई छक्काउँदै सत्ताको नेतृत्व गरेको दल नेपाल कम्युनिष्ट पार्टी (नेकपा)सँग राष्ट्रिय सभाको आगामी माघ ९ गते १८ पदका लागि हुने निर्वाचनमा गठबन्धन गर्न सफल राष्ट्रिय जनता पार्टी (राजपा) ले उम्मेदवार छनोट गर्दा आर्थिक लाभ लिएको गुनासो सार्वजनिक हुन थालेको छ ।

कात्तिक मसान्तसम्ममा सत्तारुढ दल समाजवादी पार्टीसँग पार्टी एकताको प्रतिक्षमा बसेको राजपाको नेतृत्वलाई समाजवादीको कात्तिक २८ देखि ३० गतेसम्म काठमाडौंमा बसेको संघीय परिषद् बैठकले सत्ताबाट नवाहिरिने निर्णय गरेर झुक्याएको थियो । समाजवादीले झुक्याएपछि समाजवादीसँग चिढिएका राजपा अध्यक्षमण्डलका संयोजक राजेन्द्र महतोले नेकपका संसदीय दलका उपनेता सुभाषचन्द्र नेम्वाङमार्फत राष्ट्रिय सभाको निर्वाचनमा नेकपासँग गठबन्धन गर्न सफल भएको थियो ।

सत्तारुढ दल नेकपासँग मिलेर दुई नम्वर प्रदेशमा राम्रो पकड भएको राजपाका २ जनालाई राष्ट्रिय सभा सदस्यमा निर्वाचित गर्न सकिन्छ भन्ने योजना अनुसार नै राजपा अध्यक्षमण्डलका संयोजक महतो र अर्का अध्यक्ष शरतसिंह भण्डारीले यस्तो सहमतिको डिजाइन गरेका थिए । सत्तामा जानको लागि खुट्टा उचालेर बसेका राजपा अध्यक्षहरुले राष्ट्रिय सभा निर्वाचनमा सत्तारुढ नेकपासँगको सहकार्य र गठबन्धनलाई सत्ता आरोहण सिंढी बनाउँदैछन् ।

राष्ट्रिय सभामा दुई वर्षे कार्यकाल राजपाका दुई सांसदको यही फागुन २० गतेदेखि सकिँदैछ । ६ जना अध्यक्ष मण्डलका सदस्यहरुमध्ये संसदीय दलको नेता समेत रहेका महन्थ ठाकुर निकटका बृषेशचन्द्र लाल र अध्यक्ष मण्डलका सदस्य महेन्द्र राय यादव निकट रमेशप्रसाद यादवको कार्यकाल समाप्त हुँदैछ ।

तर, यस पटक राजपाले भने सबैलाई चकित बनाउँदै अध्यक्ष मण्डलका संयोजक राजेन्द्र महतो निकटका तत्कालिन सद्भावना पार्टीका नेता मृगेन्द्रप्रसाद सिंह यादव र भण्डारी निकटका तत्कालिन राष्ट्रिय मधेश समाजवादी पार्टी (रामसपा) का नेता शेखर सिंहलाई प्रदेश नम्वर २ बाट राष्ट्रिय सभा सदस्यको उम्मेदवार छनोट गरेको थियो। राष्ट्रिय पार्टी बनाउने भन्दै संगठन गरेका राजपाका अध्यक्षहरु मुलुकका अन्य प्रदेशलाई छाडेर २ नम्वर प्रदेशमा मात्र केन्द्रीत भएको आरोप लागिरहेको बेला राजपा अध्यक्ष मण्डलले २ नम्वर प्रदेशको पनि सप्तरी जिल्लाबासीलाई मात्र अवसर दिएको छ ।

यादव र सिंह दुवै सप्तरीका जमिन्दार हुन् । यादव नेपाल सद्भावना पार्टीबाट तत्कालिन सूर्यबहादुर थापाको राष्ट्रिय जनशक्ति पार्टी, मधेशी जनअधिकारी फोरम, फोरम लोकतान्त्रिकबाट सद्भावना पार्टी हुँदै राजपाका उपाध्यक्ष भएका छन् । राजपा यादव र सिंहलाई उम्मेदवार बनाउँदा अध्यक्ष मण्डलका संयोजक महतो र सदस्य भण्डारीले ५० लाख रुपैयाँसम्मको सौदावाजी गरेको चर्चा राजपाको केन्द्रीय कार्यालय बबरमहलमा चल्न थालेको छ ।

अन्य जिल्लालाई छाडेर दुवै उम्मेदवार सप्तरीबाट मात्र छानेपछि राजपामा असन्तुष्टि चृलिएको छ । भोजपुरा भाषी रौतहट, बारा र पर्षाका राजपाका नेताहरुले सप्तरीबाट मात्र उम्मेदवार बनाइएको भन्दै असहयोग गर्ने चेतावनी दिएका छन् । राजपा भित्रको असन्तुष्टिलाई समाजवादी र नेपाली कांग्रेसको गठबन्धनका उम्मेदवारले फाइदा लिने रणनीति बनाएका छन् ।

महतो र मण्डारीले यादव र सिंहसँग आर्थिक लाभ लिएको आशंकामा पदाधिकारीले संसदीय दलका नेता महन्थ ठाकुरसँग गुनासो समेत गरेका छन् । सप्तरीको बोदेबर्साइनका स्थायी वासिन्दा यादव र सिंहले राजपा अध्यक्ष मण्डलका सदस्यहरु राजकिशोर यादव र अनिल झालाई समेत खुसी बनाएको चर्चा बबरमहल तिर चल्न थालेको छ ।

राजपाका महासचिव केशव झालाई राजपाले राष्ट्रिय सभामा उम्मेदवार बनाउने धेरैले अड्कलबाजी गरेका थिए । राजपाले आर्थिक प्रलोभनमा उम्मेदवार उठाएको भन्ने हल्ला चलेपछि नेकपाका उम्मेदवारलाई समेत राजपाका गाउँपालिका अध्यक्ष र उपाध्यक्ष तथा नगरका प्रमुख र उपप्रमुखले भोट नदिने सम्भावना रहेको कुरा राजापाका एक नेताले बताए ।

सम्बन्धित समाचार

अख्तियारद्वारा आन्तरिक राजश्वका तत्कालिन महानिर्देशक शर्मासहित तीनबिरुद्ध एक अर्ब भ्रष्टाचारको दाबी
अख्तियारद्वारा आन्तरिक राजश्वका तत्कालिन महानिर्देशक शर्मासहित तीनबिरुद्ध एक अर्ब भ्रष्टाचारको दाबी
  • २०७६ माघ ७, ०८: ११: ३६

नयाँ बिकल्प, काठमाडौं । अख्तियार दुरुपयोग अनुसन्धान आयोगले आन्तरिक राजश्व विभागका तत्कालीन महानिर्देशक चुडामणि शर्मासहित तीन जनाविरुद्ध विशेष अदालत काठमाडौंमा...

कोरोनाका कारण मुलुकभर थप ८१ जनाको मृत्यु
कोरोनाका कारण मुलुकभर थप ८१ जनाको मृत्यु
  • २०७६ माघ ७, ०८: ११: ३६

नयाँ बिकल्प, काठमाडौं । नेपालमा पछिल्लो २४ घण्टामा कोरोना भाइरसको संक्रमणबाट थप ५२ जना र छुटेको २९ जना गरी कूल...

सुदूरपश्चिम प्रदेशसभा बैठक कांग्रेसद्वारा अबरूद्ध
सुदूरपश्चिम प्रदेशसभा बैठक कांग्रेसद्वारा अबरूद्ध
  • २०७६ माघ ७, ०८: ११: ३६

नयाँ बिकल्प, धनगढी । सुदूरपश्चिम प्रदेश सभाको बुधबारको बैठक प्रमुख प्रतिपक्ष दल नेपाली कांग्रेसले अबरोध गरेको छ। प्रदेशसभाको अर्को बैठक...

भर्खरै

TOP