February 27, 2021, Saturday

पौडेल पक्राउपछि देउवाको आव्हान देशब्यापी प्रतिरोधमा उत्रनु


नयाँ बिकल्प,

काठमाडाैं – नेपाली कांग्रेसका सभापति शेरबहादुर देउवाले पार्टी नेता रामचन्द्र पौडेललाई तनहुँको व्यास नगरपालिका वडा नं १ र ११ जोड्ने बुल्दी खोलामा निर्माण सम्पन्न भएको पुल उद्घाटनको क्रममा प्रहरीले पक्राउ गरेको घटनाको बिरोधमा देशव्यापी प्रतिरोधमा उत्रन आव्हान गरेका छन् ।

कांग्रेसमा पालामा निर्माण सम्पन्न भए स्थानिय उपभोक्ता समितिले सर्बसम्मत निर्णयबाट निमन्त्रणा गरेकाले पुल उद्घाटन गर्न गएका पौडेलमाथि गरिएको दुव्र्यवहार र गिरफ्तारी अत्यन्तै आपत्तिजनक भएको जनाउँदै देउवाले कार्यकर्तालाई प्रतिरोधमा उत्रन आव्हान गरेका हुन् ।

सरकारको सो ब्यवहार निन्दनिय भएको जनाउँदै देउवाले तत्काल पौडेललाई रिहा गर्न माग गरे । उनले अन्यथा उत्पन्न हुने परिस्थिति सामनाका लागि तयार बस्न सरकारलाई चेतावनी समेत दिएका छन् ।

‘बर्तमान सरकारको अधिनायकवादी आकांक्षाको जगमा यो घटना भएको हो । यो अधिनायकवादी अभिस्टलाई पूरा हुन नदिन नेपाली कांग्रेस एक ढिक्का भएर शसक्त प्रतिरोध गर्न चेतावनी दिन चाहन्छु’, सभापति देउवाद्वारा बुधबार साँझ जारी विज्ञप्तिमा भनिएको छ ।

नेता पौडेललाई गिरफ्तार गरिएको घटनाको नेपाली कांग्रेसका पदाधिकारी, केन्द्रीय सदस्य भ्रातृ तथा शुभेच्छुक संघ संस्था र नागरिक समाजका अगुवाहरुले घोर आपत्ति र निन्दा व्यक्त गरेका छन् । उनीहरुले यो घटनालाई केपी शर्मा ओली नेतृत्वको सरकारको अधिनायकबादी क्रियाकलापको शुरुआत भएको जनाएका छन् ।

यसैबीच कांग्रेसको भ्रातृ संगठन नेपाल बिद्यार्थी संघले नेता पौडेलको गिरफ्तारीको निन्दा गर्दै सरकारको अधिनायकबादी चरित्रको बिरुद्ध भन्दै बुधबार साँझ साडे ५ बजे माइतिघर मण्डलामा बिरोध प्रदर्शन आयोजना गरेको छ ।

सम्बन्धित समाचार

संसद् बैठक अबदेखि नियमित चल्छः सभामुख सापकोटा
संसद् बैठक अबदेखि नियमित चल्छः सभामुख सापकोटा
  • २०७७ मंसिर १७, १७: १६: ३९

नयाँ विकल्पकाठमाडाैं- सभामुख अग्निप्रसाद सापकोटाले संसद् पुनःस्थापना भएसँगै दलहरुबीच सहमति हुने विश्वास व्यक्त गरेका छन् । शनिवार चितवन पुगेका सभामुख...

राजनीतिलाई सही मार्गमा डोर्याउन जनताको साथ आवस्यक  : नेता सिंह
राजनीतिलाई सही मार्गमा डोर्याउन जनताको साथ आवस्यक : नेता सिंह
  • २०७७ मंसिर १७, १७: १६: ३९

नयाँ विकल्पकाठमाडाैं-नेपाली कांग्रेसका नेता प्रकाशमान सिंहले देशको राजनीति ठीक नभई अरु क्षेत्र नसुध्रने भएकाले राजनीतिलाई सही मार्गमा डोर्याउन जनताको साथ...

पार्टीको ह्विप नमान्नेलाई कारबाही : प्रमुख सचेतक भट्टराई
पार्टीको ह्विप नमान्नेलाई कारबाही : प्रमुख सचेतक भट्टराई
  • २०७७ मंसिर १७, १७: १६: ३९

नयाँ विकल्पकाठमाडाैं- नेपाल कम्यूनिष्ट पार्टी ( नेकपा ) का प्रमुख सचेतक विशाल भट्टराईले प्रधानमन्त्री केपी शर्मा ओलीसँग सय भन्दा बढी...

भर्खरै

TOP