January 15, 2021, Friday

किन झुट बोल्दैछन् पूर्वराजा ज्ञानेन्द्र ?

किरण गिरी ,

काठमाडाै- ‘मलाई राजनीतिक दलहरुले राजा बनाएको होइन र जनताले हटाइएको पनि होइन’ पूर्वराजा ज्ञानेन्द्र शाह आजकाल निर्मल निवासमा राणा, ठकुरी र दरबारिया मानिसहरुलाई बोलाएर यस्तो भन्दै हौस्याउन र भड्काउन लागिरहेका छ्न भन्ने चर्चा संचार माध्यममा आउन थालेका छन् ।

राजधानी बाट प्रकाशित जनआस्था साप्ताहिकका अनुसार मंसिर २६ गते शुक्रबार नेपालगंजका मेयर धवल शम्शेर राणसँग पुर्बराजाले ‘मलाई राजनीतिक दलहरूले राजा बनाएको होइन र जनताले हटाएको पनि होइन’ भन्दै सरासर झुट र कपोल्कल्पित कुरा गरेका छन ।

२०५८ जेठ १९ गते भएको दरबार हत्या काण्डपछि तत्कालीन प्रधानमन्त्री गिरिजाप्रसाद कोइराला र तत्कालीन एमाले महासचिव माधवकुमार नेपाल समेतको उपस्थितिमा राजसभा स्थायी समिति बैठकले जनमानसमा अनेकौं प्रश्नहरु उठिरहेको अबस्था भए पनि ज्ञानेन्द्र लाई बीरेन्द्रको उत्तराधिकारीको रुपमा राजा बनाउने निर्णय गरेको हो ।

यो ऐतिहासिक तथ्य र वास्तबिकताविरुद्ध अहिले पूर्बराजा ज्ञानेन्द्र किन झुट बोल्दै छ्न ? दरबार हत्याकाण्डसंगै नेपाली जनताको मन मस्तिष्कबाट राजतन्त्रको अन्त्य भईसकेको थियो तापनी राजनीतिक दलहरूले सदासयतापूर्बक ज्ञानेन्द्रलाई राजा बनाएका थिए ।

वास्तवमा भन्ने हो भने गणतन्त्रको प्रस्थान बिन्दु थियो जेठ १९ , २०५८ को दरबार हत्याकाण्ड । त्यही हत्याकाण्डको कारण नेपाली जनताको मनोबिज्ञान राजतन्त्रको अन्त्य र गणतन्त्रको माहौलमा प्रवेश गरिसकेको थियोे । २०६२ माघ १९ गते पूर्बराजा ज्ञानेन्द्रबाट गरिएको शाही ‘कू’ पनि नेपालमा गणतन्त्र आगमनको लागि सहज र अनुकुल बाताबरण श्रृजना गर्न उल्लेख्य भूमिका खेकेको थियो ।

जसले नेपाली जनता र राजनीतिक दलहरुलाई गणतन्त्रको संस्थागत बिकासका लागि सक्रिय रहन र गोलबध्द हुन प्रेरणा दिएको थियो । यो कटु सत्यलाई कुल्चेर पूर्बराजा ज्ञानेन्द्रको बर्बराहटलाई चेतनशील नागरिक समाज र आमसंचार माध्यमले आश्चर्य साथ लिएको पाइन्छ । यस्तो कुराबाट उनको ब्यपारिक र सामाजिक बिश्वासनियता समेत गुमेको देखिन्छ ।

उनको दोस्रो झुट हो ‘नेपाली जनताले हटाएको पनि होइन’ भन्ने कुरा । यो पनि सरासर झुट र काल्पनिक कुरा हो । जब उनलाई नेपाली कांग्रेस र तत्कालीन नेकपा एमाले लगायतका राजनीतिक दलहरूले राजा बनाए तर उनले भने राजनीति दलहरूको भुमिका र अस्तित्व समाप्त पार्न देशको श्रोत साधन दुरुपयोग गर्न थाले ।

नेताहरूलाई जेल हाल्ने, संचार माध्यम बन्द गर्ने र नागरिक स्वतन्त्रताको हत्या गर्न उत्तेजित भएर अगाडि बढ्न थाले । यो रबैया र क्रियाकलाप पछि नेपाली जनताले नै उनलाई हटाएका हुन । ‘आफ्नो मन र मस्तिष्कबाट हटिसकेको भए पनि प्राबिधिक रुपमा नै सही’ नेपाली जनताले उनलाई दलहरुको निर्णय बमोजिम राजा स्वीकार गरेकै थिए ।

दल र नेताहरूको सदासयता कुल्चिएर ज्ञानेन्द्र संबैधानिक र प्रजातान्त्रिक मुल्य र मान्यतालाई कुल्चदै नेपाली राजनीतिमा मत्ता हात्ती झै अगाडि बढ्न थाले । उनको यस्तो व्यबहार र रबैया देखेपछि नेपाली जनता तथा सम्पूर्ण राजनीतिक दल राजतन्त्रको अन्त्य र पूर्ण लोकतन्त्रको स्थापना गर्ने मुद्दामा गोलबध्द भएका हुन् ।

यहि पृष्ठभुमिको जगमा २०६२–०६३ को जनआन्दोलन परिणाम स्वरुप नेपालमा लोकतन्त्रको स्थापना भयो । नेपाली जनताको ६० बर्षदेखिको चाहना बमोजिम नेपालमा संबिधान सभाको चुनाव भयो । त्यही संबिधान सभाले अन्तरिम संबिधान बमोजिम अन्तरिम ब्यबस्थापिका संसदले गरेको निर्णय अनुसार २०६५ जेठ १५ गते नेपाललाई संघीय लोकतान्त्रिक गणतन्त्र घोषणा गरेको हो ।

यसरी ९७ प्रतिशत भन्दा बढी नेपाली जनताले हटाएका हुन पूर्बराजा ज्ञानेन्द्रलाई । गौतम बुध्दले राजपाठ छोडे झै उनले नारायणहिटि छोडेका होइनन । नेपाली कांग्रेस , नेकपा एमाले , नेकपा माओवादी , मधेसबादी राजनीतिक दलहरुको सदासयताको कारण व्यापारिक स्वतन्त्रताका साथ पूर्बराजा ज्ञानेन्द्रले आफ्नो ब्यबसाय गरेर बस्ने सहुलियत पाइरहेका छ्न । यो कटु सत्यलाइ कसैले भुल्न र बिर्सन सक्दैन ।

जहाँसम्म अहिले सडकमा देखिएको पूर्बराजाबादीको जुलुस र नारा नेकपा ओली सरकारको रबैया र कार्यशैलीका कारण देखा परेको हो । नेपाली जनतामा छाएको निराशालाई प्रयोग गर्न तम्सिएका पूर्बराजा र पुर्बाराजाबादीहरुले के बुझ्नु जरुरी छ भने नेपाली जनता संघीय लोकतान्त्रिक गणतन्त्रको पक्षमा सतिसाल झै उभिएका छन

जस्तै गलत रबैया र कार्यशैली भएपनी नेपाली जनताको छोराछोरी मध्ये कोही रास्ट्रपतिलाई सार्बभौमसत्ता सम्पन्न नेपाली जनताले ५–५ बर्षमा फेर्न सक्छ्न । अब जन्मको आधारमा कसैलाई बिष्णुको अबतार मान्न र शासन गर्ने अधिकार दिन अब नेपाली जनता किमार्थ तयार हुने छैनन ।

सार्बभौमसत्ता सम्पन्न नेपाली जनता अब कसैको दास र रैती बन्न तयार हुने छैनन भन्ने कुरा स्वयं पूर्बराजा ज्ञानेन्द्रलाई जानकारी नभएको होइन । तर, आफुकहाँ आउने मान्छेहरुलाई आइराख्ने बनाउन र अल्मल्याउन पनि उनले मानिसहरुलाइ हौस्याउन एबम् भड्काउन पनि झुटको साहरा लिएको हुन सक्छ ।

एउटा राजनीतिक दलको विकल्प अर्को राजनीतिक दल हो । गणतन्त्रको विकल्प समुन्नत गणतन्त्र हो भन्ने संबैधानिक र राजनीतिक यथार्थलाई आम नेपाली जनताले आत्मसाथ गरिसकेको भू–धरातलीय यथार्थबाट नेपाली जनता पछाडि फर्कने छैनन र फर्कदैनन । नेपाली कांग्रेसले मंसिर २९ गते देशब्यापी रुपमा गरेको आन्दोलनमा दशौं लाख जनता सडकमा उत्रिएर संबिधान र संघीय लोकतान्त्रिक गणतन्त्रको रक्षा र सम्बद्र्धनको लागि प्रतिबद्ध रहने उद्घोष गरेका छ्न ।

त्यो घटना र प्रस्तुतिलाई समेत पूर्वराजा ज्ञानेन्द्र र उनका अनुयायी हुँ भन्नेहरुले राम्ररी अध्यय र विश्लेषण मात्र गर्ने हो भने पनि जनमत कता गएको छ भन्ने स्पस्ट देखिन्छ ।

(लेखक नेपाली कांग्रेसका केन्द्रीय सदस्य हुन)

सम्बन्धित समाचार

रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
  • २०७७ पुष ३, १३: २७: ५६

नयाँ बिकल्प, काठमाडौं – लुम्बिनी प्रदेशको रुकुम पूर्वका जिल्ला समन्वय प्रमुख गजेन्द्रबहादुर वलीसहित पाँचजनालाई प्रहरीले जुवा खेलिरहेको अवस्थामा पक्राउ गरेको...

शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
  • २०७७ पुष ३, १३: २७: ५६

नयाँ विकल्प,काठमाडौं – नेपाली कांग्रेसले प्रतिनिधि सभा विघटन गर्ने सरकारको कदम असंवैधानिक भएको भन्दै शनिबार देशका ७ सय ५३ वटै...

तङ्ग्रिदै छ पोखराको पर्यटन ब्यावसाय
तङ्ग्रिदै छ पोखराको पर्यटन ब्यावसाय
  • २०७७ पुष ३, १३: २७: ५६

सिबी अधिकारी, रासस पाेखरा-राजधानी काठमाडौँपछिको प्रमुख पर्यटकीय क्षेत्रको रुपमा पोखरा कहलिएको छ । अनुपम प्राकृतिक सुन्दरता, भौगोलिक विविधता तथा सुन्दर...

भर्खरै

TOP