शेयर बजारमा नेगेटिभ सर्किट, १२३ अंकले घट्याे बजार

नयाँ विकल्प
प्रकाशित मिती: २०७७ मंसिर २१, १४: २३: ५५

नयाँ विकल्प,
काठमाडाैं- साताको पहिलो कारोबार दिन आइतबार बजार खुलेको झण्डै ४ घण्टामा नै नेप्से सूचक १२३ दशमलव ३४ अंकले घटेको छ। नेपाल राष्ट्र बैंकले मौद्रिक समिक्षामार्फत सेयर धितो ऋण पुनरावलोकन गर्ने जनाएपछि आइतबार सेयर बजारमा पहिरो गएको छ। सुरुवातबाटै घटेको बजार २ बजेपछि तीब्र गतिमा झर्दा पुरै दिन कारोबार हुन पाएन ।

बजार अहिलेसम्मकै उच्च १२३ अंकले घटेको छ। यद्यपी ७ अर्बभन्दा बढिको कारोबार भएको छ। यति फराकिलो अंकले बजार झरेको पहिलो पटक हो। राष्ट्र बैंकले सेयर धितो ऋणमा कडाइ गर्ने जनाएपछि सेयर लगानीकर्ताहरुले डेपुटी गभर्नर चिन्तामणि शिवाकोटीलाई भेटेका थिए। भेटेर फर्किएपछि बजार अझ घटेको हो।

आइतबार बजारमा बिक्री चाप बढ्दा सबै कम्पनीको शेयरमूल्य घटेको छ। बढेको बजारमा लगानीकर्ता प्रोफिट बुकतिर लाग्दा बजार उच्च अंकले घटेको हो। यस अवधिमा नेप्से सूचक १२३ अंकले घटेर १९३२ दशमलब ११ विन्दुमा झरेको छ। दुई घण्टामा करिब ७ अर्ब २ करोड रुपैयाँ बढिको शेयर कारोबार भएको छ।