अध्यादेश सिफारिस तुरुन्त फिर्ता लिन प्रचण्डको प्रधानमन्त्रीलाई चेतावनी

नयाँ बिकल्प,

काठमाडौं– प्रधानमन्त्री केपी शर्मा ओलीले मंगलबार दिउँसो बोलाएको आकस्मिक मन्त्रिपरिषद् बैठकबाट राष्ट्रपति समक्ष संवैधानिक परिषद् सम्वन्धी अध्यादेश जारीका लागि गरेको सिफारिस तत्काल फिर्ता लिन नेकपा अध्यक्ष पुष्पकमल दाहाल ‘प्रचण्ड’ले चेतावनी दिएका छन् ।

‘संघीय संसदमा प्रतिनिधित्व गर्ने राजनीतिक दलहरुले हिउँदे अधिवेशन तत्काल बोलाउन माग गरिरहेको बेला एक्कासी अध्यादेश जारी गरेर वातावरण विगार्ने काम भएको छ । यस्तो अध्यादेश तुरुन्त फिर्ताको लागि म माग गर्दछु’, अध्यक्ष दाहालको भनाई उधृत गर्दै उनका स्वकिय सचिव विष्णु सापकोटाले भने ।

प्रधानमन्त्री समेत रहेका संवैधानिक परिषद्का अध्यक्ष केपी शर्मा ओलीले मंगलबार बिहान बोलाएको परिषदको बैठकमा प्रतिनिधिसभाका सभामुख अग्नीप्रसाद सापकोटा अनुपस्थित भएपछि परिषद् बैठक गणपुरक संख्या नपुगेका कारण आजैस साँझ ५ बजेसम्मको लागि स्थगित गरिएको थियो ।

सत्तारुढ दल नेकपाकै सिफारिस र समर्थनमा सभामुख भएका सापकोटा सत्तारुढ नेकपा भित्र पूर्वमाओवादी अर्थात अध्यक्ष दाहाल निकटका मानिन्छन् । दाहालसँग प्रधानमन्त्री ओलीको सम्वन्ध चिसिएपछि त्यसको असर र छिटा संवैधानिक परिषदमा समेत देखिएको हो ।

सम्बन्धित समाचार

विघटनबिरुद्ध अन्तरिम आदेश नदिएकाले अदालतको आदेश पर्खौं भनेको हुँ – देउवा

• २०७७ मंसिर ३०, १५: ५७: ०२

नयाँ बिकल्प,काठमाडौं – नेपाली कांग्रेसका सभापति शेरबहादुर देउवाले प्रतिनिधिसभा विघटन गर्ने प्रधानमन्त्री केपी शर्मा ओलीको कदम बिरुद्ध सर्वोच्च अदालतमा परेको...

ओली पक्षकाे बालुवाटार भेलाः ताेकिएकाे समयमा भित्र संसद बैठक बाेलाउने निर्णय

• २०७७ मंसिर ३०, १५: ५७: ०२

नयाँ विकल्प काठमाडाैं- प्रधानमन्त्री केपी शर्मा ओली नेतृत्वको नेपाल कम्युनिष्ट पार्टीले सर्वोच्च अदालतको संसद पूर्नस्थापनागर्ने निर्णयको सम्मान गरेको छ ।...

प्रतिनिधिसभा पुनर्स्थापनापछि देउवासँग प्रचण्ड–माधवको छलफल

• २०७७ मंसिर ३०, १५: ५७: ०२

नयाँ विकल्प काठमाडौं – नेपाली कांग्रेसका सभापति शेरबहादुर देउवासँग नेपाल कम्युनिष्ट पार्टी (नेकपा)का प्रचण्ड–नेपाल समूहका अध्यक्षद्वय पुष्पकमल दाहाल प्रचण्ड र...