March 7, 2021, Sunday

अध्यादेश फिर्ता गरी संसदको हिउँदे अधिवेशन बोलाउन जनता समाजवादीको माग

नयाँ विकल्प


काठमाडौं – विपक्षी जनता समाजवादी नेपाल पार्टीले सरकारको सिफारिसमा राष्ट्रपति विद्यादेवी भण्डारीले जारी गरेको संवैधानिक परिषद (काम, कर्तव्य, अधिकार र कार्यविधि) ऐन, २०६६ लाई संशोधन गर्ने अध्यादेश जारी गरेकोमा आपत्ति प्रकट गरेको छ ।

जनता समाजवादीका अध्यक्ष महन्थ ठाकुर र उपेन्द्र यादबद्वारा संयुक्त रुपमा बुधबार जारी विज्ञप्तिमा संवैधानिक परिषद सम्वन्धी अध्यादेश तुरुन्त फिर्ता गरी संघीय संसदको हिउँदे अधिवेशन तत्काल बोलाउन सरकारसाग माग गरेका छन् ।

‘संसदको हिउँदे अधिवेशन नबोलाइ संवैधानिक परिषद सम्बन्धी ऐन संशोधन गर्न राष्ट्रपतिबाट अध्यादेश जारी गराउँदा सार्बभौमसत्ता सम्पन्न नेपली जनताको सर्वोच्च निकाय संघीय संसदलाई नै उपेक्षा गरिएको छ’, ठाकुर र यादवले भनेका छन् ।

जनता समाजवादीले सरकारको यो कदमलाई विधिको शासन विपरित षडयन्त्रपूर्वक ढंगले सर्वसत्ताबादी तथा आफ्नो स्वेच्छाचारी शासन चलाउन र संबैधानिक निकायहरुलाई नियन्त्रणमा लिन संविधानको भावना र मर्ममाथि नै प्रहार गरेको ठहर गरेको छ ।

सरकारको यस्तो कदमले संसदको सर्वोच्चता रहने संसदीय लोकतान्त्रिक प्रणालीलाई नै चुनौति दिनुका साथै संविधान र लोकतान्त्रिक गणतन्त्रलाई नै धरापमा पारी मुलुकलाई राजनीतिक द्वन्द्वको भूमरीतर्फ धकेल्ने कार्य गरेको जसपाको ठहर छ ।

उसले सरकारको यस्तो गैर–लोकतान्त्रिक एवम् स्वेच्छारारी कार्यको घोर भत्सर्ना एवम् विरोध गरेको छ ।

सम्बन्धित समाचार

भारतद्घारा बुटबलस्थित नहरपुर माविलाई ४ करोड ४१ लाख रुपैयाँ सहयोग
भारतद्घारा बुटबलस्थित नहरपुर माविलाई ४ करोड ४१ लाख रुपैयाँ सहयोग
  • २०७७ पुष १, १६: ४७: ४०

नयाँ बिकल्प,काठमाडौं । बुटवलस्थित नहरपुर माध्यमिक विद्यालयको नयाँ भवन निर्माणका लागि भारत सरकारले चार करोड ४१ लाख ४० हजार रुपैयाँ...

मदनराज गुरुङ स्मृति कप फुटसलको उपाधि बाह्रदशीलाई
मदनराज गुरुङ स्मृति कप फुटसलको उपाधि बाह्रदशीलाई
  • २०७७ पुष १, १६: ४७: ४०

काठमाडौं । नेपाली कांग्रेस झापा — काठमाडौं सम्पर्क समिति क्षेत्र नं ६ ले आयोजना गरेको मदनराज गुरुङ स्मृति कप फुटसल...

वैधानिक नेकपा हामी हौँ :  अध्यक्ष प्रचण्ड
वैधानिक नेकपा हामी हौँ : अध्यक्ष प्रचण्ड
  • २०७७ पुष १, १६: ४७: ४०

नयाँ विकल्प काठमाडाैं -नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले आफूहरू नै वैधानिक नेकपा भएको दाबी गरेका छन् ।...

भर्खरै

TOP