नयाँ विकल्प,
काठमाडौं – नेपाली कांग्रेस केन्द्रीय कार्यालय वीपीनगर सानेपामा यतिवेला पार्टीका बडे बडे नेताहरुको लस्कर लागेको छ ।
पार्टी सभापति शेरबहादुर देउवाले सोमबार केन्द्रीय कार्यसमितिको बैठक बोलाएकाले बैठकमा सहभागी हुने सबै नेताको कोरोना परिक्षण गर्नको लागि बिहीबार स्वाव संकलन गरिने जनाएपछि नेताको लाइन पार्टी केन्द्रीय कार्यालयमा देखिएको हो ।
नेपाली कांग्रेस केन्द्रीय कार्यसमितिमा पदाधिकारी र केन्द्रीय सदस्य ९७ जना, आमन्त्रित केन्द्रीय सदस्यहरु २० जना र कार्यालयका कर्मचारी १५ बढीको कोरोना परिक्षण गर्न थालिएको हो ।
पार्टी सभापति देउवाले केही दिनअघि नै स्वाव दिएर परिक्षण गर्दा नेगेटिभ देखिएकाले उनीवाहेकका नेताहरुले बिहीबार स्वाब दिएका हुन् । केन्द्रीय कार्यसमिति सदस्य अजयकुमार चौरसिया कोरोना पोजेटिभ देखिए पनि निको भएर डिष्चार्ज भएका थिए ।
बिहीबार पार्टीका नेता रामचन्द्र पौडेल, उपसभापति तथा संसदीय दलका उपनेता विजयकुमार गच्छदार, पार्टीका प्रभावशाली नेता अर्जुननरसिंह केसी, युवा नेता गगनकुमार थापा, खेलकुद विभागका प्रमुखसमेत रहेका मोहनबहादुर बस्नेतले कोरोना परिक्षणको लागि स्वाब दिएका हुन् ।
कांग्रेस केन्द्रीय कार्यसमिति बैठक असोज १९ गते सोमबार बोलाइएको छ । पार्टीका सबै पदाधिकारी र केन्द्रीय सदस्यलाई बैठकमा सहभागी हुनुअघि कोराना परिक्षण गर्नु पर्ने निर्देशन पार्टी केन्द्रीय कार्यसमितिले यसअघि नै सूचना जारी गरेर दिएको थियो ।
नयाँ विकल्प, काठमाडाैं- देशभर पछिल्लो २४ घण्टामा थप २५५९ जनामा कोरोना भाइरस (कोभिड-१९)को संक्रमण पुष्टि भएको छ । ८७९८ पीसीआर...
नयाँ विकल्प, काठमाडाैं- बर्दिया कार्यसमितिका ४४ जनाले राजीनामा दिएका छन्। बर्दिया क्षेत्र नम्बर १ का पार्टी क्षेत्रीय सभापति मुक्तिनाथ यादवले...
नयाँ विकल्प, काठमाडाैं- एमालेका अध्यक्ष केपी शर्मा ओलीले एकपक्षीय स्थायी समिति गठन गरेका छन् । पार्टी विवाद समाधानकालागि शिर्ष नेताहरूसंग...