April 23, 2021, Friday

राष्ट्रपति कार्यालयको ट्विटर अकाउन्टमा साइबर हमला

राष्ट्रपति कार्यालयको ट्विटर अकाउन्टमा साइबर हमला

राष्ट्रपति कार्यालयले सञ्चालनमा ल्याएको ट्विटर अकाउन्ट बन्द भएको छ। राष्ट्रपति विद्यादेवी भण्डारीसँग सम्बन्धित सूचनाहरू प्रवाह गर्न कार्यालयले शितल निवास @SHITALNIWAS नामबाट ट्विटर अकाउन्ट सञ्चालनमा ल्याएको थियो।

भेरिफाइड भैसकेको अकाउन्ट अन्तत: डिएक्टिभेट भएको छ। राष्ट्रपतिका सञ्चार विज्ञ टिका ढकालले अकाउन्टमाथि दुई देखि तीन पटक साइबर हमला भएको बताए। ‘त्यो अकाउन्ट भेरिफाइ गर्दा राखिएको आइडेन्टिटी र इन्फरमेसन बाहिरिएको आशंका भयो’, ढकालले भने, ‘त्यसैले अकाउन्ट बन्द गरिएको छ।

छिट्टै हामी नयाँ फायरवाल सेक्युरिटी सिस्टमको व्यवस्थापन गरेर अकाउन्ट सञ्चालनमा ल्याउने छौँ।’ढकाल झण्डै एक महिना अघिमात्र राष्ट्रपति कार्यालयमा प्रेस विज्ञका रुपमा नियुक्त भएका थिए। आफूले नै पहिला दर्ता भएर सञ्चालनमा नरहेको अकाउन्टलाई सक्रिय बनाउने काम गरेको उनले उल्लेख गरे।

‘मैले नै अकाउन्ट भेरिफाइड गरेर काम अगाडि बढाएको थिएँ’, ढकालले भने, ‘त्यही अकाउन्ट वा नयाँ अकाउन्ट बनाएर छिट्टै सञ्चालनमा ल्याउछौं।’राष्ट्रपतिको प्रेस सचिवालयले सञ्चालन गर्ने गरी चलाइएको अकाउन्टबाट सेयर भएका केही सामग्री विवादीत भएका थिए।

एउटा अनलाइन पोर्टलको समाचार सेयर गरिएपछि धेरैले अकाउन्ट सञ्चालनको तौर तरिकामाथि समेत प्रश्न उठाएका थिए।राष्ट्रपतिको छुट्टै ट्विटर ह्याण्डल @presidentofnp सञ्चालनमा छ।

त्यसलाई पनि भेरिफाइ गराउने प्रक्रिया अगाडि बढाएको ढकालले बताए।’ट्विटरले नै हेड अफ स्टेटका लागि छुट्टै सुरक्षा प्रदान गर्ने रहेछ। हामी त्यो व्यवस्थापनको काम गरिरहेका छौँ’, ढकालले भने, ‘राष्ट्रपति कार्यालयका सूचना सार्वजनिक गर्न सहजता प्रदान गर्न हामी लागिरहेका छौं।’

सम्बन्धित समाचार

पछिल्लाे २४ घण्टामा थपिए २५ सय ५९ कोरोना संक्रमित, ५ को मृत्‍यु
पछिल्लाे २४ घण्टामा थपिए २५ सय ५९ कोरोना संक्रमित, ५ को मृत्‍यु
  • २०७७ कार्तिक १२, १६: ०६: ०१

नयाँ विकल्प, काठमाडाैं- देशभर पछिल्लो २४ घण्टामा थप २५५९ जनामा कोरोना भाइरस (कोभिड-१९)को संक्रमण पुष्टि भएको छ । ८७९८ पीसीआर...

बर्दिया कांग्रेसका सभापतिसहित ४४ जनाले दिए राजीनामा
बर्दिया कांग्रेसका सभापतिसहित ४४ जनाले दिए राजीनामा
  • २०७७ कार्तिक १२, १६: ०६: ०१

नयाँ विकल्प, काठमाडाैं- बर्दिया कार्यसमितिका ४४ जनाले राजीनामा दिएका छन्। बर्दिया क्षेत्र नम्बर १ का पार्टी क्षेत्रीय सभापति मुक्तिनाथ यादवले...

एमाले अध्यक्ष ओलीले गठन गरे एकपक्षीय स्थायी समिति
एमाले अध्यक्ष ओलीले गठन गरे एकपक्षीय स्थायी समिति
  • २०७७ कार्तिक १२, १६: ०६: ०१

नयाँ विकल्प, काठमाडाैं- एमालेका अध्यक्ष केपी शर्मा ओलीले एकपक्षीय स्थायी समिति गठन गरेका छन् । पार्टी विवाद समाधानकालागि शिर्ष नेताहरूसंग...

भर्खरै

TOP