March 8, 2021, Monday

केन्द्रीय कार्यसमिति बैठकअघि देउवाले सोमबार बोलाए पदाधिकारी बैठक


नयाँ विकल्प,
काठमाडौं – नेपाली कांग्रेस सभापति शेरबहादुर देउवाले पार्टीको अबरुद्ध केन्द्रीय कार्यसमिति बैठक आव्हान गरेको केही दिनपछि नै पार्टी शीर्ष नेताको बैठक सोमबारका लागि बोलाएका छन् ।
गत असोज १९ गते बोलाईएको केन्द्रीय कार्यसमिति बैठकको तीन दिनअघि पार्टी पदाधिकारीको अनौपचारिक बैठकमा सहभागी नेताहरु अर्जुननरसिंह केसी र गगन थापामा कोरोना संक्रमण पुष्टि भएपछि ले अवरुद्ध बैठक स्थगित गरिएको थियो ।
पार्टी नेता रामचन्द्र पौडेल पक्षले असोज १२ मा बुझाएको विरोधपत्रका सन्दर्भमा छलफल गर्ने उदेश्यले शीर्ष नेताको बैठक बोलाइएको सहमहान्त्री डा प्रकाशशरण महतले जनाए ।
असन्तुष्ट नेता पौडेल पक्षका २७ जना पदाधिकारी तथा केन्द्रीय सदस्यहरुले विभाग गठन, क्रियाशील सदस्यता वितरण, नविकरण, केन्द्रीय सदस्य मनोनयन, भ्रातृ संस्थाको पदावधि लगायतका विषयमा आपत्ति जनाउँदै पार्टी सभापतिलाई ध्यानाकर्षण पत्र बुझाएका थिए ।
केन्द्रीय समिति बैठकअघि आफ्ना माग सम्बोधन हुनुपर्ने पौडेल पक्षको माग छ । असोज १२ मा पौडेल पक्षले बुझाइएको ज्ञापनपत्रमा सभापति शेरबहादुर देउवालाई निर्णय सच्याउन एक साताको समय सीमा तोकिएको थियो ।
असोज १७ मा बसेको शीर्ष नेताको बैठकले कुनै समाधान निकाल्न सकेको थिएन । पौडेल पक्षले विभाग गठनको विषयमा सबैभन्दा बढी आपत्ति जनाएको छ भने संस्थापन पक्ष विधान बमोजिम विभाग गठन गर्ने निर्णय फिर्ता नहुने अडानमा छ ।

सम्बन्धित समाचार

आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
  • २०७७ कार्तिक १४, १४: ४२: ५३

नयाँ बिकल्प,काठमाडौं – प्रधानमन्त्री केपी शर्मा ओलीले नेतृत्व गरेको सत्तारुढ नेपाल कम्युुनिष्ट पार्टी (नेकपा) ओली समूहले सन्ध्या तिवारी अध्यक्ष रहेको...

भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
  • २०७७ कार्तिक १४, १४: ४२: ५३

नयाँ बिकल्प, काठमाडौं – चन्द्रागिरी नगरपालिकास्थित विष्णुदेवी माध्यमिक विद्यालयको पुनर्निर्माण हुने भएको छ । भारत सरकारको ६करोड ४९ लाख रुपैयाँ...

‘सेना र प्रहरीका श्रीमतीको नाममा खोलिएका संस्था दासीहरुको जस्तै’
‘सेना र प्रहरीका श्रीमतीको नाममा खोलिएका संस्था दासीहरुको जस्तै’
  • २०७७ कार्तिक १४, १४: ४२: ५३

नयाँ बिकल्प, काठमाडौं । नेपाल कम्युनिस्ट पार्टी (नेकपा) प्रचण्ड–माधव समूहको स्थायी कमिटी सदस्य पम्फा भुसालले नेपाली सेना, सशस्त्र प्रहरी र...

भर्खरै

TOP