November 24, 2020, Tuesday

भारतका सिबिआई पूर्वप्रमुख अश्वनीकुमारले किन गरे आत्महत्या ?

सीवीआइका पूर्वनिर्देशक अश्वनी कुमार


एजेन्सी
नयाँ दिल्ली – भारतीय केन्द्रीय अनुसन्धान ब्यूरो (सीवीआइ –सेन्ट्रल इन्भेष्टिगेसन व्युरो)का पूर्वप्रमुख अश्वनीकुमारले बुधबार आत्महत्या गरेका छन् ।

भारतको शिमलास्थित आफनै घरमा उनको शव फेला परेको सिमलाका एसपी मोहित चावलाको हवाला दिँदै समाचार संस्थाहरुले जनाएका छन् ।

प्रहरीले घटनास्थलबाट अश्वनीकुमारको सुसाइड नोट समेत फेला पारेको छ । केही वर्षदेखि डिप्रेसनबाट पीडित भएका अश्वनीकुमारले अपांगताका कारण यस जीवनलाई आफूले समाप्त पारिरहेको र नयाँ जीवनतर्फ बढिरहेको जनाएका छन् ।

भारतीय समाचार एजेन्सीका अनुसार ६९ वर्षका अश्वनीकुमार दिउँसो मन्दिर गएका थिए भने साँझमा ध्यान गरेका थिए । बुधबार साँझ उनका छोराबुहारीले बाहिरबाट घर आउँदा बन्द कोठाभित्र डोरीमा झुण्डिएको अवस्थामा पीता अश्वनीकुमारलाई फेला पारेका थिए ।

सन २००६ र २००८ सम्म सिबीआईका निर्देशक हुँदा अश्वनीकुमारले नयाँ दिल्लीको नोयडाको चर्चित आरुसी तलवार हत्याकाण्डको सफलतापूर्वक छानबिन गरेर चर्चा कमाएका थिए । उनले सो हत्याकाण्ड छानबिनको प्रमुखबाट सिविआईका सहनिर्देशक अरुणकुमारलाई हटाएका थिए ।

सन २०१३ देखि २०१४ दुई वर्षसम्म नागाल्याण्डको र त्यसपछि मणिपुरको गभर्नरमा सरकारले अश्वनीकुमारलाई नियुक्त गरेको थियो । त्यसपछि उनी एपिजी गोयल शिमला विश्वविद्यालयको कूलपति भएर २०१८ सम्म योगदान दिएका थिए ।

उनी हिमाञ्चल प्रदेश, सिबीआई तथा प्रधानमन्त्रीलाई सुरक्षा दिने सरकारी एजेन्सी एसपिएस अधिकृतको महत्वपूर्ण पदमा थिए ।अश्वनीकुमार हिँडेर काली माताको मन्दिर गएका थिए र साँझ ध्यान गरेका थिए । जुन साँझ उनका छोरा र बुहारी पनि हिँड्नकै लागि बाहिर गएका थिए ।

जब उनीहरू घर फर्किए तब ढोका भित्रबाट बन्द गरिएको थियो। ढोका फोरेर हेर्दा उनी झुन्डिएको अवस्थामा फेला परेका थिए । परिवारले पनि अश्वनीकुमारको मृत्युमा कसैको षडयन्त्र शंका गरेका छैनन् ।

सम्बन्धित समाचार

हजाराैलाइ गैरकानुनी रूपमा विदेश पठाएकाे गाेप्य सुचनापछि विभागले मेनपावरमा छापा मार्याे
हजाराैलाइ गैरकानुनी रूपमा विदेश पठाएकाे गाेप्य सुचनापछि विभागले मेनपावरमा छापा मार्याे
  • २०७७ आश्विन २२, १३: ११: ३५

नयाँ विकल्प काठमाडाैं-वैदेशिक रोजगार विभागले दुई दिनमा तीन वटा मेनपावर कम्पनीमा छापा मारेको छ। विभागले लैनचोरस्थित होप इन्टरनेसनल, धापासीको एसओएस मेनपावर...

बालिका हत्याकाे बिराेधमा प्रदर्शन गर्नेमाथि प्रहरीले गाेली चलायाे, २ गम्भीर घाइते,  आराेपीकाे घर जलाइयाे
बालिका हत्याकाे बिराेधमा प्रदर्शन गर्नेमाथि प्रहरीले गाेली चलायाे, २ गम्भीर घाइते, आराेपीकाे घर जलाइयाे
  • २०७७ आश्विन २२, १३: ११: ३५

नयाँ विकल्प बर्दिवास । बालिका हत्याका दोषीलाई कारबाही गर्नुपर्ने माग गर्दै प्रदर्शनमा उत्रिएका स्थानीय बासिन्दामाथि प्रहरीले मंगलबार गोली चलाउँदा दुइ...

तुलसीपुरमा हवाई ईन्धन डिपो निर्माण गरिने
तुलसीपुरमा हवाई ईन्धन डिपो निर्माण गरिने
  • २०७७ आश्विन २२, १३: ११: ३५

नयाँ विकल्प, काठमाडौं – नेपाल आयल निगमले तुलसीपुर उपमहानगरपालिकास्थित दाङको टरीगाउँ विमानस्थलमा हवाई ईन्धन डिपो स्थापना गर्ने भएको छ ।...

भर्खरै

TOP