June 20, 2021, Sunday

‘राष्ट्रपति भण्डारी प्रधानमन्त्री ओलीको हल्कारा जस्तै’


नयाँ विकल्प,

काठमाडौं – नेपाली कांग्रेस संसदीय दलका प्रमुख सचेतक बालकृष्ण खाँणले राष्ट्रपति विद्यादेवी भण्डारी प्रधानमन्त्री केपी शर्मा ओलीको ‘हल्कारा’जस्तो भएको आरोप लगाएका छन् ।

नेपाल प्रेस युनियन रुपन्देहीले बुटवलमा मंगलबार बिहान आयोजना गरेको पत्रकार सम्मेलनमा नेता खाँणले प्रधानमन्त्रीले जे सिफारिस गरेपनि खुरुखुरु सद्धर गर्ने प्रकृयाले राष्ट्रपतिको भूमिका प्रधानमन्त्रीको हल्कारा जस्तो भएको आरोप लगाए ।

नेपालको राष्ट्रियता र लोकतान्त्रिक मुल्य–मान्यतालाई कमजोर हुन दिने पक्षमा कांग्रेस कहिल्यै नभएको भन्दै नेता खाँणले संविधानले प्रधानमन्त्री र राष्ट्रपतिलाई नभई जनतालाई मालिक बनाएको बताए ।

‘प्रधानमन्त्री जे पठायो त्यही मसी सुक्न नपाउँदै पास गर्ने भए राष्ट्रपति कार्यालयमा सल्लाहकारहरु किन राखेको ? सरकारी तलब किन खुवाएको ?’ खाँणले प्रश्न गरे । उनले अदालतमा रहेको प्रतिनिधि सभा विघटनको मुद्धा विचाराधीन भएकाले धेरै प्रेसर दिनु उचित नहुने बताए ।

‘संसद विघटनलाइ कांग्रसले अलोकतान्त्रिक, असंवैधानिक, अधिनायकवादको यात्रा ठहर गरिसके पनि अदालतको निर्णयलाई भने स्वीकार गर्छ । अदालतको निर्णयपछि हामी उपयुक्त निर्णय लिन्छौँ, अहिले पर्ख र हेरको अवस्थामा छौँ’, खाँडले भने ।

नेता खाँणले नेकपा नेतृत्वको सरकारले जनताको हकअधिकार खोसेको भन्दै ओलीकै पालामा मुलुकमा भ्रष्टाचार बढेको आरोप लगाए ।

सम्बन्धित समाचार

शेयर बजारमा पहिरोः ६३.२८ अंकले नेप्से घट्यो, कारोबार पनि १२ अर्बमा सिमित
शेयर बजारमा पहिरोः ६३.२८ अंकले नेप्से घट्यो, कारोबार पनि १२ अर्बमा सिमित
  • २०७७ पुष १४, १४: ३७: ४८

नयाँ बिकल्प, काठमाडौं । धितोपत्र बोर्डले गत मंगलबार ५१ वटा संस्थाले शेयर बजारमा आन्तरिक चलखेल गरी शेयर मुल्य बढाएको र...

देउवाकाे सभापति दोहोर्याउने चाहनाः बागमति र गण्डकी प्रदेशका नेतासँग छुट्टा छुट्टै परामर्शमा
देउवाकाे सभापति दोहोर्याउने चाहनाः बागमति र गण्डकी प्रदेशका नेतासँग छुट्टा छुट्टै परामर्शमा
  • २०७७ पुष १४, १४: ३७: ४८

नयाँ बिकल्प, काठमाडौं । नेपाली कांग्रेसका सभापति शेरबहादुर देउवाले पार्टीको नेतृत्वमा पुनः दोहोरिने चाहना प्रकट गरेका छन्।पार्टी केन्द्रीय कार्यसमितिको शुक्रबारको...

कोरोना संक्रमणबाट पूर्वराज्यमन्त्री बिष्टकाे निधन
कोरोना संक्रमणबाट पूर्वराज्यमन्त्री बिष्टकाे निधन
  • २०७७ पुष १४, १४: ३७: ४८

नयाँ विकल्प, काठमाडाैं- नेपाली कांग्रेसका नेता एंव पूर्वसञ्चार राज्यमन्त्री तप्तबहादुर बिष्टको कोरोनाभाइसको संक्रमणबाट निधन भएको छ। सुर्खेतमा कोरोना संक्रमण भएका...

भर्खरै

TOP