April 19, 2021, Monday

भ्रष्टाचारबाट आजित जनताले कांग्रेस खोजिरहँदा कांग्रेस दुर्बुद्धिले थलिदैछ

लेखक


कृष्णलाल सापकोटा

स्वेट मार्डेनको ‘आगे वढो’ भन्ने हिन्दीमा आएको अनुवाद पढ्ने अवसर मिलेको थियो । उनले जोड दिएका छन् – अवसर नगुमाउ । अवसर सँधै आउँदैन र आउँदा पनि सुटुक्क आउँछ । त्यसलाई अगाडिबाट समात’ भन्नुको अर्थ अवसर आउना साथ उपयोग गर । पछिबाट समात्न खोज्यो भने त्यो धेरै चिप्लो भएकोले फुत्की हाल्छ । अर्थात् ढिलो गरियो भने अनर्थ हुन्छ ।

अवसरको सही सदुपयोग विना अघि बढिदैन । संसदीय व्यवस्थामा निश्चित समयमा चुनाव हुने हुँदा हार–जित त भइरहन्छ । त्यस्तै हार–जितमा २०७४ को चुनावमा काँग्रेस हा¥यो र कम्युनिस्टको जित भयो । इमानदारीपूर्वक चुनाव प्रचारमा लागेका मानिस आफ्नो पक्षको हारमा केही समय दुखी हुनु र जित्ने पक्ष रमाउनु अस्वाभाविक होइन ।

सरकारको दुईचार महिनाको पद लम्ब्याउन भरतपुर महानगरपालिकाको मेयर पद माओवादीलाई बुझाइयो । माओवादीले लात मारे पछि प्रतिनिधिसभा सदस्य राष्ट्रिय प्रजातन्त्र पार्टीलाई चढाईयो ।

प्रधानमन्त्री, मन्त्री खाइपाइ आएका र तिनका वरीपरी परिक्रमा गरेर फाइदा लिन पल्केकाहरूलाई बाहेक दुई चार महिना पछि कुनै पार्टीको हार वा जितले केही फरक पर्दैन । बरु जित्ने पार्टीलाई लोकप्रियता कायम राख्न कठिन छ, तर पराजितलाई सजिलै छ ।

गत निर्वाचनको पराजयपछि काँग्रेस संगठित हुने ठूलो अवसर थियो । त्यो समयमा सबै भ्रातृ संगठनहरूको अधिवेशन गराएर नयाँ नेतृत्व ल्याउन सकिन्थ्यो । गत फागुनमा पार्टी महाधिवेशन गराउन सकिन्थ्यो । इमानदारी भएको भए कुनै रोकावट थिएन । हाम्रो पार्टी सात सालदेखि नै पद्धतिले चलेन नेतृत्वबाट चल्यो ।

कृष्णप्रसाद भट्टराईको राजीनामा किन भयो राजीनामा फिर्ता गराउन पर्छ भनेर कोही बोलेन ।

सात सालको जनक्रान्तिले निर्माण गरेको नेतृत्वले पार्टी चलायो । परिस्थितिले पनि पद्धति निर्माण गर्ने अवसर दिएन । तीस वर्षे पञ्चायतकाल भरी पार्टी नै प्रतिबन्ध भएको बेला कसरी पद्धति निर्माण गर्नु । वि.स. २०४६ सालको जनआन्दोलन पछि पनि न नेताहरूले पद्धति निर्माण गर्ने चासो राख्नु भयो न कार्यकर्ताहरूबाट पनि जाँगर देखाउन सके ।


नेतालाई त ब्रह्मा, विष्णु र महेश्वर भनेर फुर्काएर सेवा सुविधाका पद कमाउन एक थरी लागे भने पद्धतिको कुरा गर्नेहरू नेताका नजरमा विरोधी देखिन थालेर पार्टीबाट किनारा लाग्दै गए । नेताहरूलाई पनि लाग्यो होला प्रजातन्त्र प्राप्तिको लागि हामीले जीवन भर गरेको संघर्षका कारण हाम्रो प्रशंसा भएको छ ।
जब गणेशमानजीले पार्टी छोड्नु भयो एक जनाले पनि वहाँलाई साथ दिएर पार्टी छोडेनन । पार्टीको केन्द्रीय कार्यालयमा महाधिवेशन भइरहेको थियो । किशुनजीको राजीनामा आएको जानकारी गिरीजाबाबुले गराउनु भयो, कृष्णप्रसाद भट्टराईको राजीनामा किन भयो राजीनामा फिर्ता गराउन पर्छ भनेर कोही बोलेन ।

आफूलाई किसुनजी पक्षको बताएर फाइदा लिएकाहरू सबै चुप देखेर म आफू बोल्ने समयमा किसुनजीको राजीनामा फिर्ता गर्न हामी सबै जाऊँ भनेर विचार राख्दा एकजना पनि समर्थक निस्केनन् प्रस्तावक एक्लै भएँ । पार्टीबाट विश्राम लिने उमेर किटान गरेर पद्धति बनेको भए निश्चय पनि गणेशमाजी र किसुनजीको वहिरगमनलाई दुःखद् बहिरगमन मानिँदैनथ्यो होला ।

अब म नेपाली काँग्रेसले गुमाएको हालैको अवसर मात्र राख्दैछु । आफूले खाइपाइ आएको सरकारको दुईचार महिनाको पद लम्ब्याउन भरतपुर महानगरपालिकाको मेयर पद माओवादीलाई बुझाइयो । माओवादीले लात मारे पछि प्रतिनिधिसभा सदस्य राष्ट्रिय प्रजातन्त्र पार्टीलाई चढाईयो ।

चितवन जिल्ला काँग्रेस यस्ता कामको प्रतिरोध गर्नु त कता कता त्यस्तो जङ्गबहादुर शैलिको हुकुम तामेल गर्न फर्मान भएर लागे । ‘हुन त कसैले नगद पाए होलान्, कसैले पदको आश्वासन पाए होलान् । कसैले गिलास भरी तरल पदार्थ र प्लेट भरी चोक्टा त अवस्य पाए होलान् ।’

हुन त चितवनमा सबै काँग्रेस त्यस्ता छैनन् । बाघबुढो भएपनि घाँस खाँदैन । जब तिनै तहको निर्वाचनबाट कम्युनिस्ट सरकार बन्यो नैतिकताको आधारमा केन्द्रदेखि जिल्लासम्मका सभापतिहरूले राजीनामा गरेर महाधिवेशनमा जानु पथ्र्याे । पार्टी विधानले चार वर्ष तोके पनि त्योभन्दा पहिल्यै अधिवेशन गर्न नसकिने थिएन ।

वर्षैंदेखि अधिवेशन नभएका भातृ संस्थाहरूको अधिवेशन त झन् नगरि भएकै थिएन । हामी मध्ये कतिपयका बाबु बाजे मुखिया जिम्वाल वा जमिनदार थिए की उनीहरूको पद जीवन भर रहने मात्र होइन मरेपछि पनि आफ्नै सन्तानमा सर्यो । हाम्रो पार्टीहरूमा पनि त्यो परम्परा सर्दै आएर होला जो पनि पदमा पुगे पछि जालझेल फट्याई जे गरेर हुन्छ त्यो पदमा टाँसिई रहन इच्छा राख्ने ।

अब राजनैतिक दलहरूमा सेवाको लागि लाग्ने मानिस घट्दै जाने र पेशा बनाउनेहरू थपिदैछन् । ठूलो पदमा पुग्न सक्दा मान–सम्मान र अकूत सम्पत्तिले सम्पन्न हुन पाइने र साना–साना पदमा वा केही नभए नेताको भजन कीर्तन मात्र गरेपनि जहान परिवार पाल्न सहज हुने हुँदा अरु परिश्रमभन्दा राजनैतिक खेलो सहज हुँदैछ ।

आफ्नै विधान बमोजिम गत फागुनमा पार्टीको महाधिवेशन र सबै भातृ संस्थाहरूको अधिवेशन सकेर नयाँ नेतृत्व निर्माण गरेको भए अहिलेको महामारीमा ती निर्वाचित निकायहरूलाई जनताको घर दैलो पठाएर कोरोनाबाट जोगिन र विमारीको स्याहार गर्ने काममा खटाउन सकिन्थ्यो ।

वर्तमान सरकारको भ्रष्ट नीतिबाट आजित भएका जनताले काँग्रेस खोजी रहेका छन् । काँग्रेस भने आफ्नो दुर्बुद्धिले थलिएको छ । महाधिवेशन सम्पन्न भएको ६ महिना भित्र गठन गरिसक्नु पर्ने विभागहरू कार्यकाल सकिए पछि मात्र गठन गरिँदैछ । ‘काम पाइनस् बुढी पाडाको … कन्याइ’ भनेजस्तो छ ।

महाभारतमा पाण्डवहरू जुवा हारेपछि वनवास लाग्छन् कौरवहरू राजकाजमा रमाउँछन् राजकाजमा रमाउनेहरूको काम थियो खानु पिउनु मोज गर्नु र यस आराम गर्नु । वनवासी पाण्डवहरू भने लगातार हतियार चलाउने अभ्यासमा लागे । अर्जुनले त हतियार चलाउने कलामा भगवान् शंकरलाई पनि प्रसन्न पारे ।

त्यति मात्र कहाँ हो र स्वर्गमा पुगेर इन्द्रसँग पनि धनुर विद्या सिके । देवताहरूले हराउन नसकेका दानवहरूलाई समेत सखाप पारि दिए । यसैले गर्दा हस्तिनापुरको त्यत्रो ठूलो सैन्यशक्ति, भिष्म, द्रोणाचार्य, कर्ण जस्ता महारथी, सय भाई कौरवलाई पाँच भाई पाण्डवले हराइ दिए ।

त्यस्तै अवसर काँग्रेसलाई पनि थियो आफ्नै पद मोहको दुर्बुद्धिले गुमाए । अहिले आएर महाधिवेशनको नाटक गर्दै छन् । काँग्रेसको अधिवेशनलाई दया गरेर लामै समयको छुट्टी मनाउन टाढै कोरोना गएछ भने त अधिवेशन होला अन्यथा गफ गर्ने मात्रै हो ।

काँग्रेस नेतृत्वबाट भएका यस्तै–यस्तै कामबाट दिक्दार लागेर हुन सक्छ निष्ठावान पुराना कार्यकर्ता तथा नेताहरुले पनि नेपाली काँग्रेसको कृयाशील सदस्यता नवीकरण गर्ने इच्छा नै मरेर गएको बताएका छन ।
(लेखक जिल्ला विकास समिति चितवनका पूर्वंसभापति हुन् )

सम्बन्धित समाचार

विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
  • २०७७ भाद्र २०, १३: २७: ५९

नयाँ विकल्प, काठमाडाैं- आफूविरुद्धको अविश्वास प्रस्ताव छल्न प्रदेश १ का मुख्यमन्त्री शेरधन राईले हिउँदे अधिवेशन अन्त्य गराएका छन्। सरकार आफैंले...

सरकारकाे नेतृत्वगर्ने अवस्था आए तयार छौं: देउवा
सरकारकाे नेतृत्वगर्ने अवस्था आए तयार छौं: देउवा
  • २०७७ भाद्र २०, १३: २७: ५९

नयाँ विकल्प, काठमाडाैं- नेपाली कांग्रेसका सभापति शेरबहादुर देउवाले प्रधानमन्त्री हुने अवस्था आए आफू तयार रहेको बताएका छन्। श्रीराम श्रेष्ठले लेखेको...

संसद पद गुमाएका गृहमन्त्री बादल पुनः शपथ खाँदै
संसद पद गुमाएका गृहमन्त्री बादल पुनः शपथ खाँदै
  • २०७७ भाद्र २०, १३: २७: ५९

नयाँ विकल्पकाठमाडाैं- राष्ट्रिय सभा सदस्य पद खारेज भएसँगै गृहमन्त्रीबाट पद पदमुक्त भएका रामबहादुर थापा ‘बादल’ले पुनः गृहमन्त्रीको शपथ लिदै छन्...

भर्खरै

TOP