March 8, 2021, Monday

सरकारले पुरा गर्न सकेन यि प्रतिबद्धता

काठमाडौं । दुई वर्षअघि प्रधानमन्त्रीको सपथ खाँदा देशको समृद्धि, विकास र सुशासनको क्षेत्रमा कायापलट गर्छु भनेका केपी शर्माले ति विषय र मुद्धालाई अझै किनारा लगाउन सकेका छैनन् । उनले प्रधानमन्त्री भएपछि गरेको कतिपय प्रतिवद्धता विर्सिए भने कतिपय अधुरा र अपुरा भएका छन् । उनले पहिलो पटक २०७२ सालमै प्रधानमन्त्रीको सपथ खाएर प्रधानमन्त्रीको कार्यभार सम्हाल्दै गर्दा दुइ वर्षभित्र सबै तूँइन विस्थापित गर्छु भने पनि त्यो चार वर्षमा पनि पुरा गर्न सकेनन् । जुन कुरा उनले आफ्नो मन्तव्यमा पनि स्वीकारी सकेका छन् ।

त्यस्तै, सुन काण्डका ठुला माछा जालमा पर्छन भने पनि सबैलाई कारबाहीको दायरामा ल्याउन सकेका छैनन भने सुन पनि पत्ता लागेको छैन । वाइडबड़ी जहाजÞ खरिद प्रकरणमा भएको भ्रष्टाचारको छानबिन गर्न आफैले गठन गरेको न्यायीक समितिको बारेमा प्रधानमन्त्रीले केही पनि बताएका छैनन् । न त अख्तियारले नै सार्वजनिक लेखा समितिको प्रतिवेदनअनुसार अनुसन्धान नै गरेको छ । त्यस्तै, सिण्डिकेट हटाउने प्रतिबद्धता व्यवहारमा पुरा भएको छैन । न्यारोबड़ी जहाजÞ घोटालाको छानबीन भएको छैन भने निर्मला पन्त हत्याको दोषी दुई वर्ष पुग्न लाग्दा पनि अझै पत्ता लगाएको छैन । ठुला आयोजनाको ठेक्का लिएर विकास निर्माणका काम अलपत्र पार्ने एउटा पनि ठेकेदारलाई कारर्वाही गर्न सकेको छैन ।

बालुवाटार जग्गा प्रकरणमा निष्पक्ष छानबीन गरेन । न्यायाधिश कुमार रेग्मी र नेकपाका महासचिव विष्णु पौडेलका छोरा र पुर्वप्रधानमन्त्रीहरु डा. बाबुराम भट्टराई र माधव नेपाललाई नीतिगत निर्णय गरेको भनी कारवाही नगरिएकोप्रति जनताको आक्रोसलाई संशोधन समेत गरिएको छ । नेपाल ट्रस्टको घर जग्गा कौड़ीको भाउमा यती होल्डिङ्सलाई ३० बर्षका लागि दिएको विषयमा छानबिन गर्ने प्रतिबद्धता आएन ।

बुढीगण्डकी जलबिद्युत आयोजना बिना टेण्डर अरबौको ठेक्का दिने तर अझै काम नगर्ने कम्पनीको विषयमा सरकार मौन बसेको छ । मेलम्चिको ठेकेदार भगाउन भुमिका खेल्ने दोषीलाई कारवाही नगरी कालो सुचीमा राख्नुपर्ने ठेकेदारलाई मेलम्चिको ठेक्का दिइएको छ ।

लिम्पियाधूरा कालापानी समेटेर अझै नक्सा प्रकासित गर्न सरकारले तातो देखाएको छैन भने भारतसँग अझैसम्म सीमा बिबादका विषयमा मन्त्री स्तरीय वार्ता गर्न सकेको छैन । टेलिकमको फोरजी काण्डमा १२ अरब डुबाउने र सेक्युरिटी प्रेस खरिदमा भएको भ्रष्टाचारको विषयमा प्रधानमन्त्रीको मन्तव्यमा मौनता साँधिएको छ । एनसेलले पुँजीगत लाभकर नतिरेको विषयमा र भ्याट बिल नक्कली बनाई जनता सरकार ठग्ने विरुद्धको कारर्वाहीको विषयमा प्रधानमन्त्रीले बोलेका छैनन् ।

त्यस्तै, पानीजाहाजÞ संचालन, चीनबाट आऊने रेल सेवा संचालन, बिजुलीबाट चल्ने बस संचालन, मोनो रेल संचालन, हावाबाट बिजुली निकाल्ने महत्वकांक्षी आफ्ना योजनाका विषयमा प्रधानमन्त्री ओलीले केही बोलेनन् । पानी जहाजको टिकट काट्न, छकछके नभएर सुलुलु कुद्ने रेलमा सँगै अर्को वर्ष यात्रा गरौंला भन्दै संसदमा प्रधानमन्त्री हुदा दिएको वक्तव्यले समेत मुर्त रुप लिन सकेन । प्रधानमन्त्री ओलीले गत वर्ष पानी जहाज कार्यालयको उद्घाटन पनि गरेका थिए ।

तर सो कार्यालयले पानीजहाज सम्वन्धी कानुन बनाउन त परै जओस, एउटा कार्यविधि वा निर्देशिका समेत जारी गर्न नसकेर कार्यालय आफै वेहाल अवस्थामा पुगेको छ । वर्षेनी विकास बजेट ५० प्रतिशत भन्दा बढी खर्च गर्न नसक्ने अवस्थालाई परिवर्तन गर्ने र बेपत्ता र सत्य निरुपण अयोग कहिले गठन हुने बताएका छैनन । बरु ग्ठन भएको झुटो दाबी गरेका छन् ।

सम्बन्धित समाचार

आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
  • २०७६ फाल्गुन ५, ०७: २४: ४२

नयाँ बिकल्प,काठमाडौं – प्रधानमन्त्री केपी शर्मा ओलीले नेतृत्व गरेको सत्तारुढ नेपाल कम्युुनिष्ट पार्टी (नेकपा) ओली समूहले सन्ध्या तिवारी अध्यक्ष रहेको...

भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
  • २०७६ फाल्गुन ५, ०७: २४: ४२

नयाँ बिकल्प, काठमाडौं – चन्द्रागिरी नगरपालिकास्थित विष्णुदेवी माध्यमिक विद्यालयको पुनर्निर्माण हुने भएको छ । भारत सरकारको ६करोड ४९ लाख रुपैयाँ...

‘सेना र प्रहरीका श्रीमतीको नाममा खोलिएका संस्था दासीहरुको जस्तै’
‘सेना र प्रहरीका श्रीमतीको नाममा खोलिएका संस्था दासीहरुको जस्तै’
  • २०७६ फाल्गुन ५, ०७: २४: ४२

नयाँ बिकल्प, काठमाडौं । नेपाल कम्युनिस्ट पार्टी (नेकपा) प्रचण्ड–माधव समूहको स्थायी कमिटी सदस्य पम्फा भुसालले नेपाली सेना, सशस्त्र प्रहरी र...

भर्खरै

TOP