January 15, 2021, Friday

पौडेललाई अर्थमन्त्रीः लुम्बिनीको राजधानीको आँंसु पुछनी-संचारमा प्रचण्ड अडान कायमै

नयाँ विकल्प,

काठमाडौं – प्रधानमन्त्री केपी शर्मा ओलीले महासचिव विष्णुु पौडेललाई अर्थमन्त्री बनाउने तयारी गरेका छन् । प्रधानमन्त्री ओलीले हालका लागि रिक्त मन्त्रालयमा मात्र मन्त्रीहरु नियुक्त गर्न लागेको स्रोतले बतायो। अध्यक्ष प्रचण्डले उपप्रधानमन्त्री सहित अर्थमन्त्री बनाउन उपाध्यक्ष बामदेव गौतमको नाममा अडान लिएपनि प्रधानमन्त्री त्यसमा सहमत छैनन् ।

ओली जसरी पनि पौडेललाईनै अर्थमन्त्री बनाउने पक्षमा छन् । ओलीले पौडेललाई अर्थमन्त्री बनाउनुको अर्थ लुम्बिनीको राजधानीको बिषयपनि जोडिएको छ। मुख्यमन्त्री शंकर पोखरेलको जोडबलमा प्रधानमन्त्री ओली र अध्यक्ष दाहालको निर्देशनमा लुम्बिनीको राजधानी दाङ तोकिएको थियो। आफुसंग कुनै सल्लहा नगरी राजधानी तोकिएको भन्दै प्रधानमन्त्री र अध्यक्ष प्रचण्डसंग असन्तुुष्ट रहदै आएका थिए।

पौडेललाई अर्थमन्त्री बनाउनुको अर्थ बुटवलमा रहेका अस्थायी राजधानीलाई दाङमा तोक्नुको आँसुपुछनीका रुपमा समेत लिन थालिएको छ। ओलीले अर्थमा अडान नाछाडेपछि प्रचण्डको रोजाईमा परेको छ सूचना तथा संचार प्रविधि मन्त्रालय ।

त्यसै पनि पिन्टिङ मेसिन खरिदमा विवादमा तानिएर गोकुल बाँस्कोटाले राजीनामा दिएका कारण उक्त मन्त्रालय सम्हाल्ने विषयमा सर्वत्र चासो छ । तर पनि जस्तासुकै जोखिमको पनि बेवास्ता गर्दै प्रचण्डले त्यसैमा जोडबल गरिरहेका छन् । सामान्यतया सरकारको नेतृत्व गर्ने प्रधानमन्त्रीले विश्वासपात्र व्यक्तिलाई मात्र सञ्चार मन्त्रालयको जिम्मेवारी दिने चलन छ ।

तर, प्रचण्डले भने त्यहाँ जनाद्र्धन शर्मालाई पठाएर व्यवस्थापन गर्न खोजेका छन् । जबकि शक्ति अभ्यास र विकासका हिसाबले कमजोर मन्त्रालय भएकाले शर्मा स्वयंले त्यसमा अरुचि राखे पनि प्रचण्डले कतै भावी दिनमा हुने टेन्डर, सञ्चारको लाइसेन्स वितरणतिर त रुचि राखेका छैनन् भन्ने गम्भीर आशंकासमेत गरिएको छ ।

यो मन्त्रालय जिम्मा लिने नेता सरकारको प्रवक्ता समेत हुने चलन छ। यसैले सरकारको प्रवक्ता आफुनिकट बाहेककालाई दिन ओली सहमत छैनन् । अर्कातिर बाँस्कोटाले आफूलाई हटाउन ‘प्रचण्ड’ले भूमिका खेलेको खुलेआम बताउँदै आएको परिप्रेक्ष्यमा पनि अर्को जोखिम मोल्न खोजेका छन् । यद्यपि, बाँस्कोटाको त्यही आरोपलाई पुष्टि गरेर बदला लिनकै लागि पनि कतै प्रचण्डले पूर्वमाओवादीले पाउनुपर्ने भन्दै अडान राखेका हुन् कि भन्ने आशंका पनि गरिएको छ ।

नेकपाका शीर्ष नेताहरूले नै त्यही मन्त्रालयका लागि प्रचण्डले पार्टी र सरकारलाई विधि र पद्धतिबाट चलाउने तथा धेरै मन्त्री फेरबदल गर्नेगरी पुनर्गठन गर्ने स्थायी समितिको स्प्रिटलाई परित्याग गरेको अर्थमा पनि बुझेका छन् ।

प्रचण्डले भने प्रधानमन्त्रीका विश्वासपात्र बाँस्कोटालाई पुनः त्यही मन्त्रालयमा मन्त्री बन्ने बाटो बन्द गरेर आफूले ओलीलाई झुकाएको सन्देश पार्टी पंक्तिलाई दिन पनि कस्सिएर जोडबल गरिरहेको अनुमान गरिएको छ प्रधानमन्त्रीले मन्त्री बनाउन चाहेका स्थायी समिति सदस्य सुरेन्द्र पाण्डे पनि हुन्।

अर्थमा पौडेल र संचारमा जनार्दन शर्मा आएको खण्डमा उनको भागमा सहरी विकास मन्त्रालय पर्ने छ। तर पाण्डेले आफु अर्थ बाहेक अरु मन्त्री हुन अस्विकार गरेको स्रोतले बतायो।

सम्बन्धित समाचार

रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
  • २०७७ आश्विन २१, १५: १३: ४९

नयाँ बिकल्प, काठमाडौं – लुम्बिनी प्रदेशको रुकुम पूर्वका जिल्ला समन्वय प्रमुख गजेन्द्रबहादुर वलीसहित पाँचजनालाई प्रहरीले जुवा खेलिरहेको अवस्थामा पक्राउ गरेको...

शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
  • २०७७ आश्विन २१, १५: १३: ४९

नयाँ विकल्प,काठमाडौं – नेपाली कांग्रेसले प्रतिनिधि सभा विघटन गर्ने सरकारको कदम असंवैधानिक भएको भन्दै शनिबार देशका ७ सय ५३ वटै...

तङ्ग्रिदै छ पोखराको पर्यटन ब्यावसाय
तङ्ग्रिदै छ पोखराको पर्यटन ब्यावसाय
  • २०७७ आश्विन २१, १५: १३: ४९

सिबी अधिकारी, रासस पाेखरा-राजधानी काठमाडौँपछिको प्रमुख पर्यटकीय क्षेत्रको रुपमा पोखरा कहलिएको छ । अनुपम प्राकृतिक सुन्दरता, भौगोलिक विविधता तथा सुन्दर...

भर्खरै

TOP