March 3, 2021, Wednesday

प्रचण्डले धुम्वाराही र बल्खुमा आँखा लगाए पेरिसडाँडामा आगो लगाइने बस्नेतको चेतावनी


नयाँ विकल्प,
काठमाडौं – प्रतिनिधिसभा विघटन गरी मध्यावधि निर्वाचन घोषणा गरेका प्रधानमन्त्री केपी शर्मा ओलीविरुद्ध सत्तारुढ नेकपाका नेताहरु पुष्पकमल दाहाल ‘प्रचण्ड’ र माधवकुमार नेपाल सडक संघर्षमा उत्रिएसँगै ओली पक्षधर नेताहरुले प्रतिकार र प्रतिवादको चेतावनी दिएका छन् ।

सत्तारुढ नेकपा बैधानिक रुपमा नफुटेपनि व्यवहारिक रुपमा समानान्तर संगठन बिस्तार गर्दै गरेका प्रचण्डमाथि ओली पक्षधर नेता तथा विघटित प्रतिनिधिसभा सदस्य महेश बस्नेतले नेकपाको मुख्यालय धुम्वाराही र बल्खुमा आँखा लगाएमा पेरिसडाँडामा आगो लाग्ने चेतावनी दिएका छन् ।

ललितपुर क्षेत्र नं १ मा नेकपाको ओली पक्षधर समूहले आयोजना गरेको भेलालाईं संवोधन गर्दै यूवा संघका पूर्वअध्यक्ष बस्नेतले धुम्वाराही र बल्खुको पार्टी कार्यांलय कब्जा गर्न खोजेमा पूर्वमाओवादीको मुख्यालय पेरिसडाँडामा युवाहरुले आगो लगाउने चेतावनी दिएका हुन् ।

महोत्तरीबाट निर्वाचित जनता समाजवादीका सांसद सुरेन्द्र यादवलाई अपहरण गरी काठमाडौंस्थित होटल मेरिटमा बन्धक बनाउन भूमिका खेलेको आरोप लागेका बस्नेतले प्रचण्डले पूर्वएमालेका नेता तथा पूर्वंप्रधानमन्त्रीहरु झलनाथ खनाललाई राष्ट्रपति र माधवकुमार नेपाललाई पार्टी अध्यक्ष बनाउने भन्दै पार्टीमा विग्रह सृजना गर्न खोजेको आरोप लगाए ।

बस्तेतले पार्टीको अध्यक्षबाट हटाएको भोलिपल्टदेखि नै प्रचण्ड सडकमा पुगेको भन्दै सूर्य चुनाव चिन्हमा आँखा नलगाइ गोलाकार भित्रको हँसिया हथौडा लिएर चुनावमा उत्रन चेतावनी दिए ।

सम्बन्धित समाचार

प्रचण्ड-नेपाल पक्षको केन्द्रीय कमिटी बैठक बस्दै
प्रचण्ड-नेपाल पक्षको केन्द्रीय कमिटी बैठक बस्दै
  • २०७७ पुष ११, २१: ५९: ५१

नयाँ विकल्प, काठमाडाैं- संसद बैठक र सरकार गठनबारे रणनीति तय गर्न नेकपाको प्रचण्ड-नेपाल पक्षको केन्द्रीय कमिटी बैठक बाेलाएकाे छ ।...

अभियान सञ्चालनपछि अनुसन्धानमा सफलता
अभियान सञ्चालनपछि अनुसन्धानमा सफलता
  • २०७७ पुष ११, २१: ५९: ५१

नयाँ विकल्प इलाम – रोङ गाउँपालिका–२ बस्ने २८ वर्षीय को प्रितम राई पाँच वर्षपछि प्रहरीको पञ्जामा परे । जबर्जस्ती करणीका...

राउटे अगुवाद्वारा मुख्यमन्त्री शाहीसँग खाना र पाल माग
राउटे अगुवाद्वारा मुख्यमन्त्री शाहीसँग खाना र पाल माग
  • २०७७ पुष ११, २१: ५९: ५१

नयाँ विकल्प सुर्खेत- कर्णाली प्रदेश सरकारका मुख्यमन्त्री महेन्द्रबहादुर शाहीलाई राउटे अगुवा दिलबहादुर शाहीले भेटेका छन् । आफ्ना जनताका लागि खानाको...

भर्खरै

TOP