January 15, 2021, Friday

डाक्टर केसीको १९ औं सत्याग्रहमा साझा पार्टीको ऐक्यवद्धता

साझा पार्टीका संयोजक रवीन्द्र मिश्र र केन्द्रीय सदस्य प्रकाशचन्द्र परियार

नयाँ विकल्प

काठमाडाैं – चिकित्सा शिक्षा सुधारकालागि १९ औं पटककाे अनसनमा रहेका डाक्टर गाेविन्द केसीका मागप्रति साझा पार्टीले ऐक्यवद्धता जनाएकाे छ ।

डाक्टर केसीको सत्याग्रहमा साझा पार्टीको ऐक्यवद्धता जनाउन साझा पार्टी संयोजक रवीन्द्र मिश्र र केन्द्रीय सदस्य प्रकाशचन्द्र परियार डा. गोविन्द केसीलाई अनसन बसेकाे स्थान शिक्षण अस्पताल महाराजगंज पुगेका हुन् ।

संयोजक मिश्रले अनसनको १७ दिन भइसकेकाले तत्काल समिति बनाएर सार्थक वार्ता गरी केसीको जीवन रक्षा गर्न सरकारलाई आग्रह गरेका छन् ।

साझा पार्टीका केन्द्रीय सदस्य प्रकाशचन्द्र परियारले भुँईमान्छेको लागि एक थाेपा पानी समेत नखाई १७औं दिन सम्म कठोर आमरण अनसनमा बस्दा पनि सरकारले अनदेखा गर्नु गैरजिम्मेवारीको पराकाष्ठा भएको टिप्पणी गरेका छन्।

‘डाक्टर केसी जनताका लागि हाड-छाला सुकाएर, ओठ कलेटी पारेर २ हप्ता अघिबाटै आमरण अनशनमा हुनुहुन्छ । यस्तो संवेदनशील विषय उठान गर्दा समाजवाद उन्मुख राज्यले ती मागको अपनत्व महशुस गर्नु त कता हो कता केसीका माग सम्बोधन गर्न अहिलेसम्म वार्ता टाेली समेत गठन गरेकाे छैन, याेभन्दा गैरजिम्मेवारी ब्यवहार के हुन सक्छ?’ परियारले भने ।

नेता परियारले सरकारप्रति व्यङ्ग्य गर्दै भनेका छन,‘सत्याग्रही केसीको माग सम्बोधनका लागि दुर्गा प्रसाँईहरुले ‘ग्रीन सिग्नल’ नदिएसम्म के राज्यकाे तमासा चलिनैरहने हो ?’

आमरण अनसनरत डाक्टर गाेविन्द केसीकाे स्वास्थ्य अवस्था अत्यान्तै कमजाेर बनेकाे भन्दै चिकित्सकहरूले चित्ता ब्यक्त गरेका छन् ।

सम्बन्धित समाचार

रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
  • २०७७ आश्विन १५, ०७: ४१: ३९

नयाँ बिकल्प, काठमाडौं – लुम्बिनी प्रदेशको रुकुम पूर्वका जिल्ला समन्वय प्रमुख गजेन्द्रबहादुर वलीसहित पाँचजनालाई प्रहरीले जुवा खेलिरहेको अवस्थामा पक्राउ गरेको...

शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
  • २०७७ आश्विन १५, ०७: ४१: ३९

नयाँ विकल्प,काठमाडौं – नेपाली कांग्रेसले प्रतिनिधि सभा विघटन गर्ने सरकारको कदम असंवैधानिक भएको भन्दै शनिबार देशका ७ सय ५३ वटै...

तङ्ग्रिदै छ पोखराको पर्यटन ब्यावसाय
तङ्ग्रिदै छ पोखराको पर्यटन ब्यावसाय
  • २०७७ आश्विन १५, ०७: ४१: ३९

सिबी अधिकारी, रासस पाेखरा-राजधानी काठमाडौँपछिको प्रमुख पर्यटकीय क्षेत्रको रुपमा पोखरा कहलिएको छ । अनुपम प्राकृतिक सुन्दरता, भौगोलिक विविधता तथा सुन्दर...

भर्खरै

TOP