March 8, 2021, Monday

राजधानीबाटै कांग्रेसको नेतृत्व हुनुपर्ने काठमाडौं कांग्रेसको दाबी


नयाँ विकल्प,

काठमाडौं – नेपालको हरेक लोकतान्त्रिक आन्दोलनमा अग्रणी र नेतृत्वदायी भूमिका खेलेको काठमाडौं उपत्यकाका जनताको भावना प्रतिनिधित्व गर्न उपत्यकाबाटै पार्टीले नेतृत्व पाउनु पर्ने माग उठ्न थालेको छ ।

२०४६ सालको ऐतिहासिक जनआन्दोलनका सर्वोच्च कमाण्डर लौहपुरुष गणेशमान सिंहको १०६ औं जन्मजयन्तिको अवरमा सोमबार नेपाली कांग्रेस जिल्ला कार्यसमिति काठमाडौंले कार्यसमिति कार्यलय परिषरमा आयोजित विशेष कार्यक्रममा जनप्रतिनिधि र जिल्लाका नेताहरुले यस्तो धारणा राखेका हुन् ।

काठमाडौं कांग्रेसका सभापति सबुज (कृष्ण) वानियाँको अध्यक्षतामा सोमबार दिउँसो पार्टीको जिल्ला कार्यालय ज्ञानेश्वरमा आयोजित कार्यक्रममा पार्टीको जिल्ला कार्यसमितिका पदाधिकारी, सदस्य, प्रदेश सांसद तथा महानगर र नगरपालिकामा कांग्रेसबाट निर्वाचित जनप्रतिनिधिहरुले यस्तो धारणा राखेका हुन् ।

कांग्रेस सभापति बानियाँले मुलुकमा भएका हरेक परिवर्तन र आन्दोलनको लागि ऐतिहासिक योगदान दिएको काठमाडौं कांग्रेस र त्याग तथा बलिदानका प्रतिमूर्ती स्वर्गीय गणेशमान सिंहको भूमिकाको मुल्याङ्कन गर्दै काठमाडौंले नै कांग्रेसको नेतृत्व पाउनु पर्ने धारणा राखे ।

स्वर्गीय गणेशमान सिंहको योगदान, त्याग र निष्ठाको कदर गर्न पनि पार्टीको नेतृत्वमा एक पटक काठमाडौं उपत्यकाकै नेताले नेतृत्व गर्न पाउनु पर्ने भन्दै वक्ताहरुले त्यसका लागि अभियान नै चाल्नु पर्ने धारणा अघि सारेका थिए ।

स्वर्गीय सिंहको जन्मजयन्तिकै अवसरमा सोमबार काठमाडौंको शोभा भगवतिस्थित सिंहको सालिकमा माल्यार्पण कार्यक्रम आयोजना गरियो । कांग्रेसका पूर्वमहामन्त्री तथा सिंहका पुत्र प्रकाशमान सिंह, गणेशमान सिंह अध्ययन प्रतिष्ठानका अध्यक्ष नविन्द्रराज जोशी, काठमाडौं कांग्रेसका सभापति वानियाँ लगायतले सिंहको सालिकमा पुष्प गुच्छा अर्पण गरेका थिए ।

सिंहको जन्म जयन्तिको अवसरमा सोमबार पार्टी केन्द्रीय कार्यालय सानेपामा समेत माल्यार्पण कार्यक्रम गरिएको थियो ।

सम्बन्धित समाचार

आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
  • २०७७ कार्तिक २४, १७: २०: १६

नयाँ बिकल्प,काठमाडौं – प्रधानमन्त्री केपी शर्मा ओलीले नेतृत्व गरेको सत्तारुढ नेपाल कम्युुनिष्ट पार्टी (नेकपा) ओली समूहले सन्ध्या तिवारी अध्यक्ष रहेको...

भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
  • २०७७ कार्तिक २४, १७: २०: १६

नयाँ बिकल्प, काठमाडौं – चन्द्रागिरी नगरपालिकास्थित विष्णुदेवी माध्यमिक विद्यालयको पुनर्निर्माण हुने भएको छ । भारत सरकारको ६करोड ४९ लाख रुपैयाँ...

‘सेना र प्रहरीका श्रीमतीको नाममा खोलिएका संस्था दासीहरुको जस्तै’
‘सेना र प्रहरीका श्रीमतीको नाममा खोलिएका संस्था दासीहरुको जस्तै’
  • २०७७ कार्तिक २४, १७: २०: १६

नयाँ बिकल्प, काठमाडौं । नेपाल कम्युनिस्ट पार्टी (नेकपा) प्रचण्ड–माधव समूहको स्थायी कमिटी सदस्य पम्फा भुसालले नेपाली सेना, सशस्त्र प्रहरी र...

भर्खरै

TOP