January 15, 2021, Friday

प्रहरी कार्यालयमा आईजीपीकाे फोटो झुण्ड्याउने प्रचलन तोडियो


नयाँ विकल्प,
काठमाडौं – नेपाल प्रहरीका हरेक कार्यालयको बाहिर वा कार्यालय प्रमुखको कार्यकक्षमा संगठनका प्रमुख अर्थात प्रहरी महानिरिक्षकको फोटो झुण्ड्याउने प्रचालन अन्त्य भएको छ ।

दुई महिनाअघि प्रहरी महानिरीक्षक (आईजीपी) मा नियुक्त भएका शैलेश थापा क्षेत्रीले प्रहरी कार्यालयहरुमा आफ्नो फोटो फोटो झुन्ड्याउनको लागि फोटोको साईज उल्लेख गरी परिपत्र नगर्दा यस्तो प्रचलनको अन्त्य भएको हो ।

आईजीपी थापाले आफ्नै कार्यकक्षमा समेत फोटो झुन्ड्याएका छैनन् । मुलुकभरका कुनै पनि प्रहरी इकाइमा विगत दुई महिनादेखि प्रहरी महानिरिक्षकको फोटो झुण्ड्याइएको छैन् ।

प्रत्येक पल्ट आईजीपी परिवर्तन हुनासाथ सचिवालयले परिपत्र गरी देशभरका प्रहरी कार्यालयलाई फोटोको साईजसहित कार्यकालभर फोटो झुण्ड्याउन निर्देशन दिने गरिन्थ्यो । तर महानिरिक्षक भएका क्षत्रीले व्यक्तिको फोटो झुण्ड्याउने प्रथालाई उचित मानेका छैनन् ।

प्रहरीका प्रवक्ता एसएसपी कुवेर सिंह कडायतले सचिवालयबाट यसअघि यति साईजको फोटो राख्ने भनेर परिपत्र जारी भए पनि यस पटक त्यस्तो परिपत्र नभएको जानकारी दिए । राष्ट्रप्रमुखको तस्वीर कार्यालय प्रमुखले आफ्नो कार्यकक्षमा राख्ने प्रचलन छ ।

कतिपयले सरकार प्रमुखको तस्वीर सरकारी कार्यालयमा इच्छा बमोजिम राख्छन् । प्रहरीमा पनि आइजीपीको तस्वीर राख्ने गरिन्छ । तर आईजीपी क्षत्रीको आफ्नो फोटो नझुण्ड्याउने चलनको धेरैले स्वागत गरेका छन् ।

हलो जोतेको किसानको तस्वीर भित्तामा झुण्ड्याएर त्यससैको आधारमा विकासको योजना राष्ट्रिय योजना आयोगले बनाउनु पर्ने निर्देशन मुलुकका प्रथम जननिर्वाचित प्रधानमन्त्री बीपी कोइरालाले दिएका थिए ।

आइजीपी क्षत्रीको यस्तो कदमले संगठनमा व्यक्ति भक्ति, व्यक्ति पुजाको प्रथा र संस्कारको अन्त्य गर्ने राम्रो परिपाटीको शुरुआत गरेका छन् ।

सम्बन्धित समाचार

रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
  • २०७७ भाद्र २९, १५: ५१: ४४

नयाँ बिकल्प, काठमाडौं – लुम्बिनी प्रदेशको रुकुम पूर्वका जिल्ला समन्वय प्रमुख गजेन्द्रबहादुर वलीसहित पाँचजनालाई प्रहरीले जुवा खेलिरहेको अवस्थामा पक्राउ गरेको...

शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
  • २०७७ भाद्र २९, १५: ५१: ४४

नयाँ विकल्प,काठमाडौं – नेपाली कांग्रेसले प्रतिनिधि सभा विघटन गर्ने सरकारको कदम असंवैधानिक भएको भन्दै शनिबार देशका ७ सय ५३ वटै...

तङ्ग्रिदै छ पोखराको पर्यटन ब्यावसाय
तङ्ग्रिदै छ पोखराको पर्यटन ब्यावसाय
  • २०७७ भाद्र २९, १५: ५१: ४४

सिबी अधिकारी, रासस पाेखरा-राजधानी काठमाडौँपछिको प्रमुख पर्यटकीय क्षेत्रको रुपमा पोखरा कहलिएको छ । अनुपम प्राकृतिक सुन्दरता, भौगोलिक विविधता तथा सुन्दर...

भर्खरै

TOP