March 2, 2021, Tuesday

ओली ताप्लोजुङ उडेपछि राजदूत यान्छी पुगिन प्रचण्ड भेट्न खुमलटारमा


नयाँ विकल्प,
काठमाडौं – सत्तारुढ नेपाल कम्युनिष्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहाल ‘प्रचण्ड’बीच आन्तरिक द्वन्द्व चर्किरहेको बेला उत्तरी छिमेकी मुलुक चीनकी राजदूत होउ यान्छीले दाहाललाई भेटेकी छन् ।

पार्टीको आन्तरिक द्वन्द्व चर्किएर विभाजनको संघारमा पुगेको बेला नेपालका लागि चिनियाँ राजदूत यान्छीको राजनीतिक दौडधुप र सक्रिययतालाई देशको आन्तरिक मामिला र पार्टीको आन्तरिक जीवनमा हस्तक्षेप गरेको भनेर आलोचना भइरहेको छ ।

नेपालका लागि चिनियाँ राजदूत यान्छीले कुटनीतिक मर्यादालाई मिच्दै गत कात्तिक २ गते मंगलबार प्रधानमन्त्री केपी शर्मा ओलीलाई भेटेकी थिइन् । त्यसअघि यान्छीले राष्ट्रपति भण्डारीसँग पनि भेट गरेकी थिइन ।

यान्छीको गत मंगलबारको भेटपछि नेकपाको सम्भावित विभाजन टरेको राजनीतिक बृत्तमा चर्चा छ । चिनियाँ राजदूत यान्छीले गत साता मात्र नेकपामा बरिष्ठ नेता माधवकुमार नेपाल र पूर्वमन्त्री झलनाथ खनालसँग भेट गरी पार्टी बिभाजन रोक्न हस्तक्षेप गरेकी थिइन् ।

यान्छीकै आग्रहपछि प्रधानमन्त्री तथा नेकपा अध्यक्ष केपी शर्मा ओली पार्टी सचिवालयको गत साताको बैठकमा सहभागी भएका थिए । कार्यकारी अध्यक्ष दाहालले राजनीतिक प्रस्तावको नाममा आफूलाई मानमर्दन गरी गम्भीर आरोप लगाएको भन्दै ओलीले सो प्रस्ताव फिर्ता नलिएसम्म बैठकमा सहभागी नहुने अडान लिएका थिए ।

दाहालको आरोप पत्र फिर्ता नलिएसम्म नेकपा सचिवालय बैठकमा सहभागी नहुने अडान लिएका दाहाल यान्छीको आग्रहपछि सचिवालय बैठकमा उपस्थित भएका थिए । प्रधानमन्त्री ओली ताप्लेजुङ गएको मौकामा यान्छीले सोमबार बिहान दाहालको निवास खुमलटार गएर लामो कुराकानी गरेका थिए ।

सम्बन्धित समाचार

नाइजेरियामा अपहरणमा परेका छात्राहरुको रिहा
नाइजेरियामा अपहरणमा परेका छात्राहरुको रिहा
  • २०७७ मंसिर ८, १३: १९: ३३

गुसौ, नाइजेरिया–अपहरणमा परेका नाइजेरियाका छात्राहरु मुक्त भएका छन् । देशको उत्तरी क्षेत्रमा रहेको निजी विद्यालयबाट अपहरणमा परेका सबै २७९ जना...

प्रतिवन्धित विप्लव समूहसँग बार्ता गर्न सरकारको नेतृत्व बादलले गर्ने, विप्लवबाट ‘प्रकाण्ड
प्रतिवन्धित विप्लव समूहसँग बार्ता गर्न सरकारको नेतृत्व बादलले गर्ने, विप्लवबाट ‘प्रकाण्ड
  • २०७७ मंसिर ८, १३: १९: ३३

’नयाँ बिकल्प,काठमाडौं – दुुई वर्षअघि अर्थात २०७५ फागुन २८ गते नेत्र बिक्रम चन्द उर्फ विप्लव नेतृत्वको तत्कालिन नेपाल कम्युनिष्ट पार्टीलाई...

तेलको विषयलाई लिएर मन्त्री स्तरीय बैठक बस्दै
तेलको विषयलाई लिएर मन्त्री स्तरीय बैठक बस्दै
  • २०७७ मंसिर ८, १३: १९: ३३

लन्डन–विश्वका प्रमुख तेल उत्पादक मुलुकहरुको संगठन ओपेकका सदस्य राष्ट्रहरुबीच तेल उत्पादनका सम्बन्धमा पुनर्विचार गर्नेगरी अर्को साता बैठक हुनै लाग्दा तेल...

भर्खरै

TOP