June 21, 2021, Monday

भूकम्पले क्षति पुर्याएको रानीपोखरी, मन्दिर र स्कुलको पुनर्निमाण पाँच वर्षमा बल्ल सकियो

नयाँ विकल्प,
काठमाडौं – देशको विकास र भौतिक संरचना निर्माणको गति कस्तो छ भन्ने कुरा आज बुधबार भूकम्पपछि पुनर्निर्माण भएको रानीपोखरी उद्घाटन गरिएबाट प्रष्ट हुन्छ ।

राष्ट्रपति विद्यादेवी भण्डारीले एक समारोहका बीच बुधबार रानीपोखरीको उद्घाटन गरिन । ५ वर्ष २०७२ साल बैशाख ११ गते आएको महाबिनासकारी भूकम्पले क्षति पुर्याएको ऐतिहासिक रानीपोखरी र नजिकै रहेको दरबार हाइस्कुलको माघ २ गते शिलान्यास भएको थियो ।

त्यसबेला शिलान्यास पनि उनै राष्ट्रपति भण्डारीले गरेकी थिइन् । पाँच वर्षअघि राष्ट्रपति भण्डारीले पोखरी र स्कुलको शिलान्यास गर्दा प्रधानमन्त्री केपी शर्मा ओली थिए भने आज उद्घाटन गर्दा पनि उनै ओली समेत सहमागी थिए ।

सरकारले भूकम्पपछिको पुननिर्माणको लागि रानीपोखरी र पोखरीको बीचमा रहेको बालगोपालेश्वर मन्दिरसँगै पश्चिमतर्फ रहेको दरबार हाइस्कुलको पुननिर्माणलाई पहिलो प्राथमिकता दिएको थियो ।

प्राथमिकताप्राप्त आयोजनाको निर्मार्ण कार्य सम्पन्न हुन त पाँच बर्ष लाग्यो भने अन्य संरचना निर्माणको कस्तो होला भन्ने स्वतै अनुमान लगाउन सकिन्छ ।

आज राष्ट्रपति भण्डारीले रानीपोखरी र त्यहाँभित्र रहेको बालगोपालेश्वर महादेव मन्दिरको पुरानै स्वरुपमा तयार भएपछि उद्घाटन गरिन् ।

रानीपोखरी उद्घाटन गर्दै राष्ट्रपति भण्डारीले अब अन्य सम्पदा पनि छिट्टै पुनर्निर्माण हुने आशा व्यक्त गरिन ।

यसअघि गुम्बज शैलीमा निर्माण गरिएको रानीपोखरीको बीचमा रहेको बालगोपालेश्वरको मन्दिरको स्वरुप भने विज्ञहरुको प्रतिवेदन अनुसार प्रताप मल्लको पालामा बनाइएको ग्रन्थकुट (शिखर) शैलीमा पुननिर्माण गरिएको छ ।

रानीपोखरीलाई आधुनिक शैलीबाट बनाउन लागिएको भन्दै सर्वत्र विरोध भएपछि पुनः पुरानै शैलिबाट निर्माण गरिएको थियो । करिव एक वर्षअघि नै निर्माण कार्यसम्पन्न भएको दरबार हाइस्कुल भने सरकारलाई चिनियाँ सरकारले हस्तान्तरणमा ढिलाइ गरेपछि प्रयोगबिहिन बनाइएको थियो ।

सम्बन्धित समाचार

१६ डीआईजीको सरुवा, सीआइबीमा धिरज प्रताप सिंह
१६ डीआईजीको सरुवा, सीआइबीमा धिरज प्रताप सिंह
  • २०७७ कार्तिक ५, १५: ४९: २१

नयाँ विकल्प, काठमाडाैं-गृह मन्त्रालयले नेपाल प्रहरीका १६ जना प्रहरी नायव महानिरीक्षक (डीआईजीको) र १५ वरिष्ठ उपरीक्षक (एसएसपी) हरुको सरुवा गरेको...

ह्वीप उलंघनपछि कारबाहीमा परेका लुम्विनीका जसपाका ४ सांसदको मुद्धा पूर्ण इजलासमा
ह्वीप उलंघनपछि कारबाहीमा परेका लुम्विनीका जसपाका ४ सांसदको मुद्धा पूर्ण इजलासमा
  • २०७७ कार्तिक ५, १५: ४९: २१

नयाँ बिकल्प, काठमाडौंः पार्टीको ह्वीप उलंघन गरेको भन्दै कारबाहीमा परेका जनता समाजवादी पार्टी (जसपा) लुम्बिनी प्रदेशसभाका चार सांसदको मुद्दा अब...

के निधी साँच्चै देउवालाई टक्कर दिने तयारीमा हुन ?
के निधी साँच्चै देउवालाई टक्कर दिने तयारीमा हुन ?
  • २०७७ कार्तिक ५, १५: ४९: २१

नयाँ बिकल्प, काठमाडौं । नेपाली कांग्रेसको शुक्रबार बसेको केन्द्रीय कार्यसमिति बैठकले पार्टीको १४ औं महाधिवशेन आगामी भदौ १६ देखि १९...

भर्खरै

TOP