November 23, 2020, Monday

नेपाल एयरलाइन्सका २५ पाइलटले राजिनामा दिँदा भिजिट नेपाल २०२० प्रभावित

काठमाडौं । विदेशी पाईलटको तुलनामा आफूहरुलाई चरम विभेद गरी अबमुल्यन गरेको भन्दै नेपाली ध्वजावाहक नेपाल एयरलाइन्सका २५ जना पाईलटहरुले एकै पटक राजिनामा दिँदा मुलुकको पर्यटन व्यवसायलाई गम्भिर असर परेको छ । नेपाल एयरलाइन्सको व्यवस्थापन कमजोर हुनु, राजनीतिक हस्तक्षेपले निरिह बन्नु र आर्थिक प्रलोभन र कमिसनको चक्करमा रुमलिनुका कारण दिन प्रतिदिन आफ्नो साख गिराउँदै गएको नेपाल एयरलाइन्सको भविश्य झन अन्धकारमा फसेको छ ।

नेपाली पाइलटको सेवा सुविधा विदेशी पाइलटको तुलनामा निकै न्युन तोकेर चरम विभेद गरिएको भन्दै नेपाल एयरलाइन्सका पाइलटहरूले सामूहिक राजीनामा दिएका हुन् । नेपाल भ्रमण वर्ष २०२० चलिरहेका बेला पाइलटहरूले तीन महिनापछि लागू हुने गरी राजीनामा बुझाएपछि सरकारको प्राथमिकतामा रहेको नेपाल भ्रमण वर्ष २०२० नराम्ररी प्रभावित हुने देखिन्छ ।

व्यवस्थापनले नेपाली स्थायी कर्मचारीलाई बढी काममा लगाउने तर सेवा सुविधा भने विदेशीलाई धेरै दिने गरेको भन्दै उनीहरुले असन्तुष्टि जनाएका छन् । विदेशी पाइलटले महिनामा ४६ घन्टा मात्र जहाज उडाउँछन भने हप्तामा दुई दिन छुट्टी पाउँछन् । उनीहरूले १५ लाख मासिक तलब पाउँछन । तर, नेपाली स्थायी पाइलटले महिनामा ९५ घन्टा जहाज उडाउने र हप्तामा १ दिन मात्र बिदा पाउने गरेका छन् ।

तीन महिनाभित्र आफ्ना माग सम्बोधन नगरे सबै विमान ग्राउण्डेड हुने उनीहरूको चेतावनी समेत दिएका छन् । एयरबस ३३० वाइडबडी जहाज उडाउने १५ मध्ये १३ जना र एयरबस ३२० जहाज उडाउने २५ मध्ये १२ जना नेपाली पाइलटले राजीनामा दिएका हुन् । पर्यटन मन्त्रालयको जिम्मेवारी सम्हालेको ६ महिना वितिसक्दा पनि नेकपाका युवा नेता योगेश भट्टराईले उल्लेखनीय नीतिगत निर्णय केही गर्न सकेका छैनन् ।

पूर्वमन्त्री स्वर्गीय रविन्द्र अधिकारीले अघि बढाएका नीति र शैलीलाई नै निरन्तरता दिएका मन्त्री भट्टराईले आफूले घोषणा गरे बमोजिम मंसिर भित्र दोश्रो अन्तराष्ट्रिय विमानस्थल निजगढको शिलान्यास गर्ने योजना दुई महिना बित्न लाग्दा समेत भएको छैन् । नेपाल एयरलाइन्सलाई सुधार गर्न कुनै पनि नीति वा निर्देशन दिन नसकेका मन्त्री भट्टराईले नेपाल एयरलाइन्स भित्रको बेथिति र कमजोरीको दर्शक भएर बसेको आरोप लाग्ने गरेको छ । हवाई माफियाको चंगुलमा नेपालका नागरिक उड्डयन मन्त्रीहरु पर्ने गरेका छन् ।

सम्बन्धित समाचार

किन चन्द्रमाकाे ढुङ्गा पृथ्वीमा ल्याउन चाहन्छ चीन ?
किन चन्द्रमाकाे ढुङ्गा पृथ्वीमा ल्याउन चाहन्छ चीन ?
  • २०७६ माघ १४, ०७: २२: ४५

नयाँ विकल्प,एजेन्सी -चीनले सन् १९७० को दशकयता चन्द्रमाबाट ढुङ्गाका नमुना ल्याउन पहिलो पटक प्रयास गर्ने भएको छ। मङ्गलवार प्रक्षेपण गरिने...

वीरका कर्मचारीले ८ महिनादेखि जाेखिम भत्ता नपाउँदा सवै स्थानीय तहमा अस्पताल खाेल्न उर्दी
वीरका कर्मचारीले ८ महिनादेखि जाेखिम भत्ता नपाउँदा सवै स्थानीय तहमा अस्पताल खाेल्न उर्दी
  • २०७६ माघ १४, ०७: २२: ४५

नयाँ विकल्प काठमाडाैं – सरकारले काेराेना संक्रमण नियन्त्रणकालागि प्रत्यक्ष रूपमा खटिने स्वास्थ्यकर्मीलाइ तलबकाे शतप्रतिशत भत्ता उपलब्ध गराउने घाेषणा गरेकाे थियाे...

पाकिस्तानका पूर्व प्रधानमन्त्री नवाज शरिफकी आमाको लन्डनमा निधन
पाकिस्तानका पूर्व प्रधानमन्त्री नवाज शरिफकी आमाको लन्डनमा निधन
  • २०७६ माघ १४, ०७: २२: ४५

पाकिस्तानका पूर्व प्रधानमन्त्री नवाज शरिफकी आमा बेगम सामिम अख्तरको आइतबार लन्डनमा निधन भएको छ । पाकिस्तानको पाकिस्तान मुस्लिम लिग (नवाज)...

भर्खरै

TOP