May 17, 2021, Monday

भेण्टिलेटरमा राखेको १० दिनपछि कांग्रेस नेता विश्वकर्माको स्वास्थ्यमा सुधार


नयाँ विकल्प,
काठमाडौं – नेपाली कांग्रेसका नेता तथा सांसद मिनबहादुर विश्वकर्माको भेण्टिलेटरमा राखेर उपचार गरेको १० दिनपछि स्वास्थ्यमा केही सुधार भएको छ ।

कोरोना भाइरसबाट गत कात्तिक १ गते संक्रमण पुष्टि भएपछि पूर्वमन्त्री समेत रहेका विश्वकर्मालाई कात्तिक ८ गतेदेखि अक्सिजन दिइएको थियो भने १५ गतेदेखि भेण्टिलेटरमा राखेर उपचार गरिएको थियो ।

कोरोना संक्रमणले चापेपछि उनलाई कात्तिक ९ गते बीर अस्पतालमा भर्ना गरिएको थियो । बीरमा अक्सिजन दिएर राख्दा समेत स्वास्थ्यमा सुधार नआएपछि कात्तिक ११ गते साँझ उनलाई ग्राण्डि इन्टरनेसनल अस्पतालको आइसीयूमा राखिएको थियो ।

कात्तिक १५ गतेदेखि लगातार भेण्टिलेटरमा राखिएका विश्वकर्मालाई आजदेखि भेण्टिलेटरको उपचार कक्षमा राखिएपनि परिक्षण स्वरुप अक्सिजन मात्र दिएर राखिएको उनका सहयोगी आकास उप्रेतीले जनाए ।

परिक्षण स्वरुप केही समय भेण्टिलेटरबाट निकालिएको र सांसद विश्वकर्माले चिकित्सकसँग केही बेर कुराकानी समेत गरेको उप्रेतीले नयाँ विकल्पलाई वताए । कोरोना संक्रमणका कारण निमोनिया भएको र स्वासप्रस्वासमा समस्या देखिएपछि उनको स्वास्थ्य जटिल बनेको थियो ।

विश्वकर्माको उपचारमा ध्यान दिन भन्दै कांग्रेस संसदीय दलका प्रमुख सचेतक बालकृष्ण खाँडले प्रधानमन्त्री र स्वास्थ्य मन्त्रीसमक्ष आग्रह गरेका थिए भने कांग्रेस संगठन विभाग प्रमुख गोपालमान श्रेष्ठले विश्वकर्माको थप उपचारको लागि एयर एम्वुलेन्समार्फत भारततर्फ लैजान माग गरेका थिए ।

कोभिड १९ नेगेटिभ आएपनि विश्वकर्माको स्वास्थ्यमा पूर्ण सुधार भएको छैन ।

सम्बन्धित समाचार

पत्रकार कार्कीको उपचारको क्रममा निधन
पत्रकार कार्कीको उपचारको क्रममा निधन
  • २०७७ कार्तिक २४, १३: ४५: ३४

नयाँ बिकल्प,ललितपुर । नेपाल प्रेस युनियन ललितपुर जिल्ला समितिका संस्थापक अध्यक्ष तथा अग्रज पत्रकार बटुकृण कार्कीको सोमबार धापाखेलस्थित समेरु अस्पतालमा...

समालोचक सुवेदीको कोरोना संक्रमणबाट निधन
समालोचक सुवेदीको कोरोना संक्रमणबाट निधन
  • २०७७ कार्तिक २४, १३: ४५: ३४

नयाँ बिकल्पकाठमाडौं — बरिष्ठ समालोचक राजेन्द्र प्रसाद सुवेदीको कोरोना भाइरसको संक्रमणबाट सोमबार बिहान शहिद गंगालाल राष्ट्रिय हृदय केन्द्रमा निधन भएको...

काेराेनाका ९,२४७ नयाँ संक्रमित थपिए , २१४ जनाको मृत्यु
काेराेनाका ९,२४७ नयाँ संक्रमित थपिए , २१४ जनाको मृत्यु
  • २०७७ कार्तिक २४, १३: ४५: ३४

नयाँ विकल्पकाठमाडाैं- कोरोना भाइरस संक्रमणका कारण एकै दिन २१४ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो...

भर्खरै

TOP