May 17, 2021, Monday

राईलाई अख्तियारको प्रमुख आयुक्तमा सिफारिस, देउवा र सभामुख हेरेको हेरै


नयाँ विकल्प,
काठमाडौं – प्रधानमन्त्री अध्यक्ष रहेको संवैधानिक परिषद्को बैठकले अख्तियार दुरुपयोग अनुसन्धान आयोगको प्रमुख आयुक्तमा पूर्वसचिव प्रेम राईलाई सिफारिस गरेको छ ।
संवैधानिक परिषद्को काम कर्तब्य, अधिकार र कार्यविधि सम्वन्धी ऐनमा संशोधन गरी परिषद्मा कायम रहेका बहुमत सदस्यको उपस्थितिलाई गणपुरक संख्या मान्नु पर्ने प्रावधान राखेर अध्यादेश ल्याएपछि राईलाई पहिलो पटक संवैधानिक अंगको प्रमुखमा नियुक्तिको सिफारिस गरिएको हो ।

परिषद् सदस्य सभामुख अग्नीप्रसाद सापकोटा र प्रमुख प्रतिपक्षी दलका नेता शेरबहादुर देउवाको अनुपस्थितिमा मंसिर ३० गते साँझ बसेको परिषदको बैठकले राईलाई प्रमुख आयुक्तमा सिफारिस गरेको हो ।

आइतबार संघीय संसदको संसदीय सुनुवाइका लागि संसद सचिवालयमा संवैधानिक परिषद्को पत्र पुगेको स्रोतको भनाई छ ।

अख्तियारमा दुई जना सदस्य डा. गणेशराज जोशी र सावित्री थापा गुरुङ रहेका छन् । जोशी कार्यवाहक प्रमुख आयुक्त हुन् । जोशी र थापाभन्दा माथि जुनियर राईलाई प्रमुख आयुक्तमा नियुक्त गरेपछि उनीहरुलाई नैतिकताको आधारमा पद त्याग गर्न बाध्य पारिएको छ ।


राष्ट्रपति विद्यादेवी भण्डारी निकठ राईलाई केपी शर्मा ओली सरकारको नेतृत्वमा आउनासाथ महत्वपूर्ण जिम्मेवारी दिँदै आइएको थियो । राई केही समय अख्तियारकै सचिव र लामो समय गृह मन्त्रालयको सचिवको रुपमा जिम्मेवारी लिँदै आएका थिए ।

सम्बन्धित समाचार

पत्रकार कार्कीको उपचारको क्रममा निधन
पत्रकार कार्कीको उपचारको क्रममा निधन
  • २०७७ पुष ५, १५: ५१: १६

नयाँ बिकल्प,ललितपुर । नेपाल प्रेस युनियन ललितपुर जिल्ला समितिका संस्थापक अध्यक्ष तथा अग्रज पत्रकार बटुकृण कार्कीको सोमबार धापाखेलस्थित समेरु अस्पतालमा...

समालोचक सुवेदीको कोरोना संक्रमणबाट निधन
समालोचक सुवेदीको कोरोना संक्रमणबाट निधन
  • २०७७ पुष ५, १५: ५१: १६

नयाँ बिकल्पकाठमाडौं — बरिष्ठ समालोचक राजेन्द्र प्रसाद सुवेदीको कोरोना भाइरसको संक्रमणबाट सोमबार बिहान शहिद गंगालाल राष्ट्रिय हृदय केन्द्रमा निधन भएको...

काेराेनाका ९,२४७ नयाँ संक्रमित थपिए , २१४ जनाको मृत्यु
काेराेनाका ९,२४७ नयाँ संक्रमित थपिए , २१४ जनाको मृत्यु
  • २०७७ पुष ५, १५: ५१: १६

नयाँ विकल्पकाठमाडाैं- कोरोना भाइरस संक्रमणका कारण एकै दिन २१४ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो...

भर्खरै

TOP