April 19, 2021, Monday
नेकपामा ओली, प्रचण्ड र नेपालको सम्वन्ध सर्प, भ्यागुतो र विच्छीको जस्तो

बैठक बोलाएको थाहा नपाउँदै स्थगितको जानकारी नेकपाका महासचिवलाई

नयाँ विकल्प,

काठमाडौं – सत्तारुढ नेपाल कम्युनिष्ट पार्टीं (नेकपा) का महासचिव विष्णु पौडेललाई पार्टी केन्द्रको सचिवालय संचालन सम्वन्धि सम्पूर्ण अधिकार छ । तर, पार्टी सचिवालयको शनिबार ४ बजेको लागि बैठक बोलाइएको जानकारी नै उनीसँग रहेनछ ।

प्रधानमन्त्री तथा पार्टी अध्यक्ष केपी शर्मा ओलीको सचिवालयबाट विहान ११ बजे महासचिव पौडेललाई फोन आयो ‘आज (शनिवार) बेलुकी ४ बजे बोलाइएको सचिवालय बैठक स्थगित गरी आइतबार ४ बजेलाई सारिएको छ ।’

खासमा शुक्रबार प्रधामन्त्रीको सरकारी निवास बालुवाटारमा अध्यक्षद्वय ओली र प्रचण्डबीच भेट भएको थियो । भेटमा प्रचण्डले आफूलाई थाहै नदिइ अमेरिका र बेलायतको लागि डा. युवराज खतिवडा र लोकदर्शन रेग्मीलाई राजदूत नियुक्तको निर्णय गरेकोमा असुन्तुटि जनाएका थिए ।

प्रचण्डले आफ्नो असन्तुष्टिलाई संवोधन गर्न सचिवालय बैठकको माग गरेका थिए
र उनको असन्तुष्टिलाई थामथुम गर्न ओलीले ‘बैठक बोलाउँला अनि छलफल गरौंला ’ भनेका थिए । अर्का अध्यक्ष प्रचण्डले सचिवालय बैठक शनिबार हुने र त्यही ओलीलाई र्याख र्याख्ती पार्ने योजना बुनेका रहेछन् ।

केन्द्रीय कमिटी र स्थायी समितिमा आफू स्वतः अल्पमतमा परेका ओलीले ९ सदस्यीय सचिवालयमा समेत कहिले वामदेव गौतमलाई फाकाउन त जहिल्यै गृहमन्त्री रामबहादुर थापा ‘बादल’ लाई आफ्नो पक्षमा पारिरहने सकस बेहुर्नु परेको छ ।

आफू पार्टी अध्यक्ष भएदेखि नै पार्टी भित्रै स्थायी प्रतिपक्षीको भूमिकाम रहेका नेता माधवकुमार नेपाललाईं ओलीले सँधै आफ्नो मनमौजी निर्णयको वाधक मान्दै आएका छन् । सचिवालयका दुई सदस्यलाई फकाउँदै र अर्का अध्यक्ष प्रचण्डलाई विरोधी मोर्चामा जान नदिन ओलीले वारम्बार ‘पासा’ फ्याक्नु परेको छ ।

पछिल्लो समय अध्यक्ष दाहालसमेत नेता नेपालसँग मिलेर आफूबिरुद्धको मोर्चाबन्दीमा लागेपछि ओलीको ध्यान दाहाललाई व्यालेन्समा राख्नमै गएको छ ।

आफ्नो स्वार्थ अनुकुल काम गर्ने बानी र स्वभाव भएका ओलीले विगतमा सचिवालय सदस्य र अध्यक्ष दाहालसँग गरेका निर्णय, सहमति र वाचा तोड्न थालेपछि नेकपाभित्र सँधै रडाको हुने गरेको छ ।

ओलीका क्रियाकलाप र कार्यशैलीको बिरुद्ध आफूलाई साथ दिएका नेता नेपालले ओलीलाई प्रधानमन्त्री र पार्टी अध्यक्षबाट हटाउन भने साथ नदिएको भन्दै प्रचण्ड समेत नेपालसँग रुष्ट छन् ।

यसरी नेकपा भित्र ओलीदेखि प्रचण्ड डराउने, प्रचण्डदेखि नेपाल डराउने र नेपालदेखि ओली डराउने अवस्थालाई नेकपा भित्र सर्प, भ्यागुतो र बिच्छीको उदाहरण दिने गरिएको छ । नेकपा भित्र ओली सर्पजत्तिकै शक्तिशाली छन् । ओलीसँग प्रचण्ड डराए पनि नेपालसँग ओली डराउने गरेका छन् ।

सम्बन्धित समाचार

विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
  • २०७७ आश्विन १७, १६: २८: ०७

नयाँ विकल्प, काठमाडाैं- आफूविरुद्धको अविश्वास प्रस्ताव छल्न प्रदेश १ का मुख्यमन्त्री शेरधन राईले हिउँदे अधिवेशन अन्त्य गराएका छन्। सरकार आफैंले...

सरकारकाे नेतृत्वगर्ने अवस्था आए तयार छौं: देउवा
सरकारकाे नेतृत्वगर्ने अवस्था आए तयार छौं: देउवा
  • २०७७ आश्विन १७, १६: २८: ०७

नयाँ विकल्प, काठमाडाैं- नेपाली कांग्रेसका सभापति शेरबहादुर देउवाले प्रधानमन्त्री हुने अवस्था आए आफू तयार रहेको बताएका छन्। श्रीराम श्रेष्ठले लेखेको...

संसद पद गुमाएका गृहमन्त्री बादल पुनः शपथ खाँदै
संसद पद गुमाएका गृहमन्त्री बादल पुनः शपथ खाँदै
  • २०७७ आश्विन १७, १६: २८: ०७

नयाँ विकल्पकाठमाडाैं- राष्ट्रिय सभा सदस्य पद खारेज भएसँगै गृहमन्त्रीबाट पद पदमुक्त भएका रामबहादुर थापा ‘बादल’ले पुनः गृहमन्त्रीको शपथ लिदै छन्...

भर्खरै

TOP