July 29, 2021, Thursday

कोरोना संक्रमित एक हजार ४२ पुगे, विहीबार एक सय ५६ थपिए

कठमाडौं । विहीबार देशका २० जिल्लामा एकै पटक एक सय ५६ जनामा कोरोना भाइरसको संक्रमण पुष्टी भएको छ ।
स्वास्थ्य तथा जनसख्या मन्त्रालयले विहीबार दिउँसो दिएको जानकारी अनुसार कोरोनाका संक्रमित सूदुरपश्चिमको बझाङ र दार्चुला वागमती प्रदेशको दोलखा र प्रदेश १ को सोलुमा समेत देखिएपछि संक्रमण फैलिएको जिल्लाको संख्या पनि ५१ पुगेको छ ।


मन्त्रालयका प्रवक्ता डा. विकास देवकोटाले धनुषामा २९, झापामा २५, रौतहटमा २०,सप्तरीमा १४, महोत्तरीमा १७, सुर्खेतमा १३, दैलेखमा ८, सर्लाहीमा ७, सिरहामा ६, बर्दियामा ३, स्याङ्जामा ३, मकवानपुरमा २ र दोलखामा २ जनामा कोरोना संक्रमण भएको पुष्टी भएको जनाए ।

त्यस्तै, पूर्वी नवलपरासीमा १, सोलुखुम्वुमा १, बझाङमा १, दार्चुलामा १ र नेपालगञ्जमा १ जनालाई कोरोना संक्रमण भएको पुष्टी भएको छ । सुर्खेतमा २ र ५ वर्षका वालक, १ जना बोल्न नसक्ने, र ४ महिलालाई कोरोनाको संक्रमण देखिएको हो ।

कोरोना संक्रमितको सख्या बढेसँगै आइसोलेसनमा राखेर उपचारपछि एक सय ४४ जना पुरुष र ४३ जना महिलासहित १ सय ८७ जना डिष्चार्ज भएका छन् । पिसिआर प्रविधिबाट कोरोना आशंकित व्यक्तिको स्वाव परिक्षणको सख्या बढाएसँगै संक्रमितको सख्या एक हजार नाघेको छ ।

सरकारले पिसिआर प्रविधिबाट हालसम्म ६० हजार ६ सय ९६ जनाको स्वाव लिएर नमुना परिक्षण गरिसकेको छ । हाल आइसोलेसनमा ८ सय ५० जना छन् । क्वारेन्टाइनमा बस्नेको सख्या ८६ हजार ५७ पुगेको छ ।
केरोना संक्रमितको सख्या प्रदेश २ मा ४ सय १५ पुगेको छ । यहाँका ८ वटै जिल्लामा संक्रमण फैलिएको हो । त्यस्तै, प्रदेश ५ का ९ जिल्लाका ३ सय ६९ जनामा संक्रमण देखिएको छ । प्रदेश १ मा १ सय २९ जना, बागमति प्रदेशमा ४४ जना, गण्डकी प्रदेशका ४ जिल्लामा १७ जनामा कोरोनाको संक्रमण देखिएको छ ।
सूदुरपश्चिम प्रदेशको ९ जिल्लामध्ये ७ जिल्लाका २१ मा कोरोनाको संक्रमण पुष्टी भएको छ । कर्णाली प्रदेशको ३ जिल्लामा ४७ जनामा संक्रमण देखिएको छ । नेपालमा कोरोना संक्रमणबाट मृत्यु हुनेको संख्या ५ पुगेको स्वास्थ्य मन्त्रालयले पुष्टी गरेको छ ।

सम्बन्धित समाचार

नेप्से दोहोरो अंकले ओरालो लाग्दा कारोबारमा पनि गिरावट
नेप्से दोहोरो अंकले ओरालो लाग्दा कारोबारमा पनि गिरावट
  • २०७७ जेष्ठ १५, १५: ४२: १०

नयाँ बिकल्प, काठमाडौं – करिव ३१ सयको विन्दुमा पुगेको नेप्से बिहीवबार दोहोरो अंकले आरालो लागेको छ। आज १५.११ अंकले गिरावट...

मन्त्री पाएपछि माओबादी छाडेका ४ पूर्वसांसदको पदबहालीको मागकाे रिट सर्वोच्चद्वारा हेर्न नभ्याइने सूचीमा
मन्त्री पाएपछि माओबादी छाडेका ४ पूर्वसांसदको पदबहालीको मागकाे रिट सर्वोच्चद्वारा हेर्न नभ्याइने सूचीमा
  • २०७७ जेष्ठ १५, १५: ४२: १०

नयाँ बिकल्प, काठमाडौं । तत्कालिन माओबादी केन्द्रबाट चुनाव लडेर प्रतिनिधिसभा सदस्य भएका ४ सांसदहरु एमाले अध्यक्ष केपी शर्मा ओली नेतृत्वको...

लुम्बिनी प्रदेशमा मन्त्री भएका जसपाका तीन सांसद निष्कासनको पत्र दर्ता
लुम्बिनी प्रदेशमा मन्त्री भएका जसपाका तीन सांसद निष्कासनको पत्र दर्ता
  • २०७७ जेष्ठ १५, १५: ४२: १०

नयाँ बिकल्प, बुटवल – लुम्बिनी प्रदेशका मुख्यमन्त्री शंकर पोखरेलले मन्त्री बनाएका जनता समाजवादी पार्टी (जसपा)का तीन प्रदेश सभा सदस्यलाई पार्टीबाट...

भर्खरै

TOP