March 3, 2021, Wednesday

किसानको भोटले सत्तामा पुगेपछि किसानलाई बिर्सिए, कमिसनवालालाई मात्र चिनेः कांग्रेस

नयाँ बिकल्प,

काठमाडौं –उखु किसानले बेचेको चिनीको मुल्य चिनी मिल संचालकहरुले नदिनुमा सरकारले किसानलाई विर्सिएर कमिसनवालालाई चिनेकै कारण भएको कांग्रेसको ठहर छ ।

विगत एक सातादेखि उखु बेचेको पैशा नपाएको भन्दै माईतिघर मण्डलामा धर्नामा बसेका उखु किसानको आन्दोलनप्रति ऐक्यवद्धता जनाउन पुगेका कांग्रेसका प्रवक्ता विश्वप्रकाश शर्माले सरकारमा बस्नेहरुले कमिसनवालाहरुलाई बढी चिन्ने र किसानलाई नचिन्ने दिन आउँदा उखु किसानको समस्या समाधान हुन नसकेको बताए ।

‘उखु किसानहरु उखुको मोल खोज्न मात्र यहाँ आएका होइन, यो देशमा सरकार छ कि छैन भनेर खोज्नलाई आउनु भएको छ’, शर्माले भने, ‘चिनी उद्योगीहरुको समस्या के हो सरकारले जानोस तर उखु किसानका समस्या समाधान गर्नका लागि राज्यको तदारुकता हुनुपर्छ र राज्यले समन्वय गर्नु पर्छ ।’

शर्माले अघिल्लो वर्ष जस्तै यो वर्ष पनि चिसोमा काठमाडौं आउनु परेको भन्दै सरकारका एक मन्त्रीजीले ‘माइतिघरको धर्नामा बसेकाहरु वास्तविक किसान होइनन्’ भनेर किसानलाई विर्सिएको जनाए ।

चिनी उद्योगीहरु कुन राजनीतिक दलसँग निकट छन वा कुन किसानले कुन दललाई भोट हाल्यो भन्ने कुराले खास अर्थ नराख्ने भन्दै प्रवक्ता शर्माले महोत्तरी, धनुषा, सर्लाही रौतहटदेखि किसानहरु राजधानी आएर मेरो माग पुरा गर, मेरो पसिनाको मोल देउ भनेर माग्ने अवस्था आउनु दुर्भाग्यपूर्ण भएको दाबी गरे ।

‘सर्वहाराको नारा लगाएर सत्तामा पुगेको सरकारले सडकमा आएका सर्वहारा किसानको आवाजलाई तत्काल सुनुवाई गर्नु पर्छ’ शर्माले भने, ‘मन्त्रीजीले मन्त्रालय भित्र छिर्दै गर्दा कालो गाडिमा बसेर झण्डा फहराउँदै वा मन्त्रालयको कुर्सीमा खुट्टा हल्लाउँदैमा माइती घरमा किसान होइन भन्नेले किसानका कागजपत्र हेरिदिउन । कोही पनि गैरकिसानहरु यो काठमाडौंमा जाडोमा आएर मुल्य देउ भन्न आउँदैन ।’

प्रवक्ता शर्माले एउटा मन्त्रीको गैरजिम्मेवार अभिव्यक्ति एउटा सरकारको अभिव्यक्ति हो कि होइन भन्दै प्रश्न गरेका छन् । उनले यदि सरकारको त्यस्तै भनाई होइन भने तत्काल पहल गरेर किसानको मुल्य तिर्ने वातवरण बनाउन माग गरे ।

सम्बन्धित समाचार

दुुई वर्षअघि प्रतिवन्धित नेकपा विप्लव समूहसँग बालुवाटारमा वार्ता शुरु
दुुई वर्षअघि प्रतिवन्धित नेकपा विप्लव समूहसँग बालुवाटारमा वार्ता शुरु
  • २०७७ मंसिर ३०, १६: ४५: ३८

नयाँ बिकल्प, काठमाडौं– सरकार र नेकपा विप्लव समूहको वार्ता टोलीबीचको पहिलो चरणको वार्ता सकिएको छ । प्रधानमन्त्रीका परराष्ट्र मामिला सल्लाहकार...

डोको–डालो बनाएरै आम्दानी गर्दै महिला
डोको–डालो बनाएरै आम्दानी गर्दै महिला
  • २०७७ मंसिर ३०, १६: ४५: ३८

नयाँ विकल्प नवलपरासी- बाँसको चोया काटेर महिलाले डोको–डालो बुन्छन्भन्दा धेरैलाई आश्चर्य लाग्न सक्छ । समुदायमा विशेषगरी पुरुषले मात्रै डोको–डालो बुन्ने...

झापामा ब्राउनसुगरसहित दुई जना पक्राउ
झापामा ब्राउनसुगरसहित दुई जना पक्राउ
  • २०७७ मंसिर ३०, १६: ४५: ३८

नयाँ विकल्प झापा- मेचीनगर नगरपालिका–६ स्थित मेची पुलबाट लागुऔषध ब्राउनसुगरसहित मङ्गलबार दुई जना पक्राउ परेका छन् । पक्राउ पर्नेमा पाँचथर...

भर्खरै

TOP