March 8, 2021, Monday
सहमहामन्त्री थापासहित नवनियुक्त ७ केन्द्रीय सदस्यलाई देउवाको निर्देशन

आगामी निर्वाचनमा कांग्रेसलाई जिताउनू: देउवा



नयाँ बिकल्प,
काठमाडौं – नेपाली कांग्रेसका सभापति शेरबहादुर देउवाले मुलुकमा हाल देखिएको समस्या र चुनौतिको सामना गर्न पार्टी संगठनलाई एक ढिक्का बनाएर अघि बढ्नुको बिकल्प नभएको बताएका छन् ।

नेपाली कांग्रेस केन्द्रीय कार्यसमितिको गत कात्तिक २८ गतेको निर्णयबाट पार्टी सहमहामन्त्रीमा नियुक्त भएका सुनिलबहादुर थापा र केन्द्रीय सदस्यमा नियुक्त ९ नेतालाई बुधबार आफ्नै निवास बुढानिलकण्ठमा निर्देशन दिँदै सभापति देउवाले आगामी निर्वाचनमा काग्रेसलाई जिताउन आजैबाट सक्रियतापूर्ब लाग्न निर्देशन दिएका हुन् ।

गत साउन १३ गते राष्ट्रिय प्रजातन्त्र पार्टी परित्याग गरी नेपाली कांग्रेसमा प्रवेश गरेका १६ केन्द्रीय सदस्य र अन्य ३१ जना नेतामध्ये १० जनालाई पार्टीले केन्द्रीय कार्यसमितिमा मनोनयन गरेको थियो ।

नवनियुक्त सहमहामन्त्री र केन्द्रीय सदस्यलाई बुधबार नियुक्ति पत्र प्रदान गर्दै देउवाले लोकतन्त्र मजबुद बनाउन पार्टीलाई बलियो बनाउने अभियानामा लाग्न निर्देशन दिए ।

पार्टीको कात्तिक २८ गतेको बैठकले सुनिलबहादुर थापालाई सहमहामन्त्री रामप्रसाद भट्टराई, विष्णुविक्रम थापा, वावुराम बस्नेत, वृजलाल यादव, किरण गिरी र टिएन योगीलाई केन्द्रीय सदस्य, झापाका दिलिप राई, कैलालीका आशाराम चौधरी र कपिलबस्तुका राजेशबहादुर सिंहलाई आमन्त्रित केन्द्रीय सदस्यमा मनोनयन गर्ने निर्णय गरेको थियो ।

सोमबार बुढानिलकण्ठमा आयोजित एक विशेष कार्यक्रममा नवनियुक्त सहमहामन्त्री र केन्द्रीय सदस्यलाई सभापति देउवाले नियुक्ति पत्र दिएपछि पार्टी बलियो बनाउने सक्रिय भएर लाग्न निर्देशन दिएको भेटमा सहभागी केन्द्रीय सदस्य गिरीले नयाँविकल्पलाई बताए ।

कार्यक्रममा गृह जिल्लामै रहेकाले आमन्त्रित केन्द्रीय सदस्य चौधरी र सिंह भने अनुपस्थित थिए ।

सम्बन्धित समाचार

आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
आयोगको निर्णय नआउँदै ओली पक्षबाट ‘सन्ध्याको पार्टी कब्जामा’
  • २०७७ मंसिर १०, १४: ०५: ३१

नयाँ बिकल्प,काठमाडौं – प्रधानमन्त्री केपी शर्मा ओलीले नेतृत्व गरेको सत्तारुढ नेपाल कम्युुनिष्ट पार्टी (नेकपा) ओली समूहले सन्ध्या तिवारी अध्यक्ष रहेको...

भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
भारतको सहयोगमा चन्द्रागिरीस्थित विष्णुदेवी माविको पुनर्निर्माण शुुरु
  • २०७७ मंसिर १०, १४: ०५: ३१

नयाँ बिकल्प, काठमाडौं – चन्द्रागिरी नगरपालिकास्थित विष्णुदेवी माध्यमिक विद्यालयको पुनर्निर्माण हुने भएको छ । भारत सरकारको ६करोड ४९ लाख रुपैयाँ...

‘सेना र प्रहरीका श्रीमतीको नाममा खोलिएका संस्था दासीहरुको जस्तै’
‘सेना र प्रहरीका श्रीमतीको नाममा खोलिएका संस्था दासीहरुको जस्तै’
  • २०७७ मंसिर १०, १४: ०५: ३१

नयाँ बिकल्प, काठमाडौं । नेपाल कम्युनिस्ट पार्टी (नेकपा) प्रचण्ड–माधव समूहको स्थायी कमिटी सदस्य पम्फा भुसालले नेपाली सेना, सशस्त्र प्रहरी र...

भर्खरै

TOP