सरकार भ्रष्टाचारमा लिप्त भयो, अबको चुनावपछि कांग्रेसको सरकार बन्छः डा. शशांक

नयाँ विकल्प
प्रकाशित मिती: २०७७ मंसिर २९, १८: ०९: ०४

नयाँ विकल्प,

बिराटनगर – नेपाली कांग्रेसका महामन्त्री डा. शशांक कोइरालाले केपी शर्मा ओली नेतृत्वको सरकार भ्रष्टाचारमा लिप्त भएकाले कांग्रेस सडक संघर्षमा आउनु परेको बताएका छन् ।

नेपाली कांग्रेस मोरङ जिल्ला समितिले सोमबार विराटनगरमा आयोजना गरेको बिरोध प्रदर्शनपछिको सभालाई संवोधन गर्दै महामन्त्री कोइरालाले वर्तमान सरकार अलोकप्रीय भइसकेकाले अबको निर्वाचनपछि कांग्रेसकै नेतृत्वमा सरकार बन्ने बताए ।

अहिलेको सरकार सञ्चालनको शैली नै ठिक नभएको भन्दै महामन्त्री डा. कोइरालाले अबको चुनावपछि कांग्रेसले सरकार कसरी चलाउनुपर्छ त्यो देखाउने बताए ।

उनले ओलीले सर्वसत्तावादी शैलीमा सरकार सञ्चालन गरिरहेको आरोप लगाउँदै कांग्रेसले तीन वर्ष चुप लागेर बसे पनि सरकार भ्रष्टाचारमा लिप्त भएपछि बाध्य भएर सडकमा आएको बताए ।

सम्बन्धित समाचार

आयोगको निर्णय नआउँदै ओली पक्षबाट ‘सन्ध्याको पार्टी कब्जामा’

२०७७ मंसिर २९, १८: ०९: ०४

नयाँ बिकल्प,काठमाडौं – प्रधानमन्त्री केपी शर्मा ओलीले नेतृत्व गरेको सत्तारुढ नेपाल कम्युुनिष्ट पार्टी (नेकपा) ओली समूहले सन्ध्या तिवारी अध्यक्ष रहेको...