February 24, 2021, Wednesday

प्रचण्ड र नेपालको केही लागेन, ओली अनुपस्थित हुँदा सचिवालय बैठक फेरि स्थगित


नयाँ विकल्प,
काठमाडौं – सत्तारुढ नेपाल कम्युनिस्ट पार्टी (नेकपा)को बुधबार एक बजे बोलाइएको सचिवालय बैठकमा प्रधानमन्त्री समेत रहेका अध्यक्ष केपी शर्मा ओली नै अनुपस्थित भएपछि बैठक स्थगित भएको छ ।

प्रधानमन्त्रीको सरकारी निवास बालुवाटारमा बोलाइएको सचिवालय बैठकमा अध्यक्ष ओली नै अनुपस्थित भएपछि केहीबेर बसेर २० गतेसम्मका लागि स्थगित गरिएको पार्टी प्रवक्ता नारायणकाजी श्रेष्ठले जनाए ।

पार्टीमा देखा परेको संकट र विद्यमान समस्या समाधानका लागि प्रधानमन्त्रीको उपस्थितिमा छलफल गर्नु आवश्यक र उपयुक्त हुने निष्कर्ष निकाल्दै आगामी बैठकमा ओलीको अनिर्वाय उपस्थितको अपेक्षासहित बैठकमा आउन अनुरोध गर्ने निर्णय गरेको उनले बताए ।

बुधबारको सचिवालय बैठक स्थगित भएसँगै बिहीबारको लागि बोलाइएको नेकपा स्थायी कमिटी बैठक पनि मंसिर २१ गतेसम्मका लागि स्थगित गरिएको छ ।

नेकपाका कार्यकारी अध्यक्ष पुष्पकमल दाहाल प्रचण्डले पेश गरेको राजनीतिक प्रस्ताव आरोप पत्र भएको भन्दै अर्का अध्यक्ष ओलीले सो प्रस्ताव फिर्ता नलिएसम्म सचिवालय बैठक बस्न नसक्ने र बसे पनि त्यही विषयमा छलफल हुन नसक्ने भन्दै अडान लिएका छन् ।

सचिवालय बैठकमा दाहालले पेश गरेको प्रस्ताव पारित गर्ने र बहुमतको आडमा स्थायी कमिटी र केन्द्रीय कमिटीको बैठकमार्फत ओलीलाई अल्पमतामा पारेर सरकार र पार्टी नेतृत्वबाट हटाउने असन्तुष्ट नेताको प्रयासलाई ओलीले छल्दै आएका छन् ।

बहुमतको आधारमा ओलीलाई कमजोर बनाउने दाहाल र अर्का नेता माधवकुमार नेपाल समूहको प्रयासलाई निस्तेज र कमजोर बनाउने योजनामा ओली रहेका छन् । उनले आफ्नो उपस्थिति बिना कुनै पनि निर्णय हुन नसक्ने भन्दै आफ्नो हैसियत देखाएका छन् ।

सम्बन्धित समाचार

विघटनबिरुद्ध अन्तरिम आदेश नदिएकाले अदालतको आदेश पर्खौं भनेको हुँ – देउवा
विघटनबिरुद्ध अन्तरिम आदेश नदिएकाले अदालतको आदेश पर्खौं भनेको हुँ – देउवा
  • २०७७ मंसिर १७, १७: ००: ५६

नयाँ बिकल्प,काठमाडौं – नेपाली कांग्रेसका सभापति शेरबहादुर देउवाले प्रतिनिधिसभा विघटन गर्ने प्रधानमन्त्री केपी शर्मा ओलीको कदम बिरुद्ध सर्वोच्च अदालतमा परेको...

ओली पक्षकाे बालुवाटार भेलाः   ताेकिएकाे समयमा भित्र संसद बैठक बाेलाउने निर्णय
ओली पक्षकाे बालुवाटार भेलाः ताेकिएकाे समयमा भित्र संसद बैठक बाेलाउने निर्णय
  • २०७७ मंसिर १७, १७: ००: ५६

नयाँ विकल्प काठमाडाैं- प्रधानमन्त्री केपी शर्मा ओली नेतृत्वको नेपाल कम्युनिष्ट पार्टीले सर्वोच्च अदालतको संसद पूर्नस्थापनागर्ने निर्णयको सम्मान गरेको छ ।...

प्रतिनिधिसभा पुनर्स्थापनापछि देउवासँग प्रचण्ड–माधवको  छलफल
प्रतिनिधिसभा पुनर्स्थापनापछि देउवासँग प्रचण्ड–माधवको छलफल
  • २०७७ मंसिर १७, १७: ००: ५६

नयाँ विकल्प काठमाडौं – नेपाली कांग्रेसका सभापति शेरबहादुर देउवासँग नेपाल कम्युनिष्ट पार्टी (नेकपा)का प्रचण्ड–नेपाल समूहका अध्यक्षद्वय पुष्पकमल दाहाल प्रचण्ड र...

भर्खरै

TOP