April 23, 2021, Friday

कैलाली र डोल्पामा २ को मृत्यु कोरोनाबाट, ३ सय २३ संक्रमित थपिए

काठमाडौं । नेपालमा कोरोना भाइरसका कारण थप २ जनाको मृत्यु भएको छ । कैलाली र डोल्पामा २ जनाको मृत्युसँगै कोरोना संक्रमणको कारण मृत्यु हुनेको सख्या १३ पुगेको छ ।
शनिबार तीन सय २३ जना कोरोना संक्रमितको सख्या थप भएसँगै कोरोना संक्रमितको कुल सखया नेपालमा तीन हजार दुई सय ३५ पुगेको छ । कोरोना संक्रमण मुलुकका ७७ मध्ये ७० जिल्लामा फैलिएको स्वास्थ्य मन्त्रालयका प्रवक्ता डा. विकास देवकोटाले जनाए ।
कोरोना संक्रमणको कारण डोल्पाको जगदुल्ला गाउँपालिकाका ५८ वर्षे पुरुषको निधन भएको छ । उनको मृत्यु जेठ २१ गते राति २ वजे भएको थियो । जेठ १६ गते सुर्खेतबाट डोल्पा पुगेका ति पुरुषलाई क्वारेन्टाईनमा राखिएको थियो । उनको निधनको विषयमा बुझ्न कर्णाली स्वास्थ्य विज्ञान प्रतिष्ठानका विशेषज्ञ टोली डोल्पा जाने भएको छ ।
त्यस्तै, धनगढी उपमहानगरपालिका वडा नंम्वर ७ निवासी ५५ वर्षे महिलाको २३ गते अर्थात शुक्रबार निधन भएको छ । मृगौलाले काम गर्न छाडेपछि डायलसिस गराउन धनगढीस्थित अस्पताल भर्ना भएकी ति महिलाको दिउँसो १२ बजे डायलसिस गर्दा गर्दै निधन भएको मन्त्रालयले जनाएको छ ।
नेपालमा कोरोना संक्रमणको कारण निधन भएकाहरुले उपचार नपाई ज्यान गुमाएका छन् । मृत्यु भएको १३ मध्ये ११ जनाको ज्यान नजाँदै कोरोना संक्रमण पुष्टी भएको थिएन् । कोरोनाबाट निधन भएका ११ जनामध्ये केहीको क्वारेन्टाइनमा र केहीको अस्पताल लैजाने वित्तिकै निधन हुने गरेको छ ।
शनिबार थपिएका तीन सय २३ जना संक्रमितमध्ये सबैभन्दा बढी कपिलबस्तुमा देखिएको छ । जहाँ ५० जना संक्रमित शनिबार मात्र थपिएका हुन् । यसअघि कपिलबस्तुमा कोरोना संक्रमितको सख्या ४ सय ६७ थियो । योसँगै कपिलबस्तुमा संक्रमितको सख्या ५ सय बढी भएको छ ।
स्वास्थ्य मन्त्रालयका अनुसार दैलेख जिल्लाको महावुमा ५ महिने वालकसहित ४७ जना, काठमाडौंमा ६, सर्लाहीमा २७, रौतहटमा ६, महोत्तरीमा ३५, , धनुषामा ८ र भक्तपुरमा १ जना ३१ वर्षे महिलामा संक्रमण पुष्टी भएको छ । रुपन्देहीमा ३, नवलपरासीमा २, अर्घाखाँचीमा १, सल्यानमा ३८, सुर्खेतमा १० र जाजरकोटमा ४जनमा ंउंक्रमण पुष्टी भएको छ । काठमाडौंका २ जना भने कञ्चनपुरमा संक्रमित भेटिएका हुन् ।
मोरङमा ६, सुनसरीमा ५, सप्तरीमा ८, नवलपरासीमा ३, वाँकेमा १२, बर्दियामा २८, काश्कीमा ३, स्याङ्जामा १०, बझाङमा ६, कञ्चनपुरमा १ अछाममा १, डडेलधुरामा १, कैलालीमा २ र वागलुङमा १ जना कोरोना संक्रमित शनिबार थपिएका छन् ।
शनिबार थपिएका ३ सय २३ जनामध्ये २ सय ८६ जना पुरुष र ३७ जना महिला संक्रमित भएका हुन् । त्यस्तै, संक्रमित ३ हजार २ सय ३५ मध्ये पुरुष ३ हजार ३ जना र महिला २ सय ३२ रहेका छन् । संक्रमितको सख्या बढेसँगै निको भएर शनिबार ३२ जना घर फर्किएका छन् ।
संक्रमण फैलिँदै जाँदा क्वारेन्टाइनमा बस्नेको सख्या भने एक लाख ६८ हजार ३१ पुगेको छ । क्वारेन्टाइनमा बस्नेमध्ये सबैभन्दा धेरै प्रदेश ७ मा ६० हजार २ सय ४३ रहेका छन् । प्रदेश ५ मा ४१ हजार १ सय १७ जना, कर्णाली प्रदेशमा ३२ हजार २ सय ६५ र प्रदेश २ मा २१ ह्जार ९२ जना क्वारेन्टाइनमा रहेका छन् ।
त्यस्तै हालसम्म प्रदेश १ मा १ सय ७० जना, प्रदेश २ मा ९७३ जना, वागमती प्रदेशमा ५ सय १३ जना, गण्डकी प्रदेशमा ७० जना, प्रदेश ५ मा ९ सय ६१ जना, कर्णाली प्रदेशमा ५ सय ६७ जना र सूदुरपश्चिममा ९१ ज्ना आइसोलेसनमा बसेका छन् ।

सम्बन्धित समाचार

पछिल्लाे २४ घण्टामा थपिए २५ सय ५९ कोरोना संक्रमित, ५ को मृत्‍यु
पछिल्लाे २४ घण्टामा थपिए २५ सय ५९ कोरोना संक्रमित, ५ को मृत्‍यु
  • २०७७ जेष्ठ २४, १८: ३२: २२

नयाँ विकल्प, काठमाडाैं- देशभर पछिल्लो २४ घण्टामा थप २५५९ जनामा कोरोना भाइरस (कोभिड-१९)को संक्रमण पुष्टि भएको छ । ८७९८ पीसीआर...

बर्दिया कांग्रेसका सभापतिसहित ४४ जनाले दिए राजीनामा
बर्दिया कांग्रेसका सभापतिसहित ४४ जनाले दिए राजीनामा
  • २०७७ जेष्ठ २४, १८: ३२: २२

नयाँ विकल्प, काठमाडाैं- बर्दिया कार्यसमितिका ४४ जनाले राजीनामा दिएका छन्। बर्दिया क्षेत्र नम्बर १ का पार्टी क्षेत्रीय सभापति मुक्तिनाथ यादवले...

एमाले अध्यक्ष ओलीले गठन गरे एकपक्षीय स्थायी समिति
एमाले अध्यक्ष ओलीले गठन गरे एकपक्षीय स्थायी समिति
  • २०७७ जेष्ठ २४, १८: ३२: २२

नयाँ विकल्प, काठमाडाैं- एमालेका अध्यक्ष केपी शर्मा ओलीले एकपक्षीय स्थायी समिति गठन गरेका छन् । पार्टी विवाद समाधानकालागि शिर्ष नेताहरूसंग...

भर्खरै

TOP