March 8, 2021, Monday

एकै दिन १ सय १४ लाई कोरोना संक्रमण, संक्रमित ८ सय ८६ पुगे

कठमाडौं । नेपालमा आज वुधबार एकै दिन एक सय १४ जनामा कोरोना संक्रमण देखिएको छ । स्वास्थ्य तथा जनसख्या मन्त्रालयले देशभर संक्रमितको सख्या बढेर ८ सय ८६ पुगेको जनाएको छ ।
बुधबार वीपी कोइराला स्वास्थ्य विज्ञान प्रतिष्ठान धरानमा गरिएको स्वाव परिक्षणबाट सप्तरीको बोदेबर्साइनका ८ जनामा, बलान विहुलमा २ जनामा, सुरुङ्गामा १ जनामा कोरोना संक्रमणको पुष्टी भएको छ ।
यस्तै, कोशी अस्पताल विराटनगरमा भएको परिक्षणबाट झापाको गौरादह नगरपालिकामा २६ र ४१ वर्षका २ जना पुरुषमा र कचनकवल गाउँपालिकाका १९ देखि ५७ वर्षसम्मका १५ जना पुरुषमा कोरोना भाइरसको संक्रमण भएको पुष्टी भएको छ ।
हेटौंडाको किटजन्य प्रयोगशालामा गरिएको परिक्षणबाट मकवानपुर जिल्ला हेटौडा उपमहानगरपालिकाका २५ वर्षे महिलामा र रौतहटको गढीमाईका १७ देखि २९ वर्ष उमेरका ७ जनामा कोरोना संक्रमणको पुष्टी भएको छ ।
पोखरा अस्पतालमा गरिएको परिक्षणबाट बागलुङको तमानखोलाका २१ वर्षे २ जना र २७ वर्षे २ जनामा, बडीगाउँ गाविसमा १९ र २० वर्षका २ जना पुरुषमा संक्रमण देखिएको छ ।
दाङको राप्ती स्वास्थ्य विज्ञान प्रतिष्ठनामा गरिएको परिक्षणबाट रुकुम पूर्वको पृथा उत्तरगंगा गाउँपालिकामा ३ जना, दाङको घोराही उपमहानगरपालिकामा ७ जना, लमहीमा ८ जना जनामा संक्रमण पुष्टी भएको छ ।
भेरी अस्पताल नेपालगञ्जमा गरिएको परिक्षणबाट वाँकेको दुध्वामा २ जना, राप्ती सोनारीमा ७ जना, बैजनाथपुरमा ६ जना र खजुरामा १ जनामा कोरोना संक्रमण पुष्टी भएको छ ।
राष्ट्रिय जनस्वास्थ्य प्रयोगशाला टेकुमा गरिएको परिक्षणबाट सिरहाको सिद्धिचरणमा १, सिरहा बस्ने सप्तरी रुपनीका १, बारा प्रसौटा नगरपालिकाका ७ र रौतटह घर भइ वाराको प्रसौटा बस्ने १ जनामा संक्रमण देखिएको छ ।
टेकुमा गरिएको परिक्षणबाट रौतहटमा भने २८ जनामा संक्रमण पुष्टी भएको छ । जसअनुसार गौरका १ महिला र ७ पुरुषसहित ८ जनामा, देवाही गोनाहीमा २ जनामा, कटरिया नगरपालिकामा २ जनामा, जनता माध्यमिक विद्यालय क्वारेन्टाइनमा रहेका १४ जनामा मदरसामा २ जना कोरोना पुष्टी भएको छ ।
नेपालमा कोरोना संक्रमित देखिएको ४ महिनामा आज सबैभन्दा बढी संक्रमित देखिएका हुन् । स्वास्थ्य तथा जनसख्या मन्त्रालयका प्रवक्ता डा. विकास देवकोटाले संक्रमित ८ सय ८६ मध्ये ७ सय ९६ जना पुरुष र ९० जना महिला छन् ।
कोरोना संक्रमण देशका ४७ जिल्लामा फैलिएको भन्दै स्वास्थ्य मन्त्रालयले प्रदेश ५ मा ३ सय ६५ जना, प्रदेश २ मा ३ सय २५ जना, प्रदेश १ मा १ सय ३ जना, वागमती प्रदेशमा ३९ जना, कर्णाली प्रदेशमा २५ जना, सुदूरपश्चिममा १७ र गण्डकी प्रदेशमा १३ जनामा संक्रमण पुष्टी भएको छ ।
संक्रमितमध्ये हालसम्म १ सय ८३ जना डिष्चार्ज भएका छन् । डिष्चार्ज हुनेमा ४१ ज्ना महिला र १ सय ४२ जना पुरुष रहेका छन् । आज नारायणी उपक्षेत्रीय अस्पतालको आइसोलेसनमा रहेका पर्षाका २१ ज्ना, कोशी अस्पतालको आइसोलेसनमा रहेका उदयपुरका ४ जना, शुशील कोइराला प्रखर अस्पतालमा रहेका वाँकेका २ जना र बर्दियाका १ जना डिष्चार्ज भएका हुन् ।
हल देशभर ७० हजार ३ सय ५ जना क्वारेन्टाइनमा रहेका छन् भने ६ सय ९९ जना आइसोलेसनमा रहेका छन् । हालसम्म पिसिआर प्रविधिबाट ५८ हजार २ सय ७७ जनाको परिक्षण भइसकेको छ ।

सम्बन्धित समाचार

आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
  • २०७७ जेष्ठ १४, १७: ४६: १५

नयाँ बिकल्प,काठमाडौं – प्रधानमन्त्री केपी शर्मा ओलीले नेतृत्व गरेको सत्तारुढ नेपाल कम्युुनिष्ट पार्टी (नेकपा) ओली समूहले सन्ध्या तिवारी अध्यक्ष रहेको...

भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
  • २०७७ जेष्ठ १४, १७: ४६: १५

नयाँ बिकल्प, काठमाडौं – चन्द्रागिरी नगरपालिकास्थित विष्णुदेवी माध्यमिक विद्यालयको पुनर्निर्माण हुने भएको छ । भारत सरकारको ६करोड ४९ लाख रुपैयाँ...

‘सेना र प्रहरीका श्रीमतीको नाममा खोलिएका संस्था दासीहरुको जस्तै’
‘सेना र प्रहरीका श्रीमतीको नाममा खोलिएका संस्था दासीहरुको जस्तै’
  • २०७७ जेष्ठ १४, १७: ४६: १५

नयाँ बिकल्प, काठमाडौं । नेपाल कम्युनिस्ट पार्टी (नेकपा) प्रचण्ड–माधव समूहको स्थायी कमिटी सदस्य पम्फा भुसालले नेपाली सेना, सशस्त्र प्रहरी र...

भर्खरै

TOP