May 10, 2021, Monday

कोरोनाबाट स्याङ्जामा १ को मृत्यु संक्रमितको सख्या ३ हजार ७ सय ६२


काठमाडौं । नेपालमा कोरोना भाइरसको संक्रमणबाट सोमबार स्याङ्जामा थप एक जनाको मृत्यु भएको छ । स्वास्थ्य तथा जनसख्या मन्त्रालयका नयाँ प्रवक्ता डा. जागेश्वर गौतमका अनुसार स्याङ्जा जिल्लाको वालिङ नगरपालिका वडा नं ३ निवासी ५८ वर्षका पुरुषको निधन भएको हो ।


कोरोना संक्रमण देशका ७७ मध्ये ७१ जिल्लामा फैलिएको छ । सोमबार दुई सय ९४ जना पुरुष र २० जना महिलासहित तीन सय १४ जनामा कोरोना भाईरसको संक्रमण पुष्टी भएको छ । मन्त्रालयका अनुसार हालसम्म क्वारेन्टाइनमा सात वटै प्रदेशमा एक लाख ६६ हजार ६ सय जना रहेका छन् भने तीन हजार दुई सय ६० जना आईसोलेसनमा उपचार गराइरहेका छन् ।


मन्त्रालयले नियमित पत्रकार सम्मेलनमा दिएको जानकारी अनुसार सोमबार २१ ज्ना डिष्चार्ज भएका छन् । योसँगै डिष्चार्ज हुनेको सख्या चार सय ८८ जना पुगेको छ । मन्त्रालयका अनुसार सोमबारबाट राजविराजको गजेन्द्र नारायण सिंह अस्पतालमा पनि कोराना संक्रमितको परिक्षण हुन थालेका छ । योसँगै नेपालमा कोरोना भाइरसको परिक्षण गर्ने अस्पतालको सख्या २१ पुगेको छ ।
कोरोना संक्रमणबाट झापा गौरीगंजका ९ जनामा, सुनसरीका १ जनामा, पाँचथरका १ जनामा सप्तरीको बलान विहुलका २२ जनामा, स्याङजाका १ जनामा, पोखराका १ जनामा पर्षाका ८ जनामा, बाराका ७ जनामा रौतहटका ११ जनामा दाङका ४ जनामा, वाँकेका १ जनामा बर्दियाका १८ जनामा, दैलेखका १० जनामा र सल्यानका ५ जनामा कोरोनाको संक्रमण देखिएको छ ।


मन्त्रालयमा सोमबारदेखि जिम्मेवारी सम्हालेका प्रवक्ता डा. गौतमका अनुसार अर्घाखाँचीका विभिन्न गाउँपालिका र नगरपालिकामा ३१ ज्ना, गुल्मी र सुर्खेतमा १÷१ जना, कपिलबस्तुमा २४ जना, नवलपरासीमा २ जना, पाल्पामा १ जनामा प्युठानमा ८ जनामा, महोत्तरीमा १२ जनामा र सर्लाहीका विभिन्न नगरपालिका र गाउँपालिकामा १ सय ६ जनामा संक्रमण पुष्टी भएको हो ।

सम्बन्धित समाचार

नेपाल-खनाल समुह बैठकः   ओलीलाई  विश्वासकाे मत नदिने निर्णय
नेपाल-खनाल समुह बैठकः ओलीलाई विश्वासकाे मत नदिने निर्णय
  • २०७७ जेष्ठ २६, १८: ४८: ०९

नयाँ विकल्प काठमाडाैं- प्रधानमन्त्री केपी शर्मा ओलीले विश्वासकाे मत लिने बैठकमा नेकपा एमालेकाे माधव कुमार नेपाल- झलनाथ खनाल समुहले बहिस्कार...

एसईई र कक्षा १२ को परीक्षा स्थगित
एसईई र कक्षा १२ को परीक्षा स्थगित
  • २०७७ जेष्ठ २६, १८: ४८: ०९

नयाँ विकल्प, काठमाडाैं-यस वर्षको एसईई र कक्षा १२ को परीक्षा स्थगित भएको छ । राष्ट्रिय परीक्षा बोर्डको सोमबार बसेको भर्चुअल...

नेपाल- खनाल समुहका सांसदहरुको बैठक सिंहदरबारमा सुरु
नेपाल- खनाल समुहका सांसदहरुको बैठक सिंहदरबारमा सुरु
  • २०७७ जेष्ठ २६, १८: ४८: ०९

नयाँ विकल्प, काठमाडाैैं- नेकपा(एमाले) माधव नेपाल–झलनाथ खनाल निकट सांसदहरुको बैठक सुरु भएको छ । संघीय संसद सचिवालय सिंहदरबारमा सुरु भएको...

भर्खरै

TOP