June 19, 2021, Saturday

भक्तपुरमा कार दुर्घटना, एक युवतीकाे मृत्यु


नयाँ विकल्प
काठमाडाैं- भक्तपुरमा कार दुर्घटना हुँदा एक जनाको मृत्यु भएको छ। आइतबार बिहान पौने १ बजे मध्यपुर ठिमी नगरपालिका-३ कौशलटारमा कार पल्टिएको हो।
भक्तपुरबाट काठमाडौं जाँदै गरेको बा. ८ च. ४७५६ नम्बरको कार अनियन्त्रित भइ सडकको रेलिङमा ठक्किएर पल्टिएको हो।

कार पल्टिएर विपरिततिरको लेनमा पुगेको प्रहरी नायब उपरीक्षक दीपक गिरीले बताए। कौशलटारको प्रवीण पेट्रोल पम्पमा कार दुर्घटना भएको भन्ने खबर महानगरीय प्रहरी कार्यालय रानीपोखरीले पाएको थियो। तत्कालै महानगरीय प्रहरी वृत्त, ठिमीबाट खटिएको टोलीले सडक किनारमा ३० वर्षीया महिला अचेत अवस्थामा फेला पारेको थियो। प्रहरीले उनलाई मध्यपुर ठिमी अस्पताल पुर्‍याएको थियो।

तर चिकित्सकहरूले अस्पताल पुग्दा मृत घोषणा गरेको प्रहरी नायब उपरीक्षक गिरीले बताए। मृत्यु हुने काठमाडौं-४ धुम्बाराही पिपलबोटकी ३० वर्षीया रिया श्रेष्ठ हुन्। प्रहरीका अनुसार कारमा रियासहित चार जना सवार थिए।लोकन्थीका कार चालक २६ वर्षीय रञ्जित कार्की, राधेराधेका २६ वर्षीय विजय देउजा र सुर्यविनायक नगर-४ गाम्चाका २७ वर्षीय सुदीप थापा कारमा सवार थिए।

‘उनीहरू साथी भएको बुझिएको छ,’ प्रहरी नायब उपरीक्षक गिरीले भने। बाँकी तीनै जनाको अवस्था सामान्य छ। ‘राति हामीले ती महिलालाई मात्रै फेला पार्‍यौं। अरू थिएनन्। अरू आज बिहानमात्रै प्रहरीको सम्पर्कमा आए,’ प्रहरी नायब उपरीक्षक गिरीले भने,’तीनै जनामाथि सोधपुछ गरिरहेका छौं।’ प्रहरीले चालकलाई पक्राउ गरी थप अनुसन्धान गरिरहेको छ।

सम्बन्धित समाचार

मेलम्ची र हेलम्बुका बाढी पीडितलाई आयल निगमले दिए ग्यास लिलिण्डर र ग्यास चुल्हो
मेलम्ची र हेलम्बुका बाढी पीडितलाई आयल निगमले दिए ग्यास लिलिण्डर र ग्यास चुल्हो
  • २०७७ मंसिर २१, १२: ५३: ११

नयाँ बिकल्प, काठमाडौं । तीन दिनअघि आएको अबिरल वर्षाका कारण बाढी र पहिरोबाट जनधनको क्षति व्यहोरेका सिन्धुपाल्चोक जिल्लाको मेलम्ची र...

प्रदेश २ का ७ जिल्लाको पार्टी समायोजनबिरूद्ध उजुरी परेपछि कांग्रेस क्रियाशिल सदस्यता अड्कियाे
प्रदेश २ का ७ जिल्लाको पार्टी समायोजनबिरूद्ध उजुरी परेपछि कांग्रेस क्रियाशिल सदस्यता अड्कियाे
  • २०७७ मंसिर २१, १२: ५३: ११

नयाँ बिकल्प, काठमाडौं । नेपाली कांग्रेसको महाधिवेशन आगामी भदौ १६ देखि १९ गतेसम्म १४ औं महाधिवेशन काठमाडौंमा गर्ने घोषणा गरे...

ढुंगा, गिटी निकासी नगर्न सर्वोच्चको अन्तरिम आदेश
ढुंगा, गिटी निकासी नगर्न सर्वोच्चको अन्तरिम आदेश
  • २०७७ मंसिर २१, १२: ५३: ११

नयाँ विकल्प काठमाडौं – सर्वोच्च अदालतले ढुंगा, गिटी बालुवा निकासी गर्ने गरी सरकारले आर्थिक वर्ष २०७८–७९ को बजेट वक्तव्यमा गरेको...

भर्खरै

TOP