May 17, 2021, Monday

मंसिर २९ को प्रदर्शन भब्य र प्रभावकारी बनाउन केन्द्रीय नेतालाई खटाउने कांग्रेसको निर्णय


नयाँ बिकल्प,
काठमाडौं – नेपाली कांग्रेसको पदाधिकारी बैठकले आगामी मंसिर २९ गते सरकारका खराब क्रियाकलापका बिरुद्ध आयोजना गर्ने विरोध प्रदर्शनलाई भब्य र प्रभावकारी बनाउने भएको छ ।

सभापति शेरबहादुर देउवाको निवास बूढानीकलण्ठमा बिहीबार बिहान बसेको बैठकमा मंसिर २९ को सरकाविरोधी प्रदर्शनमा पार्टीका सबै तह र इकाई तथा भ्रातृ र शुभेच्छुक संस्थाका कार्यकर्तालाई उतार्ने तयारीको विषयमा छलफल भएको थियो ।

आन्दोलन प्रारम्भिक चरण भएकाले आवश्यकता अनुसार जिल्लाहरुमा केन्द्रीय नेताहरुलाई सरकारविरुद्धको प्रदर्शनमा खटाउने निर्णय गरेको हो ।

केही जिल्लामा नेताहरुको इच्छाअनुसार र केहीमा आवश्यकता अनुसार केन्द्रबाट नेताहरु खटाउने निर्णय भएको सहमहमन्त्री डा. प्रकाशशरण महतले बताए ।

मंसिर १९ गते बसेको पदाधिकारी बैठकले सरकारविरुद्ध ७७ वटै जिल्लाहरुमा मंसिर २९ गते विरोध प्रदर्शनको निर्णय गरेको थियो ।

तनहुँमा मंसिर १७ गते कांग्रेस नेता रामचन्द्र पौडेललाई व्यास नगरपालिकाको बुल्दी खोलामा निर्माण सम्पन्न भएको पुल उद्घाटन गर्न जाँदा प्रहरीले पक्राउ गरेपछि कांग्रेस सरकारको दमनकारी व्यवहारका बिरुद्ध आन्दोलनमा उत्रने योजनामा लागेको हो ।

देशका विभिन्न स्थानमा सरकारबाट गरिएका विभेद, पक्षपात र सर्वसत्तावादी प्रवृत्ति तथा कोभिड–१९ को नियन्त्रण र उपचारमा सरकारले देखाएको उदासिनता र अकर्मण्यता तथा स्वास्थ सामग्री खरिदमा गरिएको भ्रष्टाचारदेखि अनेकौं भ्रष्टाचार काण्ड र बेथितिविरुद्ध विरोध प्रदर्शन गर्ने कांग्रेसको भनाइ छ ।

बुढानिलकण्ठमा भएको सो बैठकमा सभापति देउवा र नेता पौडेलका साथै उपसभापति विमलेन्द्र निधि, महामन्त्री पूर्णबहादुर खड्का, नेता कृष्णप्रसाद सिटौला, प्रकाशमान सिंह, गोपालमान सिंह, सहमहामन्त्रीद्वय डा. महत र सुनिलबहादुर थापा, पूर्वसहमहामन्त्री डा. रामशरण महत र अर्जुननरसिंह केसी लगायतका नेता उपस्थित थिए ।

सम्बन्धित समाचार

पत्रकार कार्कीको उपचारको क्रममा निधन
पत्रकार कार्कीको उपचारको क्रममा निधन
  • २०७७ मंसिर २५, १३: १९: ०६

नयाँ बिकल्प,ललितपुर । नेपाल प्रेस युनियन ललितपुर जिल्ला समितिका संस्थापक अध्यक्ष तथा अग्रज पत्रकार बटुकृण कार्कीको सोमबार धापाखेलस्थित समेरु अस्पतालमा...

समालोचक सुवेदीको कोरोना संक्रमणबाट निधन
समालोचक सुवेदीको कोरोना संक्रमणबाट निधन
  • २०७७ मंसिर २५, १३: १९: ०६

नयाँ बिकल्पकाठमाडौं — बरिष्ठ समालोचक राजेन्द्र प्रसाद सुवेदीको कोरोना भाइरसको संक्रमणबाट सोमबार बिहान शहिद गंगालाल राष्ट्रिय हृदय केन्द्रमा निधन भएको...

काेराेनाका ९,२४७ नयाँ संक्रमित थपिए , २१४ जनाको मृत्यु
काेराेनाका ९,२४७ नयाँ संक्रमित थपिए , २१४ जनाको मृत्यु
  • २०७७ मंसिर २५, १३: १९: ०६

नयाँ विकल्पकाठमाडाैं- कोरोना भाइरस संक्रमणका कारण एकै दिन २१४ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो...

भर्खरै

TOP