December 4, 2020, Friday

लुम्बिनी प्रदेशको नाम परिवर्तन गरी ‘मगरात लुम्बिनी’ राख्न माग

नयाँ विकल्प,
बुटवल – यसै साता प्रदेश ५ को नाम लुम्बिनी प्रदेश नामकरण गर्ने प्रदेश ५ को प्रदेश सभाको निर्णयप्रति मगर समुदायको छाता संगठन नेपाल मगर संघ र जनता समाजवादी पार्टी निकटको मगरात संयुक्त संघर्ष समितिले आपत्ति जनाएका छन् ।

उनीहरुले प्रदेशको नाम ‘मगरात लुम्बिनी’ राख्न माग गरेका छन् । लुम्बिनी नामाकरण ‘महेन्द्रकालीन’ भएको टिप्पणी गर्दै मगर संघ अध्यक्ष नवीन रोका मगर र मगरात संयुक्त संघर्ष समितिका संयोजक बोम दर्लामी मगरले संयुक्तरुपमा विज्ञप्ति जारी गरी आपत्ति जनाएका हुन् ।

प्रदेशको नाम लुम्बिनी राखिनु मगरातबासी जनताको चाहना, नेपालको संविधान र संघीयताको मर्म विपरीत भएको भन्दै उनीहरुले कुनै धार्मिक पहिचानका आधारमा सीमित भएर ‘लुम्बिनी’ नामाकरण गरिएकोले ऐतिहासिक मानव पहिचान र सभ्यताको आधारमा ‘मगरात–लुम्बिनी’ नामाकरण गर्न माग गरेका छन् ।

आफूहरुको मागलाई बेवास्ता गरिएमा साविकका प्रदेश न। ४, ५ र ६ को ऐतिहासिक मगरात भूगोललाई समेट्ने गरी एकीकृत मगरात स्वायत्त प्रदेश निर्माणका लागि सशक्त आन्दोलन गर्न वाध्य हुने चेतावनीसमेत ति संगठनले दिएका छन् ।

प्रदेशसभाको अंक गणितले पारित गरेपनि प्रदेशको जनसंख्याको ठूलो हिस्सा ओगटेको मगर र थारु समुदायले लम्बिनी नामप्रति अपनत्व लिन नसक्ने भन्दै उनीहरुले संयुक्त रुपमा जारी गरेको विज्ञप्तिमा ‘आदिवासी जनजाति समुदायको पहिचान र अस्तित्व मेटाउने निर्णयविरुद्ध आन्दोलन गरिने छ’ भनिएको छ ।

संघीयताको नाममा मगर समुदायको ऐतिहासिक भूगोल, सघन बसोबास रहेको मगरात भूमिलाई तीन वटा प्रदेश ४, ५ र ६ मा विभाजन गरिएको भन्दै उनीहरुले आपत्ति जनाएका छन् ।

प्रदेश सरकारको प्रस्ताव अनुसार प्रदेश ५ को नाम ‘लुम्बिनी’ र प्रदेशको स्थायी राजधानी दाङको भालुवाङ क्षेत्रलाई प्रदेश सभाले दुई तिहाइ बहुमतले पारित गरेको थियो ।

सम्बन्धित समाचार

उत्तरगया-गोकर्णेश्वरको दर्शन नगरी धार्मिक यात्रा पुरा हुँदैन, हाइकिङ र साइक्लिङको रुट बन्दैछ
उत्तरगया-गोकर्णेश्वरको दर्शन नगरी धार्मिक यात्रा पुरा हुँदैन, हाइकिङ र साइक्लिङको रुट बन्दैछ
  • २०७७ आश्विन २६, १२: ४०: ०१

तपाईं नगरप्रमुखमा निर्वाचित भएपछि नगरको विकास र नागरिकको सेवामा के चुनौति छन् ? समाधानका लागि के–के गर्दै हुनुहुन्छ ?म आउँदा...

सेयर बढेर के गर्नु ? दैनिक १० कराेड बढी रकम दलालकाे कब्जामा पुगेपछि…
सेयर बढेर के गर्नु ? दैनिक १० कराेड बढी रकम दलालकाे कब्जामा पुगेपछि…
  • २०७७ आश्विन २६, १२: ४०: ०१

नयाँ विकल्पकाठमाडाैं- नेपालकाे पुजि बजार बढ्दै गएर दैनिक रेकर्ड ब्रेक गर्दै गइरहेकाे छ । काराेबार रकम इतिहारमै सबैभन्दा बढि भैइरहेका...

लुम्बिनी प्रदेशमा ४ महिनामा  ८ सय बढि घरेलु हिंसा
लुम्बिनी प्रदेशमा ४ महिनामा ८ सय बढि घरेलु हिंसा
  • २०७७ आश्विन २६, १२: ४०: ०१

नयाँ विकल्प बुटबल- लुम्बिनी प्रदेशमा पहिलो चौमासिकमा ८२३ घरेलु हिंसा भएका छन् । प्रदेश प्रहरी कार्यालय दाङले प्रदेशका १२ जिल्लामा...

भर्खरै

TOP