November 27, 2020, Friday

प्रधानमन्त्री ओलीका विजुली बसले दुइ बर्षमा एउटा पनि फुल पारेनन्


नयाँ विकल्प
काठमाडाैं- प्रधानमन्त्री केपी शर्मा ओलीकाे पानी जहाजका अत्यन्तै शाैखिन ब्याक्ति हुन् । कुनै वेला हिन्द महासागरमा नेपाली झन्डा सहितकाे पानी जहाज ल्याउन कम्मर कसेर लागेका ओलीकाे पानी जहाज सपना कहिले पुरा हुन्छ ?

त्याे हेर्न बाँकी नै तर पानी जहाज र प्रधानमन्त्री केपी शर्मा ओलीकाे एउटा विशेषता भने हु वहु मिल्छ त्याे के भने हिड्याे पाइला मेटेर । पानी जहाज हिडेकाे बाटाेकाे सायदै अस्तित्व हाेला त्यस्तै ओलीकाे वाेलिमा पनि कुनै लगाम छैन् । कल्पना गर्याे बाल्याे, सकियाे ।

प्रधानमन्त्री केपी शर्मा ओली बेलगाम बाेलीकाे सिकार बनेकाे एउटा दृष्टान्त हाे विजुली बस , दुइवर्ष अघि अर्थात ६ कात्तिक २०७५ मा प्रधानमन्त्री केपी शर्मा ओलीले तामझाम रहित उद्घाटन गरेकाे विजुली बस प्रयाेगमा हैन सञ्चालन नै नभइ अव संग्राहलयमा राख्ने अवस्थामा पुर्याइएका छन् ।

काठमाडाैं महानगरपालिका , ललितपुर महानगरपालिका का प्रमुख सहित ओलीले पुल्चोकस्थित साझा सहकारी संस्थाको प्रांगणमा तामझामका सहित उद्घाटन गरेका बिजुली बसको बारे प्रधानमन्त्री नै वेखर छन् ।

अर्थात बाेल्याे हिड्याे पाइला मेट्याे । एसियाली विकास बैंकको सहयोगमा बुद्दकाे जन्म भुमि लुम्बिनीमा चलाउन अनुदानमा दिएका ति बस प्रधानमन्त्रीले दाता र स्वयं नागरिकलाइ समेत गुमराहमा राखेर काठमाडाैंमा सञ्चालन गर्ने भन्दै उद्घाटन गरेका थिए । ती वस उदघाटन गर्दै भाषण समेत गरेका प्रधानमन्त्रीले देश अब विद्युतीय सवारीको युगमा प्रवेश गरेकाे दावी गरेका थिए ।‍ प्रधानमन्त्रीले भाषणमा भनेका थिए ,काठमाडौंमा सुरू भएको बिजुली बसले आउँदा दिनमा माछाले भन्दा बढी फुल पार्नेछ ।

अर्थात अव काठमाडाैंमा अव विधुतीय बाहेक अरू गाडी चल्ने छैनन् । प्रधानमन्त्रीले भनेका थिए अव मुलुकमा विद्युतीय सवारीको ट्रेन्ड अगाडि बढ्छ, देशका अरू सहरलाई पनि यसले आकर्षित गर्ने छ । उत्तेजित भाषण सकेर प्रधानमन्त्री आफ्नाे दल बल सहित ललितपुरमा उद्घाटन गरेकाे बसमा चडेर सिंहदरबार पुगे त्यसपछ उनि कहिल्यै त्यता फर्केनन् ।

विजुली बस ग्यारेजमा मक्किएर वेहाल भएकाे बारे प्रधानमन्त्रीलाइ के मतलव ? प्रधानमन्त्रीको अपेक्षाअनुसार ती बिजुली बसले माछाले भन्दा बढी फुल कहाँ पारे ? बिजुलीको बसको ट्रेन्डकाे पाइला कता मेटियाे ? सरकारको स्वामित्वमा नआएका दाताका अनुदानमा आएका ती बस प्रधानमन्त्रीले उदघाटन गरेपछि ठेक्का सम्झौताअनुसार आएका छन् कि छैनन् टुंगो लगाउन संस्कृति, पर्यटन तथा नागरिक उड्ययन मन्त्रालयले प्राविधिक समिति बनाएकाे थियाे ।

साे समितिले दाताबाट बस स्वीकार्नु पहिले प्राविधिक समिति बनाएर त्यसको परीक्षण सुझाव दिएकाे थियाे । समितिकाे प्राविधिक टाेलिकाे अध्यायनबाट बस सम्झौताअनुसारको गुणस्तरका समेत नभएकाे पाइयाे ।

प्रधानमन्त्रीले उद्घाटन गरेका ती बसको कहिले बनेका हुने खुलाइएकाे थिएन । उत्पादन परीक्षण रिपोर्ट विना नै नेपाल भित्र्याइएका बस भारवहन क्षमता र न्यूनतम लाइफसाइकलको सुनिश्चिता छैन। बाहिर रंगरोगन गरिए पनि भित्र प्रयोग भएका सामान खिया लागेको,ढोका नखुल्ने विजुली बसमा प्रयाेग गरिएका शिसा समेत कमसलखालका पाइए ।

ती बस अहिले साझाको ग्यारेजमा थन्किएका छन्।स्राेतका अनुसार प्रधानमन्त्री कार्यालय तथा राष्ट्रपति कार्यालयबाट सञ्चालनमा ल्याउन पटक पटक दवाब दिने गरिएकाे छ । तर ती बस सञ्चालन ल्याउने अवस्थाका नै छैनन् ।

सम्बन्धित समाचार

‘भ्रष्टाचारका संरक्षक’ प्रधानमन्त्री ओलीले राजिनामा गर्न अधिकारकर्मीहरुको माग
‘भ्रष्टाचारका संरक्षक’ प्रधानमन्त्री ओलीले राजिनामा गर्न अधिकारकर्मीहरुको माग
  • २०७७ आश्विन ४, १६: २१: ०५

नयाँ विकल्प,काठमाडाैं-एम्नेष्टि इन्टरनेसनलले हालै प्रकाशित गरेको प्रतिवेदनले नेपाल एसियामै सबैभन्दा बढी भ्रष्टाचार हुने देश भनेर औल्याएकोले नैतिकताको आधारमा उचित निकास...

७१ बर्षिय बृद्धलाई बलत्कार गर्ने ३४ बर्षका गिरी प्रहरीकाे नियन्त्रणमा
७१ बर्षिय बृद्धलाई बलत्कार गर्ने ३४ बर्षका गिरी प्रहरीकाे नियन्त्रणमा
  • २०७७ आश्विन ४, १६: २१: ०५

नयाँ विकल्प पाेखरा- जिल्ला प्रहरी कार्यालय कास्कीले ७१ बर्षे एकल बृद्ध महिला बलत्कार गरेकाे आराेपमा पोखरा महानगरपालिका -१९ पुरन्चौरका ३४...

सशस्त्र प्रहरीका आठ डीआइजी र एक एसएसपीको काज सरुवा (सूची सहित)
सशस्त्र प्रहरीका आठ डीआइजी र एक एसएसपीको काज सरुवा (सूची सहित)
  • २०७७ आश्विन ४, १६: २१: ०५

नयाँ विकल्प काठमाडाैं- गृह मन्त्रालयले सशस्त्र प्रहरी बल नेपालका आठजना  नायब महानिरीक्षक (डीआइजी) र एकजना वरिष्ठ उपरीक्षकको  काज सरुवा गरेको...

भर्खरै

TOP