April 19, 2021, Monday

विपतमा संयमता अपनाउनुनै बुद्धिमानी

विश्वभरका विभिन्न मुलुकहरुमा विभिन्न प्रकारका विपतहरु आईलाग्ने गर्दछन् । तर यस पटक विश्वका झण्डै १ सय ८८ भन्दा बढी मुलुकहरुमा एकै पटक विपति आइलागेको छ । शक्ति सम्पन्न राष्ट्रहरुमा बेला वखत हुने दैवी विपतदेखि महामारीले सताउँदा सबै राष्ट्रहरुले सबैतिरबाट सघाएको इतिहास छँदैछ ।

तर यस पटक ठुला राष्ट्रहरुमा पनि विपत आइलागेका कारण कसले कसलाई सहयोग गर्ने दुविधा बढेर गएको छ । चीनको बुहान भन्ने स्थानबाट सुरु भएको नोभल कोरोना भाईरस कोभिड–१९ भन्ने भाईरसले यतिखेर विश्वलाईनै आतंकित बनाई दिएको छ । विश्वभरका मानिसहरुको यतिखेर कोलाहल मच्चिरहेको छ ।

हाम्रो मुलुक नेपालमा आजको दिनसम्म उक्त महामारी फैलिन नसकेको हुँदा उच्च सर्तकर्ता अपनाउन विश्व स्वास्थ्य संगठनले आव्हान गरी रहेको छ । चिनबाट सुरु भएपनि यतिखेर चिनमा नियन्त्रणमा आईसकेको र चिनमा कोरोना भाईरस अस्पतालहरुमा बिरामी आउने क्रम रोकिएको छ । त्यसैले चिनको डाक्टरहरु उपकरण सहित जम्बोटोली इटली पुगेर मानवीय सेवाहरु गरीरहेका छन् । तापनि इटलीका व्यक्तिहरुमा संक्रमित नियन्त्रण हुन सकेको छैन् ।

हाम्रो देश नेपालको भौगोलिक अवस्थादेखि आर्थिक अवस्थालाई मध्यनजर गर्दै सरकारले मात्र यस्तो विपत्तिमा सबै कुरा गर्न सक्छ भनेर टुलटुली हेरेर बस्ने अवस्था हुँदैन । सबै तहबाट संयमता र धैर्यताका साथ काम गर्न सक्यो भने ठुलो क्षति हुनबाट जनतालाई बचाउन सकिन्छ । त्यसैले सरकारले ९ गतेबाट सुरु गरेका विभिन्न नियमहरु स्वतःस्फुर्त रुपमा नेपाली जनताले पालना गर्दा सबैको हित हुनेछ ।

२०७२ सालको महाभुकम्पमा पनि नेपाली नेपालीबीच आत्मबल र सदासंयता प्रकट भएका कारण ठुलो मानवीय क्षति हुनबाट बच्न सकेको तथ्य हामीबिच छँदैछ । त्यसैले हालै सरकारले आव्हान गरे अनुसार जनता पनि अनुशासित हुन जरुरी छ । २०७२ सालमा पनि राजनैतिक दलदेखि जनता जनताबीच एक आपसमा सहयोगी भावनाका कारण ठुलो मानवीय सहयोग प्राप्त भएको हो । अहिले पनि नकारात्मक सोंचभन्दा सकारात्मक भावना लिएर मानवीय सहयोगी हातहरु अगाडी बढाउन अत्यावश्यक छ ।

त्यसैले राज्य सञ्चालन गर्ने जिम्मेदारी पाएको राजनैतिक दल र विपक्षीमा बसेको दल तथा अन्य दलहरुबिच राष्ट्रिय संकटमा एउटै भावना प्रकट हुनुपर्दछ ।

सर्वप्रथम आफ्ना नागरिकको ज्यान सुरक्षा कसरी गर्ने भन्ने समन्वयात्मक भावना जागरुक हुन अत्यावश्यक छ । अहिले समाजमा भएका अफवाहहरुलाई मेटाउन राजनैतिक दलहरुले विशेष पहल गर्नुपर्दछ । स्वतन्त्रताका नाममा गर्ने भ्रामक तथा नकारात्मक सूचना जो कोहीले गर्दा समाजमा ठुलो क्षति हुन सक्छ ।

स्वास्थ्यसम्बन्धी कुराहरु स्वास्थ्य सम्बन्धित डाक्टरको मात्र आधाकारिक सूचनालाई महत्व दिनुपर्दछ । सही सूचनाले मात्र समाज आतंकबाट बच्न सक्छ । अहिले सामाजिक सञ्जाल प्रयोगकर्ताहरुले निकै संयमता अपनाएर हल्लाको भरमा समाजमा नकारात्मक सन्देश फैलाउनु हुँदैन । विपत्मा संयमतानै बुद्धिमानी हो ।

सम्बन्धित समाचार

विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
  • २०७६ चैत्र १०, ०७: ५६: ४२

नयाँ विकल्प, काठमाडाैं- आफूविरुद्धको अविश्वास प्रस्ताव छल्न प्रदेश १ का मुख्यमन्त्री शेरधन राईले हिउँदे अधिवेशन अन्त्य गराएका छन्। सरकार आफैंले...

सरकारकाे नेतृत्वगर्ने अवस्था आए तयार छौं: देउवा
सरकारकाे नेतृत्वगर्ने अवस्था आए तयार छौं: देउवा
  • २०७६ चैत्र १०, ०७: ५६: ४२

नयाँ विकल्प, काठमाडाैं- नेपाली कांग्रेसका सभापति शेरबहादुर देउवाले प्रधानमन्त्री हुने अवस्था आए आफू तयार रहेको बताएका छन्। श्रीराम श्रेष्ठले लेखेको...

संसद पद गुमाएका गृहमन्त्री बादल पुनः शपथ खाँदै
संसद पद गुमाएका गृहमन्त्री बादल पुनः शपथ खाँदै
  • २०७६ चैत्र १०, ०७: ५६: ४२

नयाँ विकल्पकाठमाडाैं- राष्ट्रिय सभा सदस्य पद खारेज भएसँगै गृहमन्त्रीबाट पद पदमुक्त भएका रामबहादुर थापा ‘बादल’ले पुनः गृहमन्त्रीको शपथ लिदै छन्...

भर्खरै

TOP