कांग्रेसको उद्योग तथा व्यापार विभागबाट थापाले दिए राजिनामा

NayaBikalpa
प्रकाशित मिती: २०७७ श्रावण ३१, १६: १०: २२

नयाँ विकल्प,
काठमाडौं । नेपाली कांग्रेसले केन्द्रीय सदस्य चिनकाजी श्रेष्ठ प्रमुख गएको केन्दी्रय उद्योग तथा व्यापार विभागको गठन गरेको एक साता नवित्दिै विभागका केन्द्रिय सदस्य केदार थापाले पदबाट राजिनामा दिएका छन् ।

कांग्रेसको इलाम जिल्ला क्षेत्र नं २ बाट महासमिति सदस्यमा निर्वाचित थापाले आफूलाई विभागको केन्द्रीय सदस्यमा मनोनयन गरेकोमा हार्दिक कृतज्ञता ज्ञापन गर्दै आफ्नो ज्ञान, शिप र अनुभवको आधारमा उक्त विभागमा बसेर पदिय दायित्व निर्वाह गर्न असमर्थ हुने जनाएका हुन् ।

सामाजिक सञ्जाल फेसवुकमार्फत थापाले सो पदमा नबस्ने व्यहोरा विभागका केन्द्रिय अध्यक्ष चिनकाजी श्रेष्ठलाई जनाएको बताएका छन् । जिल्ला अस्पताल विकास समिति इलामको अध्यक्ष समेत रहेका थापा इलामका चर्चित र लोकप्रीय युवा नेता हुन् ।

पार्टी सभपाति शेरबहादुर देउवाले अर्का नेता रामचन्द्र पौडेलसँगको असहमतिका बाबजुद १८ वटा विभागको गठन र दुई वटा विभागको विभागीय प्रमुख नियुक्त गरेपछि विभागको सदस्यमा रहेकाहरुले धमाधम राजिनामा दिन थालेका छन् ।

असन्तुष्ट नेताहरुले महाधिवेशनको कार्यतालिका शुरु भएकाले विभाग गठन गरी आचार संहिता उल्लंघन नगर्न सभापति देउवासमक्ष लिखित माग समेत गरेका छन् ।