March 7, 2021, Sunday

विवेकशील र साझा पार्टीको एकीकरण प्रक्रिया शुरु, दुवै दलको केन्द्रमा छलफल


नयाँ विकल्प,

काठमाडौं – सुशासनको पक्ष र भ्रष्टाचारको बिरोधमा अग्रमोर्चामा उभिँदै आएका दुई दल विवेकशील नेपाली दल र साझा पार्टीबीच एकीकरणको प्रक्रिया शुरु भएको छ ।

२०७४ को स्थानीय निर्वाचनबाट जनमानसमा विवेकशील र साझा दुवै दलले चर्चासँगै लोकप्रियता कमाएका थिए । त्यसपछि ०७४ मंसिरमा भएको प्रदेशसभा निर्वाचनअघि एकीकरण भइ आफ्ना प्रतिनिधिस जिताउन समेत सफल भएका थिए ।

प्रदेश र संघीय निर्वाचन सम्पन्न भएलगत्तै विबेकशील साझा पार्टी विभाजित भएको थियो ।

दुवै पार्टीको राजनीतिक संवाद समितिले दुई दलबीच एकीकरणका लागि भएको वार्ताका निष्कर्षहरू ‘संयुक्त प्रतिवेदन’ का रूपमा गत असोज २९ गते साझा पार्टीका संयोजक रवीन्द्र मिश्र र विवेकशील नेपाली दलका अध्यक्ष मिलन पाण्डेलाई बुझाएको थियो ।

साझा पार्टीका संयोजक मिश्र र विवेकशील नेपाली दलका अध्यक्ष पाण्डेले आआफ्नो पार्टीको संघीय र केन्द्रीय समितिमा उक्त प्रतिवेदन प्रस्तुत गरेका थिए ।

सुसंस्कृत राजनीति, सुशासन, भ्रष्टाचार विरुद्धको शून्य सहनशीलता, समतामूलक संवृद्धि र नेपाल रूपान्तरणको एउटै लक्ष्य बोकेका दुवै दलले विकृत राजनीतिको बिरुद्ध एकीकरणको प्रयास गरिरहेका छन् ।

विगतमा भएका आफ्ना कमजोरीलाई स्विकार्दै तथा जनभावनाको कदर गर्दै २०७७ असार ३१ गतेदेखि दुवै पार्टीले एकीकरण वार्ता शुरू गरेको साझा पार्टीका नेता प्रकाशचन्द्र परियारले बताए ।

सो प्रतिवेदनलाई दुवै पार्टीका केन्द्रीय र सङ्घीय समितिमा छलफल र अनुमोदन गर्दै आ–आफ्नो पार्टी विधानमा तोकिएको प्रक्रिया पूरा गरेपछि मात्र एकीकरणको प्रक्रियाले पूर्णता पाउनेछ ।

विवेकशील नेपाली दलले संवाद समिति संयोजक निर्देश सिलवाल र साझा पार्टीले संवाद समिति संयोजकमा समीक्षा बास्कोटालाई जिम्मेवारी दिएको थियो ।

सम्बन्धित समाचार

भारतद्घारा बुटबलस्थित नहरपुर माविलाई ४ करोड ४१ लाख रुपैयाँ सहयोग
भारतद्घारा बुटबलस्थित नहरपुर माविलाई ४ करोड ४१ लाख रुपैयाँ सहयोग
  • २०७७ कार्तिक ४, १५: ०१: १७

नयाँ बिकल्प,काठमाडौं । बुटवलस्थित नहरपुर माध्यमिक विद्यालयको नयाँ भवन निर्माणका लागि भारत सरकारले चार करोड ४१ लाख ४० हजार रुपैयाँ...

मदनराज गुरुङ स्मृति कप फुटसलको उपाधि बाह्रदशीलाई
मदनराज गुरुङ स्मृति कप फुटसलको उपाधि बाह्रदशीलाई
  • २०७७ कार्तिक ४, १५: ०१: १७

काठमाडौं । नेपाली कांग्रेस झापा — काठमाडौं सम्पर्क समिति क्षेत्र नं ६ ले आयोजना गरेको मदनराज गुरुङ स्मृति कप फुटसल...

वैधानिक नेकपा हामी हौँ :  अध्यक्ष प्रचण्ड
वैधानिक नेकपा हामी हौँ : अध्यक्ष प्रचण्ड
  • २०७७ कार्तिक ४, १५: ०१: १७

नयाँ विकल्प काठमाडाैं -नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले आफूहरू नै वैधानिक नेकपा भएको दाबी गरेका छन् ।...

भर्खरै

TOP