February 26, 2021, Friday

ओली सरकार संघीयताको मर्म र भावनाविपरित चलिरहेको छ- सिंह

नयाँ विकल्प,
जनकपुरधाम – नेपाली कांग्रेसका नेता तथा पूर्वमहामन्त्री प्रकाशमान सिंहले प्रधानमन्त्री केपी शर्मा ओलीले संघीयताको भावना र मर्म विपरित काम र गतिविधि गरिहेको आरोप लगाएका छन् ।

कांग्रेसले सरकारका बिरुद्ध सोमबार देशव्यापी रुपमा आयोजना गरेको विरोध प्रदर्शनको क्रममा २ नम्वर प्रदेश राजधानी जनकपुर पुगेका नेता सिंहले प्रधानमन्त्री ओलीले प्रदेश भनेको अरु कोही होइन, संघिय सरकारको एउटा प्रशासनिक निकाय मात्र हो भन्ने खालको गैरजिम्मेवारीपूर्ण व्यवहार गरेको बताएका हुन् ।

लोकतन्त्रप्रति वर्तमान सरकारलाई चासो नभएको दाबी गर्दै उनले वर्तमान सरकारले कम्युनिष्टको मात्रै राज्य हो भन्ने रबैया देखाइरहेको सिंहको भनाई थियो ।

‘मधेशका जनताको चाहानाअनुसार कानून बनाउन संसदमा राखेको प्रस्तावलाई विथोल्ने काम कम्युनिष्ट दलहरुले गरेको र त्यो प्रस्ताव पास हुन नसकेका हो’ सिंहले भने, ‘संविधान जारी भए लगत्तै मधेसको असन्तुष्टिलाई समेटेर कांग्रेसले संशोधनको प्रस्ताव पेश गरेको थियो । तर, अहिलेको सरकारमा रहेका पार्टीले त्यसको विरोध गरेका थिए ।’

नेता सिंहले नेकपाको सरकारले जिम्मेवारीपूर्ण तवरले जनता र देशको लागि काम नगरी संघियता, लोकतन्त्र, गणतन्त्रको विरुद्धमा गतिविधि गरेको र राज्यको ढुकुटीलाई सही ढङ्गले जनता र किसानको पक्षमा, दुःख कष्ट भोगिरहेका नेपालीको पक्षमा परिचालन नगरी केवल कम्युनिष्टका नेता, कार्यकर्ता र समर्थकलाई मात्रै सहयोग गरिरहेको बताए ।


१० वर्षे सशस्त्र द्वन्द्व चलिरहेको बेला आफ्नै परिवारसँग गाउँ ठाउँमा शान्तिपूर्ण तरिकाले बस्न पाएहुन्थ्यो भन्ने जनताको चाहना बमोजिम कांग्रेसका तत्कालिन सभापति गिरिजाप्रसाद कोइरालाले शान्तिप्रकृयालाई अघि बढाएको सिंहले स्मरण गरे ।

उनले संविधानसभामा सबैभन्दा बढी सिट ल्याएर क्रान्तिकारी भनौदा नेतादेखि अरु चार वटा सरकार कम्युनिष्टको नेतृत्वमा संचालन भए पनिसंविधान जारी गर्न सकेको र दोस्रो संविधानसभामा कांग्रेसका तत्कालिन सभापति शुशिल कोइरालाको नेतृत्वमा बनेको सरकारले संघीय लोकतान्त्रिक गणतन्त्रात्मक समावेशी संविधान जारी गरेको बताए ।

सम्बन्धित समाचार

म्याग्दी जिल्ला बेनी नगरपालिकाको फापरखेतमा बिरामी बोकेको जिप दुर्घटना
म्याग्दी जिल्ला बेनी नगरपालिकाको फापरखेतमा बिरामी बोकेको जिप दुर्घटना
  • २०७७ मंसिर ३०, २२: १७: ३५

नयाँ विकल्पम्याग्दी–म्याग्दीको बेनी नगरपालिका–४ फापरखेतमा बिहीबार राति भएको जिप दुर्घटनामा एक जनाको मृत्यु भएको छ भने चार घाइते भएका छन्...

नेपाली कांग्रेसका नेता नविन्द्रराज जोशीलाई मस्तिष्कघात, नर्भिकमा भयो शल्यक्रिया
नेपाली कांग्रेसका नेता नविन्द्रराज जोशीलाई मस्तिष्कघात, नर्भिकमा भयो शल्यक्रिया
  • २०७७ मंसिर ३०, २२: १७: ३५

नयाँ बिकल्प,काठमाडौं – नेपाली कांग्रेसका नेता एवम पूर्वमन्त्री नवीन्द्रराज जोशीलाई मस्तिष्कघात भएको छ । बिहीबार राति शरिरको वायाँ भागमा समस्या...

फार्मेसीको मुद्दा मिलाइ दिने भन्दै घुस लिने पक्राउ
फार्मेसीको मुद्दा मिलाइ दिने भन्दै घुस लिने पक्राउ
  • २०७७ मंसिर ३०, २२: १७: ३५

नयाँ विकल्पमोरङ–अख्तियार दुरुपयोग अनुसन्धान आयोगको कार्यालय इटहरीले नेपाल औषधि व्यवस्था विभाग विराटनगरमा कार्यरत एक अधिकृतलाई घुसको रकमसहित बिहीबार पक्राउ गरेको...

भर्खरै

TOP