March 3, 2021, Wednesday

विचार विमर्शका लागि अन्तर्राष्ट्रिय वेबिनार आयोजना

लण्डन–लण्डनमा रहेको नेपाली राजदूतावासले बिहीवार ग्लास्गो क्यालेडोनियन विश्वविद्यालयसँगको सहकार्यमा ‘सार्वजनिक स्वास्थ्य तथा विज्ञान कूटनीतिको भुमिका, स्वास्थ्य क्षेत्रको बढ्दो महत्व र मौसम परिवर्तनको अन्तर्राष्ट्रिय चुनौति’का विषयमा विचार विमर्शका लागि अन्तर्राष्ट्रिय वेबिनार आयोजना गरेको छ ।

कार्यक्रममा परराष्ट्रमन्त्री प्रदीपकुमार ज्ञवालीले वर्तमान विश्वको त्रासदीका रूपमा रहेको एवं विश्वव्यापी सङ्कटका रूपमा रहेको कोभिड–१९ सङ्क्रमणले नेपाल जस्तो अविकसित तथा भूपरिवेष्टित राष्ट्रलाई सबैभन्दा बढी प्रभावित पारेको र यससँग जुध्न अन्तर्राष्ट्रिय सहयोग तथा सहकार्य जरुरी रहेको बताएको दूतावासले जनाएको छ ।

स्वास्थ तथा कूटनीतिक क्षेत्रमा कार्यरत विभिन्न देशका विज्ञहरू सहभागी रहेको उक्त कार्यक्रममा जर्मनीको बर्लिनमा रहेको प्रयोगात्मक विज्ञानका लागि युरोप विश्वविद्यालयका रेक्टर प्रा मौटिट्स भ्यान रुइजेनले स्वास्थ्यको विश्वव्यापीकरणमा विश्वविद्यालयहरूले खेल्ने भूमिका र कोभिड महामारीले विश्वव्यापीकरणलाई पारेको प्रभावबारे प्रकाश पारेका थिए ।

साथै एङ्गलिया विश्वविद्यालयका पूर्व प्राध्यापक रिचार्ड हार्वेले कोभिड महामारीका कारण विश्वमा हालसम्मकै सबैभन्दा ठूलो कूटनीतिक चुनौती र वैज्ञानिकहरू बीचको सहयोग तथा सहकार्य एवं विज्ञान कूटनीतिको प्रभावकारीता सम्बन्धमा विचार राखेका थिए ।

संयुक्त अधिराज्यका लागि नेपाली राजदूत डा दुर्गाबहादुर सुवेदीको सभापतित्व सम्पन्न कार्यक्रममा अल्वानियाका राष्ट्रपतिका राजनीतिक सल्लाहकार ह्यारिस वोङ्गलीले कोभिड सङ्क्रमणका सन्दर्भमा अल्वानियाको अनुभव र महामारीमा विकासशील देशहरूले भोग्नुपर्ने समस्याहरूको बारेमा, अल्बाबटेईन सांस्कृतिक प्रतिष्ठान कुवेतका महासचिव तथा ट्युनिसियाको परराष्ट्र मन्त्रालयका सचिव प्राध्यापक तोहामी अब्दुलीले कूटनीति र अन्तर्राष्ट्रिय ऐक्यबद्धताको बारे र ग्लास्गो क्यालेडोनियन विश्वविद्यालयका प्राध्यापक टिटुस ओलानीले दिगो तथा नवीकरणीय ऊर्जा विकासका विषयमा आफ्नो प्रस्तुति दिनुभएको उपनियोग प्रमुख रोशन खनालले बताए ।

सम्बन्धित समाचार

डोको–डालो बनाएरै आम्दानी गर्दै महिला
डोको–डालो बनाएरै आम्दानी गर्दै महिला
  • २०७७ मंसिर १२, ११: ११: १७

नयाँ विकल्प नवलपरासी- बाँसको चोया काटेर महिलाले डोको–डालो बुन्छन्भन्दा धेरैलाई आश्चर्य लाग्न सक्छ । समुदायमा विशेषगरी पुरुषले मात्रै डोको–डालो बुन्ने...

झापामा ब्राउनसुगरसहित दुई जना पक्राउ
झापामा ब्राउनसुगरसहित दुई जना पक्राउ
  • २०७७ मंसिर १२, ११: ११: १७

नयाँ विकल्प झापा- मेचीनगर नगरपालिका–६ स्थित मेची पुलबाट लागुऔषध ब्राउनसुगरसहित मङ्गलबार दुई जना पक्राउ परेका छन् । पक्राउ पर्नेमा पाँचथर...

प्रचण्ड-नेपाल पक्षको केन्द्रीय कमिटी बैठक बस्दै
प्रचण्ड-नेपाल पक्षको केन्द्रीय कमिटी बैठक बस्दै
  • २०७७ मंसिर १२, ११: ११: १७

नयाँ विकल्प, काठमाडाैं- संसद बैठक र सरकार गठनबारे रणनीति तय गर्न नेकपाको प्रचण्ड-नेपाल पक्षको केन्द्रीय कमिटी बैठक बाेलाएकाे छ ।...

भर्खरै

TOP