March 2, 2021, Tuesday

नेपाली कांग्रेसकाे स्थगित केन्द्रीय कार्यसमिति बैठक कात्तिक २१ गते बस्ने


नयाँ विकल्प,

काठमाडौं – नेपाली कांग्रेसका सभापति शेरबहादुर देउवाले पार्टी केन्द्रीय कार्यसमितिको बारम्वार स्थगित भएको बैठक पुनः कात्तिक २१ गते शुक्रबारको लागि बोलाएका छन् ।

पार्टीको आगामी फागुन ७ देखि १० गतेसम्म काठमाडौंमा हुने भनिएको १४ औं महाधिवेशनको सम्वन्धमा छलफल गर्न आगामी हप्ताको लागि केन्द्रीय कार्यसमितिको बैठकमा केन्द्रीय कार्यालय सानेपामा दिउँसो १ बजे केन्द्रीय पदाधिकारी, केन्द्रीय सदस्य र आमन्त्रित केन्द्रीय सदस्यलाई बोलाइएको छ ।

सभापति देउवाले गत असोज १९ गतेको लागि बोलाइएको केन्द्रीय कार्यसमिति बैठकको दुई दिनअघि पदाधिकारीसँगैको अनौपचारिक बैठकमा सहभागी केन्द्रीय कार्यसमिति सदस्य अर्जुननरसिंह केसी र गगनकुमार थापा लगायतलाई कोरोना भाइरसको संक्रमण देखिएपछि केन्द्रीय कार्यसमिति बैठक अनिश्चितकालको लागि स्थगित गरिएको थियो ।

बैठकमा सहभागी हुनको लागि यसअघि सबै पदाधिकारी, केन्द्रीय कार्य समिति सदस्य, आमन्त्रित केन्द्रीय सदस्य र कर्मचारीको समिति पिसिआर गरेर रिपोर्ट नेगेटिभ आएपछि मात्र बैठकमा सहभागी गराईने बताइएको थियो ।

तर यस पटकको बैठकमा कोरोना भाइरसको परिक्षण गर्नु पर्ने वा नपर्ने सम्वन्धमा केही पनि जनाइएको छैन् ।

सम्बन्धित समाचार

बर्दियामा बाघकाे आक्रमणमा परेका  लालबहादुरको शव फेला
बर्दियामा बाघकाे आक्रमणमा परेका लालबहादुरको शव फेला
  • २०७७ कार्तिक १३, १३: ३९: ०४

नयाँ विकल्प बर्दिया- भैंसी चराउन गएका बर्दियाको राजापुर नगरपालिका वडा नम्बर १० कालाबन्जरका ६५ वर्षीय लालबहादुर चौधरीको शव जंगलमा फेला...

सौर्य प्लान्टबाट १० मेगावाट विद्युत् केन्द्रीय प्रसारणमा जोडियो
सौर्य प्लान्टबाट १० मेगावाट विद्युत् केन्द्रीय प्रसारणमा जोडियो
  • २०७७ कार्तिक १३, १३: ३९: ०४

नयाँ विकल्प त्रिशूली – नुवाकोटमा निर्माण भइरहेको २५ मेगावाट क्षमताको मुलककै ठूलो सौर्य प्लान्टबाट १० मेगावाट विद्युत् उत्पादन थालिएको छ...

धवलागिरिमा किशोरी सम्मेलन
धवलागिरिमा किशोरी सम्मेलन
  • २०७७ कार्तिक १३, १३: ३९: ०४

नयाँ विकल्प बाग्लुङ- बालविवाह र यौनजन्य हिंसा न्यूनीकरण तथा महिनावारी स्वच्छताका लागि प्रथम धवलागिरि गाउँपालिकास्तरीय किशोरी सम्मेलनले ११ बँुदे घोषणापत्र...

भर्खरै

TOP