February 26, 2021, Friday

नेप्सेमा नयाँ रेकर्डः सन् २०२० को अन्तिम कारोबारमा अलटाइम हाइ रेकर्ड


नयाँ विकल्प
काठमाडाैं- नेप्से परिसूचकले सन् २०२० को अन्तिम कारोबार दिननयाँ अलटाइम हाइ रेकर्ड बनाएको छ।

यस दिन नेप्सेले यस अघिको अलटाइम हाइ २०७१ लाई तोड्दै नयाँ रेकर्ड बनाएको हो। बिहीबार नेप्से परिसूचक २५.२१ अंक बढ्दै २०८७.२७ विन्दुमा पुगेको हो। यस अघि नेप्सेको अलटाइम हाइ २०७१.०३ विन्दु थियो। अघिल्लो दिन २०६२.०६ विन्दुमा बन्द भएको नेप्सेले अलटाइम हाइ रेकर्डलाई यस दिन प्रि ओपन सेसनमै तोडेको थियो। पुरानो रेकर्ड ताडिएसँगै लगानीकर्ताहरुमा उत्साह छाएको छ।

यस दिन नेप्सेसँगै कारोबार रकममा पनि सुधार देखिएको छ। बिहीबार २०७ कम्पनीको ५० हजार ३८६ पटकको कारोबारमा ५ अर्ब ७० करोड ३४ लाख ६९ हजार रुपैयाँ बराबरको १ करोड १४ लाख ६४ हजार कित्ता शेयर खरिदबिक्री भएको छ। अघिल्लो दिन अर्थात बुधबार बजारमा करिब साढे ४ अर्बको शेयर कारोबार भएको थियो।

यस दिन साल्ट ट्रेडिङ्ग कर्पोरेशनको शेयर सकारात्मक सर्किट लेभलमा कारोबार भएको छ। सो कम्पनीको शेयरमूल्य यस दिन ५७१ रुपैयाँ बढेर ६ हजार २८१ रुपैयाँमा अन्तिम कारोबार भएको हो।

त्यसैगरी, एभरेष्ट बैंकको शेयरमूल्य यस दिन ६.६७ प्रतिशत, गुडविल फाइनान्सको ५.९७ प्रतिशत, लक्ष्मी बैंकको ५.९३ प्रतिशत, सिद्धार्थ बैंकको ५.५७ प्रतिशत र नेपाल एसबिआई बैंकको ५.१७ प्रतिशत बढेको छ। यस दिन नारायणी डेभलपमेन्ट बैंकको शेयरमूल्य भने ३.७८ प्रतिशत घटेको छ।

११ उपसमूहको परिसूचक हरियो

बिहीबार कारोबारमा आएका १२ उपसमूहमध्ये ११ उपसमूहको परिसूचक बढेर हरियो भएको छ भने १ उपसमूहको परिसूचक घटेको छ। यस दिन व्यापार उपसमूहको परिसूचक सर्वाधिक ८.८९ प्रतिशत बढेको छ। त्यसैगरी, बैंकिङ्ग उपसमूहको परिसूचक यस दिन १.९७ प्रतिशत, अन्यको १.४५ प्रतिशत र जीवन बीमाको १.४५ प्रतिशत बढेको छ। यस दिन निर्जीवन बीमा उपसमूहको परिसूचक भने सर्वाधिक १.०१ प्रतिशत घटेको छ।

हिमालयन डिष्टिलरीको सर्वाधिक कारोबार

कारोबार रकमका आधारमा यस दिन हिमालयन डिष्टिलरी लिमिटेड शीर्ष स्थानमा रहेको छ। यस दिन सो कम्पनीको ४६ करोड ८८ लाख १८ हजार रुपैयाँभन्दा बढीको शेयर खरिदबिक्री भएको छ। कम्पनीको लाभांश सुरक्षित गर्ने अन्तिम दिन भएका कारण यस कम्पनीमा लगानीकर्ताहरुको आकर्षण बढेको हो।

सम्बन्धित समाचार

नेकपा बिबाद छिनोफानो नभएसम्म प्रचण्ड –माधव वा ओली कसैलाई पनि कांग्रेसले समर्थन नगर्ने
नेकपा बिबाद छिनोफानो नभएसम्म प्रचण्ड –माधव वा ओली कसैलाई पनि कांग्रेसले समर्थन नगर्ने
  • २०७७ पुष १६, १५: ४५: २२

नयाँ बिकल्प, काठमाडौं – नेपाली कांग्रेसले प्रतिनिधि सभा पुनस्र्थापनापछि बन्ने नयाँ सरकारको विषयमा सत्तारुढ नेपाल कम्युनिष्ट पार्टी (नेकपा)को बिबाद छिनोफानो...

प्रविणको संकास्पद मृत्युु प्रकरणमा ‘प्रहरीमाथी लागेको धब्बा’ मेटाउन सरकार किन काँपीरहेछ ?
प्रविणको संकास्पद मृत्युु प्रकरणमा ‘प्रहरीमाथी लागेको धब्बा’ मेटाउन सरकार किन काँपीरहेछ ?
  • २०७७ पुष १६, १५: ४५: २२

नयाँ बिकल्प,काठमाडौं – सानालाई ऐन, ठूलालाई चैन भने झैं मोरङको उर्लाबारी ५ का प्रविण बाँस्तोलाको गत पुस ५ गते भएको...

युरोपेली युनियनका राजदूतलाई ७२ घण्टाभित्र देश छाड्न आदेश
युरोपेली युनियनका राजदूतलाई ७२ घण्टाभित्र देश छाड्न आदेश
  • २०७७ पुष १६, १५: ४५: २२

काराकास–भेनेजुएलाले बुधबार युरोपेली युनियनका राजदूतलाई राजधानी काराकास ७२ घण्टाभित्र छाड्न आदेश दिएको छ । युरोपेली युनियनले भेनेजुएला विरुद्ध प्रतिबन्धको घोषणा...

भर्खरै

TOP