March 2, 2021, Tuesday

प्रधानमन्त्री ओली नेकपा संसदीय दलको नेताबाट बर्खास्त


नयाँ विकल्प,

काठमाडौं – सत्तारूढ नेपाल कम्युनिष्ट पार्टी (नेकपा)को संसदीय दलको बैठकले प्रधानमन्त्री तथा दलका नेता केपी शर्मा ओलीलाई पदबाट निस्कासन गरेको छ ।

दलको सोमबार बसेको बैठकले दलका नेता तथा प्रधानमन्त्री ओलीलाई बर्खास्त गरेसँगै पार्टीका कार्यकारी अध्यक्ष समेत रहेका पूर्वप्रधानमन्त्री पुष्पकमल दाहाल (प्रचण्ड) लाई दलको नेता बनाउने प्रस्ताव गरेको छ ।

दलको निर्णयसहित निवेदन संसद् सचिवालयमा दर्ता भएको नेकपा संसदीय दलका प्रमुख सचेतक देव गुरुङले बताए । नेकपाका कार्यकारी अध्यक्ष दाहाल तथा वरिष्ठ नेता माधवकुमार नेपाल पक्षले बानेश्वरमा गरेको नेकपाका सांसदहरुको भेलापछि सञ्चारकर्मीहरूसँग कुरा गर्दै गुरुङले यस्तो जानकारी दिएका हुन् ।

सोमबार मात्रै प्रधानमन्त्री ओलीले संसद् विघटन गर्ने प्रस्ताव गरिसकेपछि दल नेता परिवर्तन गर्नुपर्छ भनेर संसद् सचिवालयमा दल नेताको रुपमा पुष्पकमल दाहाललाई प्रस्तावित गरिएको हो ।

संघीय संसद सचिवालयले भने संसदीय दलको नेता परिवर्तन गर्ने बारे कुनै निवेदन नआएको बताएको छ । संसदीय दलको तर्फबाट ८३ जना नेकपाका सांसदहरुले प्रधानमन्त्री ओलीबिरुद्ध अविश्वासको प्रस्ताव संसद सचिवालयमा सोमबार दर्ता गराएका थिए ।

संसद सचिवालयमा बिहान दर्ता गरिएको भनिएको प्रस्तावमा समय तीन ३० उल्लेख गरिएको छ र प्रधानमन्त्री ओलीले प्रतिनिधिसभा भंग गरी ताजा जनादेशको लागि निर्वाचनको मिति समेत तोकेर सिफारिस गरेपछि राष्ट्रपतिले दिउँसो दुइ बजे नै संसद भंगको घोषणा गरेकी थिइन् ।

सम्बन्धित समाचार

नेपाली काँग्रेसले पहल गरोस् सबै दलको राष्ट्रिय सरकारका लागि
नेपाली काँग्रेसले पहल गरोस् सबै दलको राष्ट्रिय सरकारका लागि
  • २०७७ पुष ६, १७: २८: ५२

१. प्रतिनिधि सभा विघटनसम्बन्धी संवैधानिक इजलासमा बहसमा रहेको वहुप्रतीक्षित रिटको फैसला २०७७ साल फागुन ११ गते भयो र त्यो फैसलाले...

नेकपा ओली समूहकी जिल्ला सदस्य रहेकी न्यायाधीशकी श्रीमती ब्राउन सुगरसहित पक्राउपछि प्रहरी तनावमा
नेकपा ओली समूहकी जिल्ला सदस्य रहेकी न्यायाधीशकी श्रीमती ब्राउन सुगरसहित पक्राउपछि प्रहरी तनावमा
  • २०७७ पुष ६, १७: २८: ५२

नयाँ बिकल्प,तुलसीपुर – पुनरावेदन अदालतका एक न्यायाधीशकी श्रीमती समेत रहेकी सत्तारुढ नेपाल कम्युनिष्ट पार्टी (नेकपा) ओली समूहको दाङ जिल्ला कमिटी...

अनलाइनमार्फत व्यवसाय प्रवद्र्धन गर्न सरकारको प्रक्रिया शुरु
अनलाइनमार्फत व्यवसाय प्रवद्र्धन गर्न सरकारको प्रक्रिया शुरु
  • २०७७ पुष ६, १७: २८: ५२

नयाँ विकल्पचितवन–उद्योग वाणिज्य तथा आपूर्ति मन्त्रालयले व्यवसाय प्रवद्र्धनका लागि अनलाइन सेवा सञ्चालन गर्ने भएको छ । व्यापार तथा निकासी प्रवद्र्धन...

भर्खरै

TOP