June 21, 2021, Monday

प्रदेश १ र २ मा कांग्रेसको तीन दिने भर्चुअल प्रशिक्षण


नयाँ विकल्प,
काठमाडौं – नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानले महाधिवेशन प्रतिनिधिहरुलाई कोभिड–१९ को कारण भर्चुअल माध्यमद्वारा प्रदेश १ र दुईका नौ वटा जिल्लामा प्रशिक्षण दिएको छ ।

भदौं २९ गते प्रदेश १ का ताप्लेजुङ, पाँचथर, इलाम र झापा तथा भदौ ३० गते प्रदेश २ का बारा, पर्सा, रौतहट र भदौ ३१ गते सिरहा र सप्तरीका सदस्यहरुलाई दिइएको प्रशिक्षणको उद्घाटन उपसभापति तथा प्रष्ठिानका प्रमुख विमलेन्द्र निधीलेले गरेका थिए ।

निधीले कांग्रेसको आदर्श र सिद्धान्तको आधार राष्ट्रियता, लोकतन्त्र र समाजवादमा केन्द्रित रही परिवर्तन र संविधान निर्माणको नेतृत्व कांग्रेसले नै गरेको भन्दै मुलुकमा गणतन्त्र, संघीयता, समावेशीता, समानुपातिक निर्वाचन प्रणाली र धर्मनिरपेक्षता जस्ता उपलव्धिहरुको स्वामित्व कांग्रेसले नै लिनु पर्ने बताए ।
उनले अहिंसा र शान्तिपूर्ण मार्गको माध्यमद्वारा आगामी दिनमा देशको विकास गर्नुपर्नेमा जोड दिए ।

दुई सत्रमा प्रत्येक दिन सञ्चालित प्रशिक्षणको पहिलो दिन पार्टीका आमन्त्रित केन्द्रीय सदस्य गोपालकुमार बस्नेत र सुधीरकुमार शिवाकोटीको अध्यक्षतामा, दोस्रो दिन केन्द्रीय सदस्य फरमुल्लाह मंसूर र पूर्वकेन्द्रीय सदस्य सुरेन्द्रप्रसाद चौधरी र तेस्रो दिन सप्तरी सभापति दिनेश यादव र जितेन्द्र देवको सभापतित्वमा कार्यक्रम भएको थियो ।

प्रदेश १ का चार जिल्लाको लागि भएको पहिलो दिनको कार्यक्रममा पार्टी पूर्वमहामन्त्री कृष्णप्रसाद सिटौला, केन्द्रीय सदस्य भीष्मराज आङ्दम्वे, प्रवक्ता विश्वप्रकाश शर्मा, केन्द्रीय सदस्य केशवकुमार वुढाथोकी र सरिता प्रसा, पूर्वमन्त्री केशव थापा, झापा पार्टी उपसभापति राम कट्टेल, पाँचथर उपसभापति मित्र काफ्ले र प्रतिष्ठान सदस्य कान्ता रिजालले प्रशिक्षण दिएका थिए ।

प्रदेश दुईको बारा, पर्षा र रौतहटका कार्यकर्तालाई केन्द्रीय सदस्य अजय चौरसिया र राधेचन्द्र यादव, श्रीकृष्णदेव यादव, शान्ती कार्की, देवेन्द्र नेपाली, पर्सा जिल्ला सभापति अजयकुमार द्विवेदी, पूर्व सांसद अनिल रुंगटा, जयकिरण, शम्भुहजारा पासवान् र प्रतिष्ठान सदस्य मधु शाहीले प्रशिक्षण दिएका थिए ।

प्रदेश दुईको सप्तरी र सिरहाका कार्यकर्तालाई प्रशिक्षणको तेश्रो दिन समाजवादी चिन्तक एवम् केन्द्रीय सदस्य प्रदीप गिरीको विशेष प्रशिक्षण दिएका थिए । त्यहाँ केन्द्रीय सदस्य चित्रलेखा यादव, डा. गणेश मण्डल, हेमराज तातेड, अमीयकुमार यादव, रामचन्द्र यादव, नसीर सिद्दिकीले प्रशिक्षण दिएका थिए ।

तीन दिनकै प्रशिक्षण कार्यक्रममा प्रशिक्षणको आवश्यकता वारे प्रतिष्ठानका कार्यकारी निर्देशक पुरुषोत्तम दाहाल, पार्टीको विधान बारे प्रशिक्षण निर्देशक खिलानाथ दाहाल र वर्तमान सरकारको कार्य समीक्षा प्रतिष्ठानका सदस्य राजु नेपालले प्रस्तुत गरेका थिए ।

अन्तिम दिनको कार्यक्रममा योजना आयोगका पूर्वउपाध्यक्ष तथा प्रतिष्ठानका सदस्य डा. गोविन्द पोख्रेलले समाजवाद र आजको नेपालको आर्थिक अवस्थावारे प्रशिक्षण दिएको पार्टी केन्द्रीय कार्यलयका सचिव प्रकाश शर्माले जनाए ।

सम्बन्धित समाचार

१६ डीआईजीको सरुवा, सीआइबीमा धिरज प्रताप सिंह
१६ डीआईजीको सरुवा, सीआइबीमा धिरज प्रताप सिंह
  • २०७७ आश्विन १, १७: ३६: ४८

नयाँ विकल्प, काठमाडाैं-गृह मन्त्रालयले नेपाल प्रहरीका १६ जना प्रहरी नायव महानिरीक्षक (डीआईजीको) र १५ वरिष्ठ उपरीक्षक (एसएसपी) हरुको सरुवा गरेको...

ह्वीप उलंघनपछि कारबाहीमा परेका लुम्विनीका जसपाका ४ सांसदको मुद्धा पूर्ण इजलासमा
ह्वीप उलंघनपछि कारबाहीमा परेका लुम्विनीका जसपाका ४ सांसदको मुद्धा पूर्ण इजलासमा
  • २०७७ आश्विन १, १७: ३६: ४८

नयाँ बिकल्प, काठमाडौंः पार्टीको ह्वीप उलंघन गरेको भन्दै कारबाहीमा परेका जनता समाजवादी पार्टी (जसपा) लुम्बिनी प्रदेशसभाका चार सांसदको मुद्दा अब...

के निधी साँच्चै देउवालाई टक्कर दिने तयारीमा हुन ?
के निधी साँच्चै देउवालाई टक्कर दिने तयारीमा हुन ?
  • २०७७ आश्विन १, १७: ३६: ४८

नयाँ बिकल्प, काठमाडौं । नेपाली कांग्रेसको शुक्रबार बसेको केन्द्रीय कार्यसमिति बैठकले पार्टीको १४ औं महाधिवशेन आगामी भदौ १६ देखि १९...

भर्खरै

TOP