June 20, 2021, Sunday

आफूबिरुद्ध अविश्वासको प्रस्ताव ल्याउने १५ प्रदेश सांसदलाई मुख्यमन्त्रीले निलम्वन गरे


नयाँ विकल्प,
विराटनगर – आफूबिरुद्ध अविश्वास प्रस्ताव पेश गर्दै संसदीय दलको नेताबाट हटाउने निर्णय गर्ने सत्तारुढ नेपाल कम्युनिस्ट पार्टी (नेकपा) को प्रदेश नं १ का प्रचण्ड–माधव नेपाल समूहका १५ प्रदेश सांसदलाई मुख्यमन्त्री शेरधन राईले निलम्वन गरेका छन् ।

बिहीबार मात्र प्रचण्ड–माधव समूहका ३६ प्रदेश सांसदले मुख्यमन्त्री शेरधन राईलाई संसदीय दलको नेताबाट हटाउने निर्णय गरेको थियो । उनलाई मुख्यमन्त्रीबाट हटाउन यसअघि नै अविश्वासको प्रस्ताव पेश भएको थियो ।

अविश्वासको प्रस्ताव पेश गर्ने सांसदहरुले भीम आचार्यलाई मुख्यमन्त्रीमा प्रस्ताव गरिसकेका थिए भने विहीबार मात्रै दलको नेता चयन गरेका थिए । त्यसको प्रतिउत्तरमा ओली समूहका मुख्यमन्त्री राईले आचार्यसहित १५ प्रदेशसभा सदस्यदलाई तीन महिनाका लागि निलम्बन गरेका छन् ।

आचार्यसँगै निवर्तमान प्रदेशका मन्त्री ईन्द्र आङ्बो, जीवन घिमिरे, राज्यमन्त्री विजयकुमार विश्वास तथा सावित्राकुमार रेग्मी, उपेन्द्र घिमिरे, लिलावल्लभ अधिकारी, राजेन्द्रकुमार राई, यशोधा अधिकारी, लछुमन तिवारी, मोहन कुमार खड्का, कुलप्रसाद साम्बा, धिरेन्द्र शर्मा, टंक आङबुहाङ, कुसुम कुमारी श्रेष्ठलाई निलम्बन घोषणा गरिएको छ ।

यसअघि शनिबार मुख्यमन्त्री शेरधन राईले इन्द्र आङ्बोलाई मन्त्रीबाट हटाएका थिए । मुख्यमन्त्री राईले काटेको पत्रमा नेकपा संसदीय दलको विधान २०७६ को दफा २६ (ग) बमोजिम आगामी तीन महिनाका लागि दलको कुनै पनि क्रियाकलापमा भाग लिन नपाउने गरी निलम्बन गरिएको जनाइएको छ ।

राईबिरुद्ध अविश्वासको प्रस्ताव पेश गर्दा निबर्तमान मन्त्री इन्द्र आङ्बो प्रस्तावक र तेह्रथुमका प्रदेश सांसद लक्षुमन तिवारी समर्थक थिए । प्रदेश नं १ मा ९३ जना प्रदेश सभासद् छन् । ति मध्ये नेकपासँग ६७ सांसद रहेका छन् ।

सम्बन्धित समाचार

अग्रपत्तिंमा खटिते पत्रकारलाई कोरोना विरुद्धको खोप उपलब्ध गराउन सर्वाेच्चकाे आदेश
अग्रपत्तिंमा खटिते पत्रकारलाई कोरोना विरुद्धको खोप उपलब्ध गराउन सर्वाेच्चकाे आदेश
  • २०७७ पुष १६, १५: ५९: १६

नयाँ विकल्प, काठमाडाैं- सर्बोच्च अदालतले पत्रकारलाई तत्काल कोरोना विरुद्धको खोप उपलब्ध गराउन अन्तरिम आदेश दिएको छ । पत्रकार महासंघ काठमाडौ...

काठमाडौं उपत्यकामा पुनः एक साता निषेधाज्ञा थपियाे,  बारअनुसार पसल खोल्न पाइने
काठमाडौं उपत्यकामा पुनः एक साता निषेधाज्ञा थपियाे, बारअनुसार पसल खोल्न पाइने
  • २०७७ पुष १६, १५: ५९: १६

नयाँ विकल्प, काठमाडाैं- उपत्यकामा थप एक साता निषेधाज्ञा थपिएको छ। उपत्यकाका तीन प्रमुख जिल्ला अधिकारीहरूको आइतबार साँझ बसेको बैठकले असार...

‘संस्थापन पक्षलाई संगठीत र तठस्थलाई तान्न सके सभापति जित्न सहज’
‘संस्थापन पक्षलाई संगठीत र तठस्थलाई तान्न सके सभापति जित्न सहज’
  • २०७७ पुष १६, १५: ५९: १६

नयाँ बिकल्प, काठमाडौं । नेपाली कांग्रेसका सभापति शेरबहादुर देउवालाई पार्टीको आगामी १४ औं महाधिवशेनमा पुन सभापति जिताउन संस्थापन पक्षधरका नेता...

भर्खरै

TOP