June 19, 2021, Saturday

सरकारमा प्रचण्ड समूहबाट आएका ७ र पूर्वएमालेका २ लाई मन्त्री बनाइयो, दुई मन्त्री निकालिए


नयाँ विकल्प,

काठमाडौं । प्रधानमन्त्री केपी शर्मा ओलीले पूर्वमाओवादी पृष्ठभूमिका ७ र पूर्व एमाले पृष्ठभूमिका २ गरी ९ जनालाई मन्त्रिपरिषद्मा ल्याएका छन् ।

केही मन्त्रीको जिम्मेवारी हेरफेर गरेका छन् भने मन्त्रीपरिषद्का सदस्य दुई जनालाई निकालेका छन् । प्रतिनिधिसभा विघटनपछि प्रचण्ड नेपाल समूहबाट मन्त्रिपरिषदका ७ जनाले राजीनामा दिएपछि रिक्त स्थानमा ओलीले नयाँ मन्त्री नियुक्त गरेका हुन् ।

पूर्वमाओवादी समूहबाट आफ्नो पक्षमा आएकाहरुलाई ओलीले मन्त्री बनाएका हुन् । विस्तारित मन्त्रिपरिषद्का नयाँ सदस्यका रूपमा टोपबहादुर रायमाझीलाई उर्जा मन्त्रालयको जिम्मेवारी दिइएको छ भने मणि थापाले खानेपानी मन्त्रालयको जिम्मेवारी दिइएको छ ।

प्रभु शाहलाई शहरी विकासमन्त्रालयको जिम्मेवारी दिइएको छ भने प्रेम आलेलाई वन मन्त्रालयको जिम्मेवारी दिइएको छ । गणेश ठगुन्नालाई संघीय मामिला तथा सामान्य प्रशासन मन्त्रालयको जिम्मेवारी दिइएको छ भने गौरीशंकर चौधरीलाई श्रम मन्त्रीको जिम्मेवारी दिइएको छ ।

यस्तै, दावा लामा युवा तथा खेलकुद मन्त्री बनेका छन भने जुलीकुमारी महतो महिला बालबालिका मन्त्री बनेकी छन् । विमला विश्वकर्मा उद्योग राज्यमन्त्री बनेकी छन् । प्रभु शाहले दोश्रो पटक शहरी विकास मन्त्रालयको जिम्मेवारी पाएका हुन् भने जुली महतो पूर्व मन्त्री रघुबीर महासेठकी श्रीमती हुन् ।

ओलीले केही मन्त्रीको जिम्मेवारी हेरफेर गरेका छन् । यसअघि कानुनमन्त्री रहेकी डा.शीवामाया तुम्बाहाम्फेलाई भूमिसुधार मन्त्रालयको जिम्मेवारी दिइएको छ भने भूमिसुधार मन्त्री पद्मा अर्याललाई कृषि मन्त्रालयको जिम्मेवारी दिइएको छ ।

सामान्य प्रशासन मन्त्री रहेका हृदय त्रिपाठीलाई स्वास्थ्य मन्त्रालयको जिम्मा दिइएको छ भने स्वास्थ्यमन्त्री भानुभक्त ढकाललाई पर्यटन मन्त्रालयको जिम्मेवारी तोकिएको छ ।

महिला तथा बालबालिका मन्त्री लीलानाथ श्रेष्ठ कानुनमन्त्री बनेका छन भने शहरी विकासमन्त्री कृष्णगोपाल श्रेष्ठ शिक्षा मन्त्री बनेका छन् । मन्त्रिपरिषद्का दुई नयाँ अनुहार आले मगर र महतो एमाले पृष्ठभूमिका हुन् । दाबा लामा र मणी थापा सांसद होइनन् ।

युवा तथा खेलकुदमन्त्री जगत विश्वकर्मा र उद्योग राज्यमन्त्री मोती दुगडलाई भने ओलीले मन्त्रिपरिषदबाट हटाएका छन् ।

सम्बन्धित समाचार

मेलम्ची र हेलम्बुका बाढी पीडितलाई आयल निगमले दिए ग्यास लिलिण्डर र ग्यास चुल्हो
मेलम्ची र हेलम्बुका बाढी पीडितलाई आयल निगमले दिए ग्यास लिलिण्डर र ग्यास चुल्हो
  • २०७७ पुष १०, २१: ५९: २८

नयाँ बिकल्प, काठमाडौं । तीन दिनअघि आएको अबिरल वर्षाका कारण बाढी र पहिरोबाट जनधनको क्षति व्यहोरेका सिन्धुपाल्चोक जिल्लाको मेलम्ची र...

प्रदेश २ का ७ जिल्लाको पार्टी समायोजनबिरूद्ध उजुरी परेपछि कांग्रेस क्रियाशिल सदस्यता अड्कियाे
प्रदेश २ का ७ जिल्लाको पार्टी समायोजनबिरूद्ध उजुरी परेपछि कांग्रेस क्रियाशिल सदस्यता अड्कियाे
  • २०७७ पुष १०, २१: ५९: २८

नयाँ बिकल्प, काठमाडौं । नेपाली कांग्रेसको महाधिवेशन आगामी भदौ १६ देखि १९ गतेसम्म १४ औं महाधिवेशन काठमाडौंमा गर्ने घोषणा गरे...

ढुंगा, गिटी निकासी नगर्न सर्वोच्चको अन्तरिम आदेश
ढुंगा, गिटी निकासी नगर्न सर्वोच्चको अन्तरिम आदेश
  • २०७७ पुष १०, २१: ५९: २८

नयाँ विकल्प काठमाडौं – सर्वोच्च अदालतले ढुंगा, गिटी बालुवा निकासी गर्ने गरी सरकारले आर्थिक वर्ष २०७८–७९ को बजेट वक्तव्यमा गरेको...

भर्खरै

TOP