April 18, 2021, Sunday

निषेधाज्ञाबारे उपत्यकाका तीन सिडिओहरु नै अन्यौलमा, जनस्तरमा असन्तुुष्टि बढ्याे

काठमाडौँ — उपत्यकाका तीनवटै जिल्ला प्रशासन कार्यालयले तीन सातादेखि जारी निषेधाज्ञा हटाउने वा खुकुलो गर्ने भन्ने बिषयमा आफुहरुनै अन्यौलमा परेका छन् ।

उपत्यकाका तिन जिल्ला काठमाडाैं भक्तपुर ललितपुरमा गत भदाै ३ गते देखि निषेधाज्ञा जारि भएकाे थियाे । स्थानीय प्रशासनले जारी गरेकाे निषेधाज्ञा आजराति १२ बजे देखि सकिदै छ । निषेधाज्ञा थप्ने वा हटाउने बारे तिन जिल्लाका प्रमुख जिल्ला अधिकारीले निर्णय गर्न सकेका छैनन् ।

यस बिषयमा छलफल गर्न मंगलबार काठमाडौं, भक्तपुर र ललितपुरका प्रमुख जिल्ला अधिकारीहरु क्रमशः जनकराज दाहाल, हुमकला पाण्डे र नारायणप्रसाद भट्टले छलफल गरेपनि कुनै निर्णय गर्न सकेनन् ।

उनीहरुको निर्णयमा ढिला भएका कारण निषेधाज्ञा हट्यो कि कायम छ भन्नेमा सर्बसाधरणमा अन्यौल कायमै छ। उनीहरुले जिल्ला सुरक्षा समितिको राय लिएपछि यस बिषयमा बुधबार निर्णय गर्ने तयारी गरेका छन् ।

सरकारले लगातार निषेधाज्ञा मात्रै बढाएकोमा जनस्तरबाटै त्यसको विरोध हुन थालेको छ । निषेधाज्ञाप्रति व्यक्त भइरहेको असन्तुष्टिबारे आफूहरु जानकार रहेको एक प्रजिअले बताए । तीनवटै जिल्लाका प्रजिअहरुले मंगलबार गृह मन्त्रालयका सचिव महेश्वर न्यौपानेसँग जारी निषेधाज्ञाबारे समीक्षा गरेका छन् ।

छलफलमा गृहसचिव र प्रजिअहरुबीच जनस्वास्थ्य मापदण्डलाई कडाईका साथ लागू गरेर विस्तारै निषेधाज्ञा खुकुलो बनाउँदै लैजाने बारे कुराकानी भएको थियो ।

प्रमुख जिल्ला अधिकराीहरुले निषेधाज्ञालाई जारी राख्ने वा खुकुलो बनाउने भन्नेमा बुधबार संयुक्त बैठक बसेर उचित निर्णय लिइने बताएका छन्।

मंगलबार नै उपत्यका मेयर फोरमले राजधानी प्रवेश गर्ने नाकामा सेना परिचालन गर्नुपर्ने प्रस्ताव गरेको थियो । यसबारे प्रमुख जिल्ला अधिकारीहरुले असन्तुष्टि जनाएका छन् । कुन र के प्रयोजनका लागि सेना परिचालनको प्रस्ताव आयो भन्नेमा आफू जानकार नरहेको उनीहरुले बताउदै आएका छन् ।

सम्बन्धित समाचार

विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
  • २०७७ भाद्र २४, ११: ४७: ०४

नयाँ विकल्प, काठमाडाैं- आफूविरुद्धको अविश्वास प्रस्ताव छल्न प्रदेश १ का मुख्यमन्त्री शेरधन राईले हिउँदे अधिवेशन अन्त्य गराएका छन्। सरकार आफैंले...

सरकारकाे नेतृत्वगर्ने अवस्था आए तयार छौं: देउवा
सरकारकाे नेतृत्वगर्ने अवस्था आए तयार छौं: देउवा
  • २०७७ भाद्र २४, ११: ४७: ०४

नयाँ विकल्प, काठमाडाैं- नेपाली कांग्रेसका सभापति शेरबहादुर देउवाले प्रधानमन्त्री हुने अवस्था आए आफू तयार रहेको बताएका छन्। श्रीराम श्रेष्ठले लेखेको...

संसद पद गुमाएका गृहमन्त्री बादल पुनः शपथ खाँदै
संसद पद गुमाएका गृहमन्त्री बादल पुनः शपथ खाँदै
  • २०७७ भाद्र २४, ११: ४७: ०४

नयाँ विकल्पकाठमाडाैं- राष्ट्रिय सभा सदस्य पद खारेज भएसँगै गृहमन्त्रीबाट पद पदमुक्त भएका रामबहादुर थापा ‘बादल’ले पुनः गृहमन्त्रीको शपथ लिदै छन्...

भर्खरै

TOP